مجنونة بحب ابي

soso sirin · 2012-08-22, 16:27

انا تقدرو تقولو عليا مهبولة بابا نبغيه بزاف بزاف و مانقدرش نشوفو زعفان و لا مقلق و كون نصيبومايخممش لانو راه خمم بزاف بزاف في صغرو .المهم راه عندنا مشكل في الدار و حنا الحمد الله كنا هانيين من المشاكل ماشي معنتها مكانش عندنا مي كانو عاديين .لافامي تاعنا تحسب فرحو كي لقاو عندنا مشكل و ليت حاستهم يستشفاو نهار العيد جا عمي تتخيلو ني سلام ني كلام بدا يهدر و بابا انسان مريض شوية تقلق و زعف والله السكر طلعلو انا كي لقيتو هكا دخلت عند عمي و قتلو لافوت فيك و غير بالشوية تتخيلو كلاني و قالي هذا الا جامعية قتلو انا ماغلطتش فيك و انا بابا كي يكون غالط و نهدر معاه و منبعد هو زعف و راح.انا الي مافهمتهاش علاه الاقارب و لاو يدخلو رواحهم في حاجة ماتخصهمش علاه كل واحد مايلهاش في روحو سوغتو انت مارحتش طلبت منهم المعاونة.كون واحد فيكم كان في بلاصتي واش كان رايح يدير

وردة أمل · 2012-08-22, 16:33

ما نخبيش عليك حنونة كنت رايحة ندير أكثر من اللي درت يلا كان بابا هو لي عندو الحق بصح بطريقة تخلي لي غلط يستعرف بغلطته و ما نخسرش معاه لانو بابا علمني كيفاه نتعامل مع ناس من هذا النوع الله غالب أنا هكذا تمسيني في عيني و ماتقوليش حرف لبابا انا ما نحبش خلاص نشوفوا زعفان ,,,,,,,,,,,لما الامر يتعلق ببابا و لا يما مانحكمش أعصابي و لي يغلط معاهم يخلصها غالية

المهم انت حاولي تخفي على باباك و بعديه على الضغط و المشاكل صحتوا أولى من أي شيئ آخر و بخصوص عمك ربي يهديه ان شاء الله و تعود الأمور بيناتكم أحسن بصح ما تحاوليش تكبري الأمر معاه انت انساي واش صرا في هذاك النهار و ان شاء الله ربي يفرج*

*ماسة * · 2012-08-22, 17:21

اقتباس:

المشاركة الأصلية كتبت بواسطة soso sirin

انا تقدرو تقولو عليا مهبولة بابا نبغيه بزاف بزاف و مانقدرش نشوفو زعفان و لا مقلق و كون نصيبومايخممش لانو راه خمم بزاف بزاف في صغرو .المهم راه عندنا مشكل في الدار و حنا الحمد الله كنا هانيين من المشاكل ماشي معنتها مكانش عندنا مي كانو عاديين .لافامي تاعنا تحسب فرحو كي لقاو عندنا مشكل و ليت حاستهم يستشفاو نهار العيد جا عمي تتخيلو ني سلام ني كلام بدا يهدر و بابا انسان مريض شوية تقلق و زعف والله السكر طلعلو انا كي لقيتو هكا دخلت عند عمي و قتلو لافوت فيك و غير بالشوية تتخيلو كلاني و قالي هذا الا جامعية قتلو انا ماغلطتش فيك و انا بابا كي يكون غالط و نهدر معاه و منبعد هو زعف و راح.انا الي مافهمتهاش علاه الاقارب و لاو يدخلو رواحهم في حاجة ماتخصهمش علاه كل واحد مايلهاش في روحو سوغتو انت مارحتش طلبت منهم المعاونة.كون واحد فيكم كان في بلاصتي واش كان رايح

يدير

أختي الكريمة الأهل عادة يتدخلون في شؤون أهلهم خاصة اذا كان أخ مثل عمك أخت أو خال...........العائلة المقربة،لكن هناك من يتدخل بالايجاب وهناك من يتدخل بالسلب من دون قصد وآخرون عمدا من أجل أذية غيرهم
من خلال حديثك فهمت أن عمك كان يقصد ازعاج أبيك
أنا مكانك أفعل ما فعلت فهذا أبي وهو أجمل شيء نملكه ،فهو دائما من يقف معك
برأيي دعي ارضاء عمك لشخص كبير في عائلتك ربما اخوتك اذا كان يحبكم ويحب أبيك سيعتبره تصرف فتاة رأت أبيها في حالة حرجة
ربي يشفي باباك

رشــــ81ــــا · 2012-08-22, 18:08

ربي يرفع عليكم البلاء ان شاء الله

محمد جديدي التبسي · 2012-08-22, 18:17

نظن إنك غالطة عمّك مهما كان لازم تحترميه وتحطي الحق فيك انت وتفهميه بالشوية والله المستعان
وحتى إذاغلط هو صلة الرحم ما تروحش
ربي يفتح عليكم ويوفقكم لكل خير

حنيني24 · 2012-08-22, 18:40

السلام عليكم ورحمة الله وبركاته
أخيتي،،، أحيانا،،، في لحظة توتر،،، وقلق ،،
نتكلم كلاما،،، أو نفعل أفعالا،،، ربما تؤذي،،، من نقصده
بكلامنا،،، وأفعالنا،،،وأعتقد هذا ما جرى،،،
عمك،، مهما يكن،،، هو بمتابة والدك،،،واحترامه واجب،،
ولا يوجد أخ على وجه الأرض،،، لا يحب الخير لأخيه،،،
حتى وإن كانت هناك،، خلافات بينهم،،،
حاولي،،، زيارة عمك،،، حتى لا تتحول،،الأمور،لا سمح الله،من حبة إلى قبة
----
حتى أنا مجنونة،،، بوالدي،،، مشي غي نتي

رب يشيفه لي،،، وجميع مرضى المسلمين

----------
سلميلي على مريومتي،،،وقولي لها،،، سلمى تستناك
مشكورة،،،أختي سيرين

محمد...عبد النور · 2012-08-22, 18:54

السلام عليكم و رحمة الله و بركاته اختي سوسو سيرين
رب يفرج عليكم و يدي عليك هذه المشكلة عاجلا غير آجل فقط اصبري و احتسبي الأجر
و لابد أن تمضي هاته المشكلة او يخفف من وطأتها مرور الأيام فقد مرت علينا مصيبة ظننت اني لن أخرج منها و عائلتي أبدا و قد طويت و كأنها لم تكن و لله الحمد و المنة
تدخل الأهل كما قلتي إما أن يكون ايجابي و هو المؤازرة و التخفيف من حدة المصيبة و الزيارة المتكررة و تسلية المصاب و تذكيره بقدر الله ووجوب الصبر و هنا نعرف الأهل الحقيقيين من المزيفين و هم الصنف الثاني الذي يأتي للتقرعيج و الاستفسار عن دقائق الامور و الاستشفاء و التلذذ بألم المصاب و في الخارج أي في الناس يطلقون الكلام الجارح فهؤلاء أيضا تعرفهم في الأزمات و لكن في كل أزمة و مصيبة خير و لابد أن يجليها الله و يخلف بعدها الخير و السكينة و تنام العين قريرة بعد هم تعجز الأكتاف عن حمله و الحمد لله أولا و آخيرا
لذا أختي لا تيأسي و اعلمي أننا كما أمرنا أن نؤمن بالله و الملائكة و الكتب و الرسل و اليوم الآخر فقد أمرنا بالايمان بالقدر خيره و شره و هو من صميم الايمان
فقد يأتينا أمر لا نحبه وو تبغضه انفسنا و لكن قد قدره الله و قضاه علينا
فلنكن من المؤمنين الصابرين الشاكرين و لنحتسب الاجر في البلوى التي تصيبنا و نعرف ان الله قد جعل المخرج لعباده المؤمنين من كل ضيق و لنكثر الدعاء و الثبات فان البلاء يلين القلوب

أما فيما قلتي في شأن عمك فربما قد تدخلتي بين أخ و أخيه أقول ** ربما ** و عمك أنت تعرفينه أكثر منا و الله أعلم بالنيات فلا تلومي نفسك فما حدث قد حدث و اذا كان عمك له فكر و سعة صدر فسيقدر الامر و ما انتم فيه و لا يعبأ بكلامك و تجدينه كل يوم مع أبيك و اذا كان العكس فلا تلقي له بال فالناس يعرفون في الشدة
بارك الله فيك أختي الكريمة
و أسأل الله الكريم أن يجلي عنكم ما أصابكم عاجلا غير آجل و أن يجيركم في مصيبتكم و يخلف لكم منها كل خير فهو كريم رحمان رحيم بعباده و احتسبوا الاجر و سأدعو لكم في الصلاة

ســـــــــــــــــــــــــــــــــــــــلام

الامل بالله · 2012-08-22, 22:14

ربي يرفع عليكم البلاء ان شاء الله
ربي يشفي باباك ان شاء الله
ربي يفرج عليكم و يحل مشاكلكم

staifia · 2012-08-22, 22:15

والله عندكـ الحق ,,,, سبحان الله الناس كيفاش ولاو يدخلوا في امور خاطيينهم والله عشنا وشفنا ...
يدخلوا بين اللحم والظفر ... يحبوا يتصرفوا في ديار الناس يا لطيف منهم
والله كرهونا وكيا قلتي انتي واحد كي ميكونش عندو المشاكل في الدار ويجيه مشكل والله كلشي يسماط وماتعرفيش حتى كيفاش ديري
ربي يكون في عونا

soso sirin · 2012-08-22, 23:39

اقتباس:

المشاركة الأصلية كتبت بواسطة وردة أمل

ما نخبيش عليك حنونة كنت رايحة ندير أكثر من اللي درت يلا كان بابا هو لي عندو الحق بصح بطريقة تخلي لي غلط يستعرف بغلطته و ما نخسرش معاه لانو بابا علمني كيفاه نتعامل مع ناس من هذا النوع الله غالب أنا هكذا تمسيني في عيني و ماتقوليش حرف لبابا انا ما نحبش خلاص نشوفوا زعفان ,,,,,,,,,,,لما الامر يتعلق ببابا و لا يما مانحكمش أعصابي و لي يغلط معاهم يخلصها غالية

المهم انت حاولي تخفي على باباك و بعديه على الضغط و المشاكل صحتوا أولى من أي شيئ آخر و بخصوص عمك ربي يهديه ان شاء الله و تعود الأمور بيناتكم أحسن بصح ما تحاوليش تكبري الأمر معاه انت انساي واش صرا في هذاك النهار و ان شاء الله ربي يفرج*

ربي يخليك اختي والله انا راني ناسية واش درت واش قلت و انا في هاذي الدنيا يهمني غي بابا لانو اذا هو راحلي بعيد الشر ماراح ينفعني حتا واحد بعدو. و نهار يتحل المشكل ان شاء الله والله نشقى عندو و نطلب السماح مع انو ماغلطتش في وجه بابا برك لانو مهما يكون راه خوه .اللهم امين يا رب

soso sirin · 2012-08-22, 23:54

اقتباس:

المشاركة الأصلية كتبت بواسطة ألما

أختي الكريمة الأهل عادة يتدخلون في شؤون أهلهم خاصة اذا كان أخ مثل عمك أخت أو خال...........العائلة المقربة،لكن هناك من يتدخل بالايجاب وهناك من يتدخل بالسلب من دون قصد وآخرون عمدا من أجل أذية غيرهم

من خلال حديثك فهمت أن عمك كان يقصد ازعاج أبيك
أنا مكانك أفعل ما فعلت فهذا أبي وهو أجمل شيء نملكه ،فهو دائما من يقف معك
برأيي دعي ارضاء عمك لشخص كبير في عائلتك ربما اخوتك اذا كان يحبكم ويحب أبيك سيعتبره تصرف فتاة رأت أبيها في حالة حرجة
ربي يشفي باباك

انا الصح مانبغيش الي يدخل روحو في مشاكلنا تاع الدار سوغتو موالفين نحلو مشاكلنا لرواحنا و زاد كون غير يعاونوك يزيدو عليك برك قاتلهم غير التقرعيج برك.الله غالب علا جال بابا ندير اي حاجة و الي زعفو والله بلاك ناكلو مع انو والله ماهدرت باسلوب فض و لا قللت ادبي معاه لانو بابا يموت عليه .مي الصح استفزني اسلوبو في الكلام و زاد اول مرة نحس بابا ماقدرش يهدر من كثرة الكلام مكان قاسي و مكانش متوقعو .ربي يهدينا ان شاء الله.اللهم امين يا رب العالمين

الواثق · 2012-08-22, 23:57

الغضب يفسد اي شيء ..................والصبر والصمت يزين كل شيء .............فصبرا جميلا والله المستعان

soso sirin · 2012-08-23, 00:01

اقتباس:

المشاركة الأصلية كتبت بواسطة رشــــ81ــــا

ربي يرفع عليكم البلاء ان شاء الله

ان شاء الله يا رب و شكرا اختي

اقتباس:

المشاركة الأصلية كتبت بواسطة محمد جديدي التبسي

نظن إنك غالطة عمّك مهما كان لازم تحترميه وتحطي الحق فيك انت وتفهميه بالشوية والله المستعان
وحتى إذاغلط هو صلة الرحم ما تروحش
ربي يفتح عليكم ويوفقكم لكل خير

والله يا خويا فهمتو غير بالشوية مع انو كون كنت في ببلاصتي بلاك يكون ردة فعلك كثر مني .عمي على الراس و العين و قدرو من قدر بابا مي مكانش الي يوصل بابا الله غالب و زاد مخلانيش حتا نهدر و راح .اللهم امين خويا

soso sirin · 2012-08-23, 00:13

اقتباس:

المشاركة الأصلية كتبت بواسطة حنيني24

السلام عليكم ورحمة الله وبركاته

أخيتي،،، أحيانا،،، في لحظة توتر،،، وقلق ،،
نتكلم كلاما،،، أو نفعل أفعالا،،، ربما تؤذي،،، من نقصده
بكلامنا،،، وأفعالنا،،،وأعتقد هذا ما جرى،،،
عمك،، مهما يكن،،، هو بمتابة والدك،،،واحترامه واجب،،
ولا يوجد أخ على وجه الأرض،،، لا يحب الخير لأخيه،،،
حتى وإن كانت هناك،، خلافات بينهم،،،
حاولي،،، زيارة عمك،،، حتى لا تتحول،،الأمور،لا سمح الله،من حبة إلى قبة
----
حتى أنا مجنونة،،، بوالدي،،، مشي غي نتي

رب يشيفه لي،،، وجميع مرضى المسلمين

----------
سلميلي على مريومتي،،،وقولي لها،،، سلمى تستناك

مشكورة،،،أختي سيرين

والله يا اختي الواحد كي يزعف مايعرف واش يقول مع انو والله ماهدرت معاه حاجة تزعف مي كيما قلتي انتي يبقى عمي و لانو تاني بابا يموت عليه .الله يسلمك و يبلغ ان شاء الله والله من نهار العيد ماعيطتلها

aihemsara · 2012-08-23, 00:19

يا اختي انا تاني نمووووووووووووت على بابا
بصح نموووووووووووت و مانردش كلمة لعمي
اصلا ما نقدرش مامابا نرفد عيني و نهدر معاه بغش
راهم خاوة حاجة باينة يدخل روحو بصح العبد يسايسهم شوية
الا شفتي باباك تقلق وصيه مايهدرش في الموضوع هاداك مع العائلة و ماتسمعوهمش من الاساس
ربي يفرج عليكم اختي و تعيشي ما تتقلقي من رد تاعي