الحماة والكنة والزوج الضائع بينهما

[soha1987]

الام نبع الحنان والدفء وكثيرا ماضحت من احل سعادة ابنائها ,لكن الى حين دخول زوجة الابن على الخط تكون النتيجة واحدة من ثلاث
اما ان تكون الحماة والكنة متفهمات كيما نقولو في زوج ناس ملاح كل وحدة تفوت لخرا وهي حالة نادرة
اما ان يصبح الابن امعة لزوجته والضحية هي الام
اوتكون ا لام متجبرة ويكون االزوج ابن امه والضحية هي الزوجة
وظاهرة العلاقة السلبية بين الكنة والحماة ظاهرة متفشية في المجتمع الجزائري بكثرة ومامن بيت لايخلو من هاد النوع من الصراعات وفي بعض الحالات تكون النتائج وخيمة اما ام تعاني جفاء ابنها و دار العجزة ملجا لها او زوجة تعاني اظطهاد حماتها ثم الطلاق في نهاية المطاف
برايكم من الطرف الاقدروالاكف على معالجة هذه الظاهرة برايك الام ام الزوج ام الكنة؟
مشكل يؤرقنا جميعا نتمنى تفاعلكم وشكرا

[djeriou]

صحيح تقريبا نفس الموضوع إلا أني لم أطلع على موضوعك، شكرا على التنويه

[soso sirin]

مشكل كبير رانا نعانيو منو و رانا قبل مانتزوجو خايفين منو .و الله المشكل باه يتحل لازم كل واحد يشد بلاصتو مكانش الي يفوت في لاخر و لازم الزوجة هي الي ترفد لانو راهي عجوزتها و مهما تكون جادور لازم تحملها لانو ماعندها ماديرلها واش رايحة داقها و لا رايحة تولي معاها كلمة بكلمة كون تكون الحماة و لا السلفة هاذيك حاجة وخدخرى مي ام الراجل وحدها.و اذا كانت المراة تبغي راجلها في حياتها ماتحطو في موقف باه يختار بينها و بين الوالدين حتا و اذا ولات المعيشة ماولاتش تحتمل لازم هو الي يخرج من الدار بارادتو و الي يسمح في والديه على جال مرتو رايح يسمح فيها في جال امراة وخدخرى.و تاني الراجل قادر يتحكم في الوضع لانو قادر يهدر مع الزوجة و مع الام.مي اختي سمحيلي بنات ضروك تاني راهم باغيين يكلبو تقول رايحة تتزوج باه تخرب الدار و لا تدي الراجل و تروح هكا كل وحدا تتزوج مع واحد مقطوع من شجرة و هي فرات و كون كل زوجة تخمم انو رايحة تولي عجوزة رايحة تخمم الف مرة قبل ماترد على عجوزتها لانو كما تدين تدان انا اذا ديتو و خرجت و خليتو يسمح في ماليه تاني غدوة ربي يعطيني طفل و رايحة تجي الي تديه و مايجينيش حتا و بالتحلال ربي يهدينا ان شاء الله و يبعد علينا المشاكل.و رايحين نتهناو منهم اذا كل واحد حكم بلاصتو و لازم نعرفو انو هذا زواج ماشي حرب و لازم فيها الخاسر و الرابح

[rayhana malak]

هذا المشكل رانا عايشينوا كل يوم وكاينين حموات ربي يهديهم كيما تذخل لعرو سة تعلن عليها الحرب بصح لازم زوجة الابن توسع بالها ومهما تقيسها حماتها ماتردلهاش الهدرة خاطر الخاسر الاول والاخير هي الزوجة لانها هي لقدامها بيت تبنيه اما الحماة صايي كملت كلش وبنات عايلتها ومعندها والو تخاف عليه بصح نورمالمو الزوج هو لي يدير الصلح بيناتهم وينصح هاذي ويزيد هاذي ويسمع من الطرفين باش مايظلم حتى وحدة وربى يصبركل وحدة مبتلاة بهذا المشكل

[morad81]

صحيح يا سهى اللي يشوف المشاكل هذي ...يقول ما نتزوج ما ندي دعوة شر .....لكن الإنسان كي تكون المشاكل بعيده عليه يخاف ....لكن كي يكون في وسطها راح يتصرف معاها ...وتكون جزء من حياته ...


والمشكل هذا لازم الزوج ما يدخلش كامل في الخصامات الدورية نتاع الأم و الزوجة .....لأنهم في لحظة يصبحو مع بعض كلي ما صرا والوا ........

[soha1987]

المشاركة الأصلية كتبت بواسطة soso sirin

مشكل كبير رانا نعانيو منو و رانا قبل مانتزوجو خايفين منو .و الله المشكل باه يتحل لازم كل واحد يشد بلاصتو مكانش الي يفوت في لاخر و لازم الزوجة هي الي ترفد لانو راهي عجوزتها و مهما تكون جادور لازم تحملها لانو ماعندها ماديرلها واش رايحة داقها و لا رايحة تولي معاها كلمة بكلمة كون تكون الحماة و لا السلفة هاذيك حاجة وخدخرى مي ام الراجل وحدها.و اذا كانت المراة تبغي راجلها في حياتها ماتحطو في موقف باه يختار بينها و بين الوالدين حتا و اذا ولات المعيشة ماولاتش تحتمل لازم هو الي يخرج من الدار بارادتو و الي يسمح في والديه على جال مرتو رايح يسمح فيها في جال امراة وخدخرى.و تاني الراجل قادر يتحكم في الوضع لانو قادر يهدر مع الزوجة و مع الام.مي اختي سمحيلي بنات ضروك تاني راهم باغيين يكلبو تقول رايحة تتزوج باه تخرب الدار و لا تدي الراجل و تروح هكا كل وحدا تتزوج مع واحد مقطوع من شجرة و هي فرات و كون كل زوجة تخمم انو رايحة تولي عجوزة رايحة تخمم الف مرة قبل ماترد على عجوزتها لانو كما تدين تدان انا اذا ديتو و خرجت و خليتو يسمح في ماليه تاني غدوة ربي يعطيني طفل و رايحة تجي الي تديه و مايجينيش حتا و بالتحلال ربي يهدينا ان شاء الله و يبعد علينا المشاكل.و رايحين نتهناو منهم اذا كل واحد حكم بلاصتو و لازم نعرفو انو هذا زواج ماشي حرب و لازم فيها الخاسر و الرابح

عندك الحق ياسوسو وعباد هاد الوقت كل واحد يجبد في حهة الحماة تقولك ابني والحق معايا والزوجة راجلي خليوني نعيش حياتي ودير فلييجاست لي يغيضو عجوزتها مي نقولك الام مايخسراولو هي بنات دارها وكملت حياتها ولا ظلمتها عروستعا راي تدي دعوة الشر ولاتربح لادنيا لااخرة الحل كل زوجة ابن تخمم بعقلها وتسايس عجوزتها ويجي نهار وتخرج بدارها ومايبقى غير العيب وشكرا على مرورك العطر ياسوسو

[soha1987]

المشاركة الأصلية كتبت بواسطة rayhana malak

هذا المشكل رانا عايشينوا كل يوم وكاينين حموات ربي يهديهم كيما تذخل لعرو سة تعلن عليها الحرب بصح لازم زوجة الابن توسع بالها ومهما تقيسها حماتها ماتردلهاش الهدرة خاطر الخاسر الاول والاخير هي الزوجة لانها هي لقدامها بيت تبنيه اما الحماة صايي كملت كلش وبنات عايلتها ومعندها والو تخاف عليه بصح نورمالمو الزوج هو لي يدير الصلح بيناتهم وينصح هاذي ويزيد هاذي ويسمع من الطرفين باش مايظلم حتى وحدة وربى يصبركل وحدة مبتلاة بهذا المشكل

مي كاين عرايس هوما لي يعلنو الحرب على عجايزهم وكاين كيما قولتي والحل كيما قولتي الزوج لازم يوفق بين امو ومرتو وشكرا على مرورك اختي

[AMINA.Z]

الاغلبية تاع البنات يحبو يبعدو على هاد المشاكل من الاول علابيها يشرطو الدار قبل الزواج
و بصراحة انا نشوف هادا هو الحل الامثل
بالصح الواقع و الظروف قادر يفرض عليها تتعايش مع عائلة الزوج و انا
هنا نقول الطفلة المتربية هي لل تساعف كيما دارو اماتنا من قبل
و مهما تبلاتها هاد الحماة لازمها وا تردش عليها و احسن حل هو السكوت
و من الافضل ما تكونش قريبة ليها بزاف هاكدا باه تتجنب الصراعات
و الزوج انا نشوف ما كالاه يدخل بيناتهم من الافضل يسمع برك و ما كالاه يضرب معا وحدة قدام الاخرى
علاخاطر تولي عليه برك اذا اسمح في امو خسر جنتو و ادا سمح في مرتو ظلمها و الظلم حرام و جهنم تولي في اللعب
و ربي يهني كل وحدة انشاء الله في دارها

[soha1987]

المشاركة الأصلية كتبت بواسطة morad81

صحيح يا سهى اللي يشوف المشاكل هذي ...يقول ما نتزوج ما ندي دعوة شر .....لكن الإنسان كي تكون المشاكل بعيده عليه يخاف ....لكن كي يكون في وسطها راح يتصرف معاها ...وتكون جزء من حياته ...


والمشكل هذا لازم الزوج ما يدخلش كامل في الخصامات الدورية نتاع الأم و الزوجة .....لأنهم في لحظة يصبحو مع بعض كلي ما صرا والوا ........

لا يااخي الزواج حق وان شاء الله يرزقك بزوجة تحط امك في عينهاو يكونو ديما متفاهمين وشكرا على مرورك

[soha1987]

المشاركة الأصلية كتبت بواسطة amina.z

الاغلبية تاع البنات يحبو يبعدو على هاد المشاكل من الاول علابيها يشرطو الدار قبل الزواج
و بصراحة انا نشوف هادا هو الحل الامثل
بالصح الواقع و الظروف قادر يفرض عليها تتعايش مع عائلة الزوج و انا
هنا نقول الطفلة المتربية هي لل تساعف كيما دارو اماتنا من قبل
و مهما تبلاتها هاد الحماة لازمها وا تردش عليها و احسن حل هو السكوت
و من الافضل ما تكونش قريبة ليها بزاف هاكدا باه تتجنب الصراعات
و الزوج انا نشوف ما كالاه يدخل بيناتهم من الافضل يسمع برك و ما كالاه يضرب معا وحدة قدام الاخرى
علاخاطر تولي عليه برك اذا اسمح في امو خسر جنتو و ادا سمح في مرتو ظلمها و الظلم حرام و جهنم تولي في اللعب
و ربي يهني كل وحدة انشاء الله في دارها

ربي يهنيك اختي نتي ثاني وشكرا على مرورك