لقد عدت من الفحص الطبي بالصومعة..هذا ماحدث

Ai7xpressTV · 2012-09-30, 14:10

السلام عليكم هاني وليت من الفحص الطبي وغدوة الاختبارات النفسية
راح نحكيلكم:
كي تدخل للصومعة ولا وين راح جوزو يجمعوكم مجموعات علا حساب وقت الوصول انا شفت كاين حتى اللي جت على 8:30 ونا منهم هههههههه ممبعد يوجهوكم نحو طابلو في لي ليست وكل ليست تمثل مجموعة من 30 فرد كاين حاولي 30 قائمة محطوطين فيها بالالقاب يعني تروح تشوف وين راك الا راك فالقائمة 1 يعني المجموعة 1 ممبعد تروحو للستاد تتستفو وتجتامعو كل واح قدام رقم المجموعة من بعد يجي المسؤول نتاعكم يعطي كل واح ورقة باش يعمرها بالمعلومات نتاعو ويديها معاه كي يدخل يجوز عند الطبي من بعد يبداو بالمجموعة 1 تدخلو للقاعة الرياضة كبيرة تنحو حوايجكم تبقاو غير بالبوكسور ولا الشورت من بعد جوزو بالواحد يقيسلك الطول والميزان ومبعد تروح دير الصف وتسنا صحابك يكملو ممبعد جوزو لعند طبيب العينين يجوزلكم ممبعد عند طبيب آخر يقلبكم نورمال سنانك ظهرك رجليك هذا مكان مكلاه يقولولكم بلي كاش حاجة وفي هذي المرحلة يقولك الطبيب الا آبت ولا اينابت ممبعد تخرجو تلبسو حوايجكم كامل وتجتمعو كمجموعة اللي كنت فيها وتسناو المسؤول عليكم يجيبلكم ورقة صغيرة باش غدوة من ذاك تجوزو للاختبارات النفسية ...يعني انا المجموعة 2 التسعة ونص كنت كملت ورايح لدار في انتظار غدوة نجوز البسيكو تكنيك

yahia kabyle · 2012-09-30, 14:17

اقتباس:

المشاركة الأصلية كتبت بواسطة Ai7xpressTV

السلام عليكم هاني وليت من الفحص الطبي وغدوة الاختبارات النفسية
راح نحكيلكم:
كي تدخل للصومعة ولا وين راح جوزو يجمعوكم مجموعات علا حساب وقت الوصول انا شفت كاين حتى اللي جت على 8:30 ونا منهم هههههههه ممبعد يوجهوكم نحو طابلو في لي ليست وكل ليست تمثل مجموعة من 30 فرد كاين حاولي 30 قائمة محطوطين فيها بالالقاب يعني تروح تشوف وين راك الا راك فالقائمة 1 يعني المجموعة 1 ممبعد تروحو للستاد تتستفو وتجتامعو كل واح قدام رقم المجموعة من بعد يجي المسؤول نتاعكم يعطي كل واح ورقة باش يعمرها بالمعلومات نتاعو ويديها معاه كي يدخل يجوز عند الطبي من بعد يبداو بالمجموعة 1 تدخلو للقاعة الرياضة كبيرة تنحو حوايجكم تبقاو غير بالبوكسور ولا الشورت من بعد جوزو بالواحد يقيسلك الطول والميزان ومبعد تروح دير الصف وتسنا صحابك يكملو ممبعد جوزو لعند طبيب العينين يجوزلكم ممبعد عند طبيب آخر يقلبكم نورمال سنانك ظهرك رجليك هذا مكان مكلاه يقولولكم بلي كاش حاجة وفي هذي المرحلة يقولك الطبيب الا آبت ولا اينابت ممبعد تخرجو تلبسو حوايجكم كامل وتجتمعو كمجموعة اللي كنت فيها وتسناو المسؤول عليكم يجيبلكم ورقة صغيرة باش غدوة من ذاك تجوزو للاختبارات النفسية ...يعني انا المجموعة 2 التسعة ونص كنت كملت ورايح لدار في انتظار غدوة نجوز البسيكو تكنيك

lah ysehel pour dm 1 nchalah .....w bghit na3raf chhel ghadi yedou m douf3a nta3koum sa9si dm1 ....chhel ghadi yedou stp ...w rabi ysehel ....w gouli dm1 chhel rakoum me3netha chhel m wahed ma9ablouhch f visit médical

youcef16000 · 2012-09-30, 14:31

خويا Ai7xpressTV ان شاء الله نكونو الكل ناجحين مع العلم انا راح نجوز غدا في الصومعة فحوصات طبية و اختبارات نفسية
و شكرا اخي على شرحك اللمميز

يعني نجوزو في يومين و ياريت تقولي واش كاين في الاختبارات النفسية ادا عندك اي معلومات ولا نصائح قولي خويا لعزيز الله يسترك ???

yahia kabyle · 2012-09-30, 15:32

اقتباس:

المشاركة الأصلية كتبت بواسطة youcef16000

خويا ai7xpresstv ان شاء الله نكونو الكل ناجحين مع العلم انا راح نجوز غدا في الصومعة فحوصات طبية و اختبارات نفسية
و شكرا اخي على شرحك اللمميز

يعني نجوزو في يومين و ياريت تقولي واش كاين في الاختبارات النفسية ادا عندك اي معلومات ولا نصائح قولي خويا لعزيز الله يسترك ???

انا فوت قبل رمضان في الدفعة الاولى

بالنسبة لاسئلة الامتحان البسيكوتقني يوجد 5 اختبارات الاول 300 سؤال تجيب بنعم او لا او علامة استفهام لكن تجنبها قدر المستطاع لكي تحدد شخصيتك الثاني اختبار دكاء مربع كبير يوجد فيه 9 قطع والقطعة التاسعة غير موجودة عليك ان تختارها من المجموعة التي يعطونهالك هدا لاختبار عليك ايجاد 48 قطعة في 40دقيقة الاختبار الثالث اختبار دكاء لعبة الدومينو مجموعة من قطع الدومينو عليك ايجاد قطعة الدومينو الناقصة عليك ايجاد 40 قطعة في 20دقيقة اختبار رابع قياس درجة الصغط والقلق فيه 48 عبارة يقولون لك ادا كنت في حالة صغط تلجا الى النوم تحوط على رقم واحد من الارقام من 1 الى 5 ادا حوطت على 1 معناه لاتلجا ابدا الى النوم ادا حوطت على 3 درجة وسط 5 بدرجة كبيرة تجري هدا الامتحان في 5 دقائق هو سهل جدا الامتحان الخامس فيه 567 عبارة تشطب علي الصحيح الخطا يجب على الاعضاء التركيز في الامتحان 2 و 3 ومن المستحيل اتمام الحل لان الوقت غير كافي لكن هدا لايزعجكم والاختبار 1و5 لاتترددوا في الاجابات ويجب اخد مسطرة لانها تساعدكم في امتحان قياس درجة الصغط اطلب منكم التركيز ثم التركيز ثم التركيز والامتحان ليس بالصعب مع التوفيق .
من فضلك يا اخي اسال كم سياخدون من عندكم اي دفعتكم ومن فضلك اسال عن الدفعة الاولى ما هو مصير لي معيطوهومش باش يروحو شرشال .......انا فوت في شلف بسيكو تقني و طبي و...محادثة في حيدرة

youcef16000 · 2012-09-30, 15:38

حسنا اخي yahia kabyle مشكور على نصائحك و غدوة نسقسيلك ان شاء الله

abdouhard · 2012-09-30, 15:42

khoya la visite khfifa wala wa3ra yabda ykalab chbar chbar wala boukhfif mercii

yacris · 2012-09-30, 16:18

النسبة للاسنان الغير مستوية ة هل هناك احتمالية الرفض بسببها ؟

houssamoviic · 2012-09-30, 16:20

khouya madabik tsa9si ida mazal kaye dof3a wahdokhra yzidou y3aytoulha hna li ma3aytoulnach f had el dof3a ??? merci d'avence

Ai7xpressTV · 2012-09-30, 17:10

السلام عليكم اولا/ جل المرفوضين في الفحص الطبي ولم يتعدو 85 فرد من 900 المشاركين كان بسبب النقص الواضح للوزن والطول يعني ضعاف بزاف كما واحد يوزن 47 كغ؟ مجياش يجوزو ولا طولو 159؟ ولا مايشوف مليح كامل كفاش حبيتو يعطولو السلاح؟ والله وشهادة ومنيش نزكي فيهم غير تغاضاو بزاف على 1 سم و2 لأنهم علابالهم الصح كامل بسيكو تكنيك
2 حسب ما قالونا مكاش دفعة بعدها
3 جماعة شرشال اللي جوزو المحادثة يسناونا نكملو كامل باش يعطولهم معانا...
4: يدو من اليوم وغدوة واش يكمل الدفعة والله اعلم شحال مزال يخصهم
يرحم باباكم اللي رايح يجوز غدوة مايلبسش بونطاكول ..يلبس اي حاجة غير بونطاكول ياجماعة والله غير عيب قبل مايكون ممنوع

marselyano · 2012-09-30, 17:27

اقتباس:

المشاركة الأصلية كتبت بواسطة Ai7xpressTV

السلام عليكم اولا/ جل المرفوضين في الفحص الطبي ولم يتعدو 85 فرد من 900 المشاركين كان بسبب النقص الواضح للوزن والطول يعني ضعاف بزاف كما واحد يوزن 47 كغ؟ مجياش يجوزو ولا طولو 159؟ ولا مايشوف مليح كامل كفاش حبيتو يعطولو السلاح؟ والله وشهادة ومنيش نزكي فيهم غير تغاضاو بزاف على 1 سم و2 لأنهم علابالهم الصح كامل بسيكو تكنيك
2 حسب ما قالونا مكاش دفعة بعدها
3 جماعة شرشال اللي جوزو المحادثة يسناونا نكملو كامل باش يعطولهم معانا...
4: يدو من اليوم وغدوة واش يكمل الدفعة والله اعلم شحال مزال يخصهم
يرحم باباكم اللي رايح يجوز غدوة مايلبسش بونطاكول ..يلبس اي حاجة غير بونطاكول ياجماعة والله غير عيب قبل مايكون ممنوع

jean او trainingعادي ?

rayan djemaa · 2012-09-30, 17:27

ربي يسهل لخاوتنا ونجحهم كامل ويفتح عليهم بمنصب شغل
ياجماعة ادعوا ربي وصلوا ليل ونهار باش يفرج عليكم وعلينا
ماتنساوناش بالدعاء الله يحفظكم

rayan djemaa · 2012-09-30, 17:28

ربي يسهل لخاوتنا ونجحهم كامل ويفتح عليهم بمنصب شغل
ياجماعة ادعوا ربي وصلوا ليل ونهار باش يفرج عليكم وعلينا
ماتنساوناش بالدعاء الله يحفظكم

salah xp · 2012-09-30, 17:39

حنا عقبنا في قسنطينة قسمونا على أفواج
المهم لي نجحو اليوم زادو قسموهم
أنا زهري نعقب بسيكو تكنيك 2 أكتوبر
و كاين صاحبي قالولو تعقب 3 أكتوبر

yacris · 2012-09-30, 18:19

و بالنسبة للاسنان الغير مستوية هل هناك حالات مشابهة تم رفضها ؟

Mouhouch · 2012-09-30, 20:49

ya kho kach ma cheft wahed 3andou cicatrisse ??? w nahawelkoum les telephone ??? merci de me repondre !