عاونوني ولو بفكرة فالطياب

الماسة النادرة · 2013-07-11, 19:17

سلام عندي صدر دجاج وقسمتوا على زوج واني ابة نصيبوا لكن بطريقة شوية عصرية مثلانديرو باني لكم معرفتش كل وحدة عندها فكرة على كيفاش نطيبوا قولي كاش طريقة هي موالفة الديرها

bibicha · 2013-07-11, 19:29

انا موالفة نحكم صدر نقطعو كيما الاسكالوب و ندير فيه ملح و فلفل اسود و نمسح فوقو فروماج شاف بعدها نرمدو فالفرينه بيض و شابلوغ و نقليه
ولا ندير بصلة مفرومة في شوية زيت و زبدة و نقليها نزيد ندير ملخ و فلفل اسود و نقطع الصدر مربعات و نقليهم فالزيت و لبصل بعد ما يحمارو ندير مغرف موتارد صغيرة و وحدة كرام فراش و ندير زعيترة و نخليها تطبخ 15 دقيقة على نار هادية تجي مليحة

sarsabila · 2013-07-11, 20:41

أنا نجيب صدر دجاج و نرحيه مع البصل والمعدنوس ملح و فلفل اسود و ثلاث مغارف كبار سميد خشن و نكور كويرات و نحطها في مرقه بيضاء مع دجاج و حمص و يقدم مع شرائح ليمون

marwa marama · 2013-07-11, 21:59

السلام عليكم
نروحو نطيبو السدر تاع الجاج في لاصوص بيضة وكي يطيب نروحو نرحيو السدر تاع الجاج ونخلطوا معاه الاصفر تاع البيض باه يتلملك ومن بعد نديروه دواور صغار وكل دوايرة نبسطوها على الكف نتاع يدك تولي على شكل قرصة صغيرة ونجيبو الفرماج نحطوه في نصها ونقفلو عليه ونكركبوها تولي كعبورة ومن بعد اغطسيها في البيض مرمديها في البطاطا ماش طايبة مرحية في الرقيقة وحطيها تتقلى وكي تتقلى حطيها في السحن وصبي عليها لاصوص نتاعها سخونة وشهية طيبة

souma roua · 2013-07-11, 22:03

شكرا لكم جميعا