انصحوني

manel.1706 · 2012-08-28, 14:45

السلام عليكم
كيف الحال أتمنى تكونو بخير

بناء على القول " ما خاب من استشار "

أريد أن أنقل لكم حالتي المزرية بعد أن تم قبولي بكلية الطب

فأنا متحصلة على باك 2012 ب 15.49 شعبة رياضيات تم قبول رغبتي الثانية طب

ولكن بعد قبولي أشعر بنفور شديد منه ولا أعرف السبب أخاف من أن أبقى فيه ثم لا أستطيع الاكمال وأخاف من أن أغير وأندم أرجو المساعدة بالنصيحة دون تضخيم وتحقير أحب كل ما هو تقني ولا أعرف إلى أين أتجه فقد اخترت الطب فقط لأن العمل به مضمون لا أبالي للأجور ولكن العمل مهم جدااااا بالنسبة لي

وشكرا مسبقا أرجو أن تكون النصائح صريحة وبناء على معلومات رسمية

mostafa31 · 2012-08-28, 14:53

السلام عليكم انا نقول نتي معدلك طالع لازم تديري شعبة تناسبه الطب يناسبك ولاكن راكي متخوفة من المدة
انا حولي فارماسي ولا طب الأسنان
العلوم الطبية مليحة بزاف ما تخليش الفرصة تفوتك وزيدي خمي شويا قبل سبتمبر لأنو قريبة التحويلات

manel.1706 · 2012-08-28, 15:18

شكرا جزيلا على الرد اللي فيها الخير يجيبها ربي ان شاء الله

ما هو تخصصك ؟؟؟؟؟؟؟؟؟؟ظ

manel.1706 · 2012-08-29, 20:28

أين الردود ؟؟؟؟؟؟؟؟؟؟؟

mostafa31 · 2012-08-29, 20:45

نعم الأخت منال انا التخصص اللي قريته اعلام الي
عندي 4 سنين ملي تخرجت وراني الحمد لله خدام فالجامعة لدلك قلتلك لازمك تخصص واحد من العلوم الطبية لأن معدلك عالي
لوكان تعرفي شحال عدد الطلبة اللي راهم حابين يحولو الى الطب

diamant mb · 2012-08-29, 20:48

صلي صلاة الاستخارة و شوفي
كاين بزاف تخصصات ملاح ماشي غير العلوم الطبية ومادام تميلي للتقني ديري المدارس التحضيرية علوم و تقنيات هي تاني فور ولاش

djamel123 · 2012-08-29, 20:49

الطب اختيار جيد جداً وربما هو حلم كل من تحصل على البكالوريا
وصاحب المرتبة الأولى في الجزائر هذه السنة اختاره
بالنسبة لي الطب أحسن من الصيدلة
خاصة في السنوات الأخيرة، بدأ منح الاعتماد للصيادلة يقل
وينعدم في المدن الكبرى
بينما هناك نقص فادح في الاطباء خاصة المختصين
وسنوات الدراسة ستمر بسرعة ان شاء الله

IMMUSLIMDZ · 2012-08-29, 20:55

انا طالب قديم و خود مني هادي النصيحة البسيطة أخي الفاضل
انتي او انت تقدر تكمل و تبدع و تلقا روحك فالقرايا فقط في المجال اللي تحبو و فقط لدا أخي انصحك ادا شفت روحك كاره المجال اتكل على الله و الحق روحك لأن الكثير من الطلبة الجدد و قعوا في هدا الفخ و خسروا عام باطل..فيه موضوع بالمنتدى عن كيفية التحويل
لا تتسرع فكر بكل الاحتمالات لا احد يغرك و يقلك هدا المجال افضل من هدا او اسهل
مايجعل مجال اسهل هو حبك له...

و السلام عليكم

بدر بدر بدر · 2012-08-29, 21:15

التخوف انتاعك شيئ طبيعي يواكب الفترة الانتقالية اليراك فيها