كلام خطير

مريم الصابرة · 2012-09-11, 20:03

.000000000000000

السي محمد · 2012-09-11, 20:25

معك حق اختي مريم

القَسم صار كشربة الماء

و لفظ الجلالة صار لُعبة في ألسنة الناس

و هُم لا يعلمون انّما يرتكطبون إثما عظيما

واش نقوللك

ربي يهدينا و يصلح احولنا

==============

كيف حالك اختي مرين و صحة الوالدة؟؟

~~knives55~~ · 2012-09-11, 20:34

تفسيربسم الله الرحمان الرحيم

" ولا تجعلوا الله عرضة لأيمانكم "

صدق الله العظيم

شيئ صعب تغير عقلية الناس

يعني تنصح ما تنصحش كيف كيف

حتي انا في هذ العادة

نحلف من دون سبب

بصح موش نحلف لواحد على شيئ لن افعله

مثل

كونوا في حديث

نقول والله خير الوم مشيت لبوسط

هكذا

بصح راح انحاول نتخلص منها

وشكراا

soha1987 · 2012-09-11, 20:39

شكرا مريومة على الموضوع الناس عادت تحلف فالباطل يبانلهوم اسم الله لعب والظاهرة منتشرة بزاف بين الكبار والصغار والمجتمع الجزائري تجذرت فيه هاد الظاهرة باش نتخلصو منها صعيب واش نقولو ربي يهدينا وليلة سعيدة

مريم الصابرة · 2012-09-11, 20:50

اقتباس:

المشاركة الأصلية كتبت بواسطة السي محمد

معك حق اختي مريم

القَسم صار كشربة الماء

و لفظ الجلالة صار لُعبة في ألسنة الناس

و هُم لا يعلمون انّما يرتكطبون إثما عظيما

واش نقوللك

ربي يهدينا و يصلح احولنا

==============

كيف حالك اختي مرين و صحة الوالدة؟؟

السلام عليكم اخي محمد كيف حالك وحال العائلة الكريمة
انا بخير شكرا لك والدتي الحمد لله بخير شكرا لك
معك حق لفظ الجلالة رجع حاجة صغيرة بزاف والحليف عادي حتى رجعنا الشخص اللي يحلفنا ما نصدقوهش من كثرة واش يحلف وعارفيم الحلفان رجع عادي ربي يهدينا شكرا

مريم الصابرة · 2012-09-11, 20:54

اقتباس:

المشاركة الأصلية كتبت بواسطة knives55

تفسيربسم الله الرحمان الرحيم

" ولا تجعلوا الله عرضة لأيمانكم "

صدق الله العظيم

شيئ صعب تغير عقلية الناس

يعني تنصح ما تنصحش كيف كيف

حتي انا في هذ العادة

نحلف من دون سبب

بصح موش نحلف لواحد على شيئ لن افعله

مثل

كونوا في حديث

نقول والله خير الوم مشيت لبوسط

هكذا

بصح راح انحاول نتخلص منها

وشكراا

السلام عليكم اخي بارك الله فيك على مشاركتك
اخي اكيد ما نقدرش نبدل عقلية الناس لأانو حتى انا مرات نحلف وخلاص لكن لما فكرت فالموضوع مليح رجعت لما نجي نحكي ونكون صادقة وما نحلفش والناس اللي يحبوني ما نحلفلهمش لأانو يعرفوني ما نكذبش وما رانيش محتاجة نحلف بربي على امور الدنيا التافهة تراجعت على الحلفان ونتمنى نساهم في نزعها من بالكم شكرا

مريم الصابرة · 2012-09-11, 21:02

[QUOTE=soha1987;11557179]شكرا مريومة على الموضوع الناس عادت تحلف فالباطل يبانلهوم اسم الله لعب والظاهرة منتشرة بزاف بين الكبار والصغار والمجتمع الجزائري تجذرت فيه هاد الظاهرة باش نتخلصو منها صعيب واش نقولو ربي يهدينا وليلة سعيدة[/QUOTE
السلام عليكم أختي لا شكر على واجب
صح العقلية هذي بزاف تفشات في بلادنا بزاف ربي يهدينا شكرا

مسلم سني · 2012-09-11, 21:14

السلام عليكم
أتمنى أن تكون أحوالك بخير وسلامي للوالدة الكريمة
هاته الظاهرة موجودة ومنتشرة بكثرة للأسف
وأنا أصدقك القول في أحيان كثيرة أقسم على التلاميذ في مسألة النقاط مثلا أن تكون نقطة التقويم المستمر تحت 10
ثم أندم لتسرعي خاصة عند ملء كشف النقاط وزوال حالة الغضب
وترجي التلاميذ بأن أعدل عن ذلك
تعودنا على هذا في حياتنا والتعود على الأمر يحوله إلى أمر عادي
أتمنى أن نتخلص من هذا
بارك الله فيك على الموضوع

مريم الصابرة · 2012-09-11, 21:24

اقتباس:

المشاركة الأصلية كتبت بواسطة مسلم سني

السلام عليكم
أتمنى أن تكون أحوالك بخير وسلامي للوالدة الكريمة
هاته الظاهرة موجودة ومنتشرة بكثرة للأسف
وأنا أصدقك القول في أحيان كثيرة أقسم على التلاميذ في مسألة النقاط مثلا أن تكون نقطة التقويم المستمر تحت 10
ثم أندم لتسرعي خاصة عند ملء كشف النقاط وزوال حالة الغضب
وترجي التلاميذ بأن أعدل عن ذلك
تعودنا على هذا في حياتنا والتعود على الأمر يحوله إلى أمر عادي
أتمنى أن نتخلص من هذا
بارك الله فيك على الموضوع

السلام عليكم اخي انا بخير والوالدة أيضا السؤال على مريضكم كيف هو؟ والله رانا محيرين عليه يا خويا امي كل وقت تسقسني عليه
هذي نتاع الحليف فينا كل الجزائرين نتمنى ما تجي تحلف تتفكر موضوعي وتحبس
باين عليك مشحاح فالنقاط فكرتني بأستاذ العلوم كنت نحلو على النقاط وهي من حقي لما نتعب ونحلل شعال يزيدلي 0.25 صدقني نقولو استاذ لو نخيرك نقتلك او النقاط تقولي اقتليني بارك الله فيك

عميروش الحر · 2012-09-11, 21:44

والله غير صح !!!!!!!!!!!!!!!!!!!!!
هههههه هادي عادة فينا الله غالب
شحال من مرة نحلف على اتفه الاسباب .. بصح كاين ناس لوكان ما تسبقش كلامك ب"اقسم بالله" ولا "والله العظيم" ما يفهموش ما علاباليش علاش ؟؟
واصبح كل من لا يحلف ليس صادق في كلامه
شكرا على الموضوع اختي

فاروق38 · 2012-09-11, 21:44

متيقن أن المشكل في أصله ،يعود للعقيدة...نحن لم نولي أي اهتمام لتصحيح ومراقبة عقيدتنا،وما قدرنا الله حق قدره.
أفعالنا ترجمة لقوله سبحانه وتعالى :اعوذ بالله من الشيطان الرجيم ..إنا وجدنا اباءنا على أمة وإنا على آثارهم مقتدون"
أؤمن أن جرحنا هو عقيدتنا...رجائي أتي قد وضعت البد على الجرح..جرح هذه العادة وعادات كثيرة.......للإثراء

مريم الصابرة · 2012-09-11, 21:58

اقتباس:

المشاركة الأصلية كتبت بواسطة عميروش الحر

والله غير صح !!!!!!!!!!!!!!!!!!!!!
هههههه هادي عادة فينا الله غالب
شحال من مرة نحلف على اتفه الاسباب .. بصح كاين ناس لوكان ما تسبقش كلامك ب"اقسم بالله" ولا "والله العظيم" ما يفهموش ما علاباليش علاش ؟؟
واصبح كل من لا يحلف ليس صادق في كلامه
شكرا على الموضوع اختي

السلام عليكم احي عميروش والله ماراكش إنت وبرك رانا كامل هكذاك منين كبرنا ومن صغرنا واقيلة وإحنا نحلفو حتى وإحنا كاذبين لكن لما كنا صغار ما نعرفوش مي ضرك نعرفو ونحلفو نتعظمو بالله ومن بعد تكون مزحة تخيل هههه ربي يسامحنا العفو خويا هذا واجب بارك الله فيك

لينا الجنة · 2012-09-11, 22:15

السلام عليكم

الله غالب عادة مشت في دم الجزائريين والا اسم ربي سبحانو على كل لسان كبير والا صغير و على اتفه حاجة تلقاه يحيلف و باغلظ الايمان حتى في سياق الكلام و الا الهدرة العادية تلقي لفظ الجلالة يتكرر عشرات بل الاف المرات و السبب يبقى مجهول

و كاين واحد المثل يقلك اكثر الحلافين كذابون و انا شخصيا والله مابقيت نصدق اللي يحلف ياسر و الا على نص الكلمة يجبد ربي سبحانو

مشكورة على الموضوع تقبلي تحياتي

z.abdo · 2012-09-11, 22:22

نعم إنتشرت هذه الظاهرة كثيرا للأسف فأصبحنا نحلف على أتفه الأمور وبالفعل أحينا اجد نفسي أحلف على شي تافه ربي يهدينا
جزاك الله كل خير أختي مريم

عُمرُ · 2012-09-11, 22:26

لايثقون بصدق كلامي...لأنني أكذب أو لربما بطرحي من الهشاشة ما يثنيهم على تصديقي..فماذا أفعل ؟؟؟
أحلف وأقسم بأغلظ الأيمان وعلّهم يثقون بي..شكرا على الطرح الهادف...