صرخة زوج من زوجته يوم عيد الفطر

الاصيلة الخياطة · 2012-08-13, 22:08

كل مرأة يوم عيد الفطر تدهب الى والديها و أهلها فتمكث بضع أيام خاصة ان كانت حديثة زواج و هدا من حقها بل و واجب عليها لكن هل من حقها المكوث اكثر من يوم و زوجها في بيته لوحده . السؤال هنا اين حقوق الزوج من زوجته

ام احمد الغالي · 2012-08-13, 22:38

احنا في الغربة لا هو يروح لدارهم ولا انا نروح لدارنا الله غالب

سارة البوسعادية · 2012-08-13, 23:05

اختي انا ضد هذي الفكرة فاول يوم من حق زوجي

وتاني يوم اذهب لبيت اهلي وبلكثير احضر دعوة الغداء انا وزوجي ونرجعو درانا

اما اني نروح ونقعد كيما راكي تحكي ايامات؟؟؟؟؟

وينا شرع قالها

الاصيلة الخياطة · 2012-08-13, 23:09

ما راكومش في الغربة رانا معاكم و ربي معكم

النجمة القطبية · 2012-08-13, 23:27

بما انك امراة فاعتقد انك تعرفى التقاليد
المراة اول يوم تاخذ الاولاد وتذهب لزيارة اهل زوجها وتقضى كامل النهار هناك مع زوجها وتخلى الاولاد يسلمو على الجد والاعمام وو
وثانى يوم يذهب الزوجين للسلام على اهل الزوجة والاولاد يسلمو على اخوالهم وجدودهم وكاين ناس يروحو اول يوم فى المساء كل واحد وكيفاه
وممبعد فى اخر النهار ترجع المراة لدارها
هذه عادات المتزوجين
وبما انك ام :d:d حسب اسمك طبعا اعتقد انك عارفة التقاليد

ليان. · 2012-08-14, 00:07

ختي حنا ماعدناش في قسنطينة العادة هادي حنا عندناالعكس العروسة تقعد في دارها ويروحو يعيدو عند مالين راجلها ...تروح صح تعيد لماليها هي وراجلها ويرجعو كيما الناس كامل يعني ماتباتش

الاصيلة الخياطة · 2012-08-14, 00:28

[النجمة القطبية;بما انك امراة فاعتقد انك تعرفى التقاليد

التقاليد هي السبب في بقاء هده العادة السيئة ليست التقاليد كلها جيدة

النجمة القطبية · 2012-08-14, 00:43

اقتباس:

المشاركة الأصلية كتبت بواسطة الاصيلة الخياطة

[النجمة القطبية;بما انك امراة فاعتقد انك تعرفى التقاليد

التقاليد هي السبب في بقاء هده العادة السيئة ليست التقاليد كلها جيدة

اى تقاليد سيئة تقصدين
صلة الرحم واجبة يعنى حابة يمر العيد دون ان تسلمى على اهلك واهل زوجك
بالعكس هذا اجمل ما فى العيد صلة الرحم
والصراحة اول مرة فى حياتى ارى امراة تناقض هذه الفطرة الم اقل انكى امراة مميزة

الاصيلة الخياطة · 2012-08-14, 00:54

قصدي البقاء لمدة ثلاثة ايام او اكثر اليست هده تقاليد بالية وغير نافعة عندنا في غليزان الزوجة تبيت عند والديها ليلة ثلاثة ايام

arbodar · 2012-08-14, 03:54

احنا عندنا يعيدو في بيتهم و يزورو اهلهم لكن يرجعو
و تقريبا اليوم الاول يتم قضائه بزيارة اهل الزوج
و الثاني بزيارة اهل الزوجة
و صلة الرحم واجبة و خاصة بالعيد
لكن نظن مكلاه هذي تاع يباتو يامات كامل خاصة بالعيد
كاين ايام اخرى توالي و يديها تروح تبات عند اهلها من مرة لمرة ماش بالعيد لانه في العيد مليح يكون الزوجين و اولادهم مجتمعين

الدنيا · 2012-08-14, 09:57

احنا في مستغانم والله غير تبات بالاربع ايام لا حول ولا قوة الا بالله مابقاوش الرجال اللي يحكمو

maiar · 2012-08-14, 20:20

حنا في عادتنا العيد الاول اهل المراة يجيو يعيدولها كيما نقولو حنا يجيبولها العيد و ماعندناش تع تروح تبات

الاصيلة الخياطة · 2012-08-20, 11:58

عيد مبارك و كل عام و انتن بخير (وين راكم في دياركم ولا في ديار والديكم)

Guermoud Hadiya · 2012-08-20, 12:32

هل حقوق الزوجية تكمن في ذهاب الزوجة إلى بيت أهلها و لزوم رجوعها في يومها؟ هل تحدد حق الزوج إلا في أيام العيد؟ الحياة الزوجية طويلة و العشرة فتاشة مثلما يقولون. لكل طرف الحق في الراحة -في حدود المعقول و الشرع طبعا- و لو على حساب الآخر. هل إذا أنت ذهبت إلى مكان ما للراحة مع أصدقائك و هي اشتكت بينها و بين نفسها يكون لك الحق أنت فقط؟ يا أخي الحياة الزوجية مد و جزر. ما يهم هو أنه يبقى كل شيئ في حدود الشرع و العادات الاجتماعية التي قليلا ما توافق قولك. شكرا و بارك الله فيك

AMINA.Z · 2012-08-20, 22:44

ماتصلحش هاد الحكاية خلاص
مام كانت عادة من بكري