اليوم عيد ميلادي انا و..........

[samoura]

صباح النور لاحلى اعضاء
اليوم عيد ميلادي كل عام وانا بالف الف خير
ارجو من كل واحد يدخل يدعيلي
دعوة من قلب قلبو
باغية نقولكم قصة صغيرونة صادفت عيد ميلادي
باغيتكم الكل تعرفوا
القصة هي
انو زوجة خالو تبغيني بزاف بزاف

فالحق تبغيني وكاني واجدة من بناتها
عالعموم ما نطولش عليكم
قبل ما تحمل .
قالتلي كى نحمل ان شاء الله ونجيب طفلة نسميها عليك ( سميرة )مرت الاعوام وحملت
وكي راحت للطبيب قاللها في بطنك بنت
جات و خبرتني
قالتلي خلاص في بطني بنت و غادي نسميها عليك .
حملت زوجة خالي و فات شهر و فات التاني و الثالث ...........
حتى جاء اليوم المنتضر
ومن الصطفة شهر ولادتها كان في شهر سبتمبر
في اليوم 3 سبتمبر قالولي راحت للسبيطار تولد
روحت انا شفتها و قلتلها
شوفي رانا في شهر سبتمبر و الطفلة يا خي قلتي تسميها عليا
قالتلي وااه
قلتلها ايمالا استناي ما تولديش اليوم خليها حتى الغدوة
باش نولو في نفس التاريخ ضحكت و قالتلي هذا من امر بربي سبحانه
المهم فوتت يوم 3 سبتمبر ما ولدتش فيه
و في يوم 4 سبتمبر و لدت
كي ولات للدار ضحكت و قلتلها سمعتي لكلام ههههههه

شفتو الصدفة وليت كل عام ندير عيد ميلادي معاها
هي راه عندها سنتين
ربي يحفضها و يخليها لوالديها
و نقولها كل عام وانت بخير يا سموورة الصغيرة

يللا راني نستنا دعواتكم و تبريكاتكم ليا و لسموورة الصغييرة
وكل موااليد هذا اليوم نقولهم عيد ميلاد سعيد