البيت ام الزواج؟؟؟؟

[مشكلتي]

السلام عليكم
جاية نحكي حكايتي و انا متفاجاة و مصدومة
اعيش مع اخواتي البنات و انا اصغرهن مخطوبة و عرسي بعد رمضان و سوف اعيش في ولاية اخرى غير و لايتي
اجتمعو معي اخواتي لكي يعلمونني ان بعد زواجي ممنوع ارجع لبيتنا في الاول ظنيت هم يلعبوا معايا
و لكن كانو جادات و قالولي ممنوع تجي تباني لا انت و لا زوجك و لا اولادك قوتلهم و كي نتوحشكم كيفاه ندير منقدرش نجي و نروح في نفس النهار مجبورة نبات ,قالولي حيري في روحك
و الامر انهم قالولي ادا طلقتي و لا ترملت غير ما ترجعيش؟؟؟؟؟؟؟؟؟؟؟؟
راني مصدومة من المفروض هدا بيتنا كامل لانو بيت ورثة يعني عندي حق فيه

خممت نبطل الزواج لانو انا و خطيبي راح نسكنو في مسكن و ظيفي يعني بعيد الشر اذا مات انا نولي في الشارع و اذا طلقني نفس الوضع
راني خايفة بزاف
و حزينة انو مش راح نزيد نشوف ولايتي و اهلي و صديقاتي

[lilou f lilou a]

هذا حسد من الأخواااات ربي يهديهم
الغيرة واش دير

[rania nou]

غيرة منهم و غيرة الاخوة مش جديدة كانت من وقت الانبياء (سيدنا يوسف عليه السلام) راهم يحكو من غيرتهم لكن في قلبهم يحبوك لازم تعذريهم اذا كنتي انتي اصغرهم و ستتزوجين اكملي حياتك حاولي ما تخسري لا زوجك لا اخوتك المهم اذا تزوجتي ابقاي على اتصال بيهم و لكن ما تحكيلهمش على حياتك الشخصية يعني مثلا خرجتي مع زوجك وللا شرالك باه ما يكرهوكش وربي يكملك و يهنيك و يرزقك خواتك الازواج الصالحين

[مَجْنُوْنَةٌ أَنَاْ]

السلاآآآم عليكم

نورمالمو مادامك قبلتي تكوني استخرتي قبل
يعني ماتبطلي ما والو الا كانت نتيجة الاستخارة تاعك القبول
و اذا مات الزوج تاعك و الا تطلقتي تقدري ترجعي لداركم نورمال بابك و امك مارايحينش يخليوك تتطايشي
و اذا كنت متخوفة لظروف اخرى ما ذكرتيهاش في المشكلة تاعك
تقدري تخدمي حاجة خفيفة تديري قاطو و تبيعي و الا الكروشي و الا الخياطة و الا اي حاجة
المهم حاجة تدبري بيها راسك
كاينين بزاااف نساء يديروا هكذا و راهم رابحين مليح
خاصة اذا توسعتي و دخلي في البيع على النت
و ربي يوفقك ، و خواتاتك الا كانوا صح يغيروا منك ربي يهديهم
و كون كنت أنا منك نروح نزور بابا و ماما نووورمال
راهي دارك كيما راهي دارهم
و ربي يكون في العون أختي
و نسيت ماقلتلكش كل شيئ مبروووك

اللهم صلي على النبي

[aihemsara]

السلام عليكم اختي

اول حاجة الا انتي و خطيبك متفاهمين غيييير ما تغلطيش و تبطلي و الله حرام عليكي و تندمي عليها

و خواتاتك اعدريهم مساكن دوك هوما راهم يشوفو رواحهم كبار و ما تخطبوش

بصح اكييييد بعد فترة راح يجي مكتوبهم هوما تاني و يتزوجو و تروحلهم الغيرة يرجعو مهاكي عادي

زيد اختي هادي مش لعبة باش يخرجوكي من الدار راه عندك فيها حق انتي تاني

ويلا تخللطت قااااع قولي لعمك ولا خالك يدبر راسو معاهم

مالا ادعي ربي في صلاتك يهديهم و يسهلك في زواجك,,, زيد ربي سبحانو الا غلق باب ررح يفتحلك عشرة

مالا ما تخمييييش بزاف و تتوسوسسي الحل راه عند ربي سبحانو

ربي يسهلك في زواجك ,,, و مبروك مسبقا

[امبراطورة الجزائر]

لكان تحبي زوجك غير تزوجي وربي يفتح عليك وممكن زوجك يشري منزل تساهمي في المستقبل
ولما تتزوجي وتنجبي اطفال راح تتغير الامور ’ وكون ماتتزوجيش رايحين يضحكو عليك ويعيطولك * البايرة * في المستقبل

[j-med]

اذا كان منزل والدك فلك الحق فيه بقوة القانون و ترجعين وقت ما تشائين رغما عنهم

[ولد حمد الباتني]

وواشي هو السبب ألي خلاهم يقولولك هكدا ؟؟؟؟؟؟

[ibta]

لا اجد تفسيرا لحالتك الامر غريبا نوعا ما حاولي تفهمي السبب هدري معاهم مباشرة وقوليلهم من حقي نجي لدار والديا علاه تحرموني منها ما السبب

[amran6688]

السلام عليكم

يقول المثل اذا عرف السبب بطل العجب

اختي الكريمة يجب ان تقدري ظروف اخواتك فهذه غيرة مؤقته وبعد زواجك ستزول

ربما ضغطوا عليك من اجل تفسخي الخطوبة وتنتظري حتى يتزوجن وماذا لو كانت المدة طويلة الست انت الضحية

لاتخافي فتزوجي والمستقبل لا يعلمه الا الله وماقلوه مجرد كلام وفي انفسهم يقلن عكس ذلك

ولعل وعسى من نفس المدينة التي تزوجت فيها ربما تكون فال خير عليهن ويتزوجن فيها

[nasser26]

غيرة عمياااااااااااااااااااااااااااااااااااااااااء

[jissi]

غيرة برك اختي هوما اللي رايحين يتواحشوا يشوفوكي ما تكسريش راسك وربي يسهلك في زواجك

[nari21]

شوفي ختي ماشي حق عليهوم هدا حسد وغيرة وكي تقوالي نبطل راح تتزوجي مع واحد اخر ايسما متزوجة متزوجة شوفي زيني النية واتكالي على ربي وارضي زوجك واتهالي فيه واتشوفي راح يعوداك في كل شيء اما هوم متقيميهومش ومور الزوج حتى ادا توحشتيهوم متعيطيلهومش باش تبينيالهوم بالي مراكيش حا تموتي كي يخطوك وبتوفيق في حياتك الزوجية

[aissam .3820]

شوفي يا اختي حنا نتمناو حتى هوما يجيهم مكتوبهم وربي يسعدهم كيما انت...

..


بصح ديري في بالك راهم يهدروا برك وهوما اللي رايحين يجيو يباتو عندك....


....

[صُبح الأندلس]

الغيرة و ما تفعل
ليس من حقهن منعك زيارة بيتك و لا حرمانك ميراثك فتزوجي و زوري أهلك رغما عنهم