الله يجازيكم عاونوني راني حايرة وباه نهبل

وهمُـ الأقنعة~ · 2012-07-30, 17:00

السلام عليكم
صح رمضانكم نتمنى تكونوا بخير

والله الا راني حايرة وباه نهبل وان شاء الله نصيب عندكم الحل

انا بنت عمري 19 عام هذا العام جبت الباك انا نسكن في ولاية شلف واخترت انني نقرا في الجزائر درت تخصص نبغيه بزاف بصح والديا وكامل لافامي راهم معارضين باه نقرا خارج ولايتي راكم عارفين حالة الاقامة والترونسبور

راهم يقولولي ايلا مراكيش باغية تقراي اتزوجي مع العلم انه عندي شخص نبغيه بزاف منقدرش نوصفلكم شحال نبغيه وعلى حساب منعرف هو تاني يبغيني بصح افار نتاع تكون بيناتنا علاقة هادي موحال باسكو كاين اسباب لا داعي لذكرها أحسن

وغير في هادوا ليام تقدم ليا واحد يسكن خارج الولاية نتاعنا قالولي كامل اقبلي بيه
وانا كيما العادة دائما ندير السبة بقرايتي غير باه منتزوجش باسكو كيما قلتلكم من قبل عندي واحد نموووت عليه

بصح هادي المرة الحيلة نتاعي نتاع القراية مخرجتش عليا باسكو هذاك الراجل الي تقدملي قالي نخليك تقراي يا لوكان 5 سنين
على حساب مشفتهم يتبعوا فيا ومام هو تاني قاللهم مانيش باغي نسمح فيها
انا قلتلهم مدام عندي واحد نبغيه منقدرش نروح عند واحداخر
بصح قالولي راكي تقولي موحال باش المكتوب يجمعنا شتا راكي تستناي

والله يا جماعة ألا تخلطتلي وراني حـــــــــــــايرة
الله يرضى عليكم عاونوني ولو بالقليل

ملاحظة الشخص الي نبغيه منقدرش ننساه عزيز عليا كيما بابا

جسر الأمل · 2012-07-30, 17:11

صلي صلاة الاستخارة واللي فيها الخير ربي يجيبهالك
نزيدك علاه تتخلطلك اللي راكي تبغيه بزاف علاه ماجاش خطبك؟؟؟؟؟؟؟؟؟؟؟؟؟؟ وعلاه ماقلتيلهش انت حط النقاط على الحروف
والحل الانجع هو هدا الخطيب اللي جا متفهم وراه خالك تكملي قرايتك والله والله ماتلقي كيفه وادا رفضتيه غادي تندمي عليه
خمي بعقلك مشي بقلبك صحا
والشيرة مهما طير بلاصتها في دارها
وخمي مليح

massoud0102 · 2012-07-30, 17:18

الشخص هد الي تبغيه اقنعيه انو يجي يطلبك من ولديك خاطشي ولديك يبغو غي مصلحتك وشافوك رديتي شحال من واحد على سبب قرايتك الحلال الوحيد اقنعي الشخص الي يبغيك وتبغيه انو يخطبك وهاك يكون ولديك مرتاحين عليك وعلى مستقبلك

آلاء النايلية · 2012-07-30, 17:19

نفس السؤال علاه مجاش خطبك مهما كانت اسبابو
+صللي الاستخارة و متعرفي الخير وين راه
ربي يسهل

آلاء النايلية · 2012-07-30, 17:21

كاين حاجة لي تحبيه قوليلو بللي جا واحد يخطب فيك و رايك .. و شوفي ردو ....

الواثق · 2012-07-30, 17:33

وهذا لي تبغيييييييييه كيما تقولي ويبغيييييييك وين راه ؟؟؟؟ ولماذا لم يتقدم لكي ؟؟؟؟؟ .................واكيد رايح يستناك تكملي قرايتك

على بالي كلمة نبغيييييييه ويبغيييييييك لامحل لها من لاعراب ...........والله المستعان

مريم الصابرة · 2012-07-30, 17:42

السلام عليكم اختي
اولا ما راحا ملومك ما راحا ندخلك فالحلال والرحام لانك سور عارفة
المهم اختي الراجل اللي تبغيه انا نقولك لو تقاي طول حياتك معاه ما يتزوجكش وما تزعفيش مني ممكن إنت صغيرة والعواطف راهي تدي فيك وما نعرفيش وربي راه عطاك فرصة بهذا الراجل زمان اهلنا كانو ينصحونا نصيحة نقولهالك اليوم إدي الي هو يحبك ماشي اللي إنت تحبيه لانو الشاب اللي تقدملك وخلاك تقراي ومستعد لكل شي باه يديك هذا راه راجل وولدي اصل ويديك بالحلال تخليه على جال راجل راه معاك فالحرام والحب والكلام والفايدة وين راهي عارفة الحب واعر والله عارفة وجربناه لكن راكي في وسط الطريق خيري هقلك وإلا قلبك مع إنك متأكدة قبك راح يديك للبكاو لطريق مسدود يوم تكملي معه شعال من سنة ويروح يتزوج ويخليك شوفي قوليلو يجي يخطبك كان يحبك بلا اعذار علاه لازم يولي وزير به يجي يخطبك اللي راجل راجل وكلنا زواليين ماطمش كمها الامور المادية يتقدم ومن بعد ربي يسهل المهم ما يخليكش تتزوجي غيرو كان حلقلك اعذار إسمحيلي نقولك إنت راحا تندمي ندمة كبيرة يوم تضيعي الشاب هذا يا طفلة ديري حل لروحك الحب تستنايه تخلاص عليك مال ورانا جربنا قبلك جاتك فرصة ما تراطيهاش وزيدي قوليلو ممكن كان يحبك يجي يخطبك كان لالا إتزوجي ومن بهد تحبي زوجك حب كبير وتتفكرينا موفقة

مريم الصابرة · 2012-07-30, 17:44

اقتباس:

المشاركة الأصلية كتبت بواسطة الواثق

وهذا لي تبغيييييييييه كيما تقولي ويبغيييييييك وين راه ؟؟؟؟ ولماذا لم يتقدم لكي ؟؟؟؟؟ .................واكيد رايح يستناك تكملي قرايتك

على بالي كلمة نبغيييييييه ويبغيييييييك لامحل لها من لاعراب ...........والله المستعان

السلام عليكم الواثق صحا رمضانك ضحكتني علاه طولت في كلمة تبغييييييييييه إنت بولحية والحب عندك والو ماكانش هههههههه خليها مسكينة هي صغيرة الله غالب مي من بعد تتعلم
هههههههههه والله نتخيل فيك تكتب فيها وتستغفر ههههههههه صحا فطورك

دادا22 · 2012-07-30, 18:03

اقتباس:

المشاركة الأصلية كتبت بواسطة مريم الصابرة

السلام عليكم اختي
اولا ما راحا ملومك ما راحا ندخلك فالحلال والرحام لانك سور عارفة
المهم اختي الراجل اللي تبغيه انا نقولك لو تقاي طول حياتك معاه ما يتزوجكش وما تزعفيش مني ممكن إنت صغيرة والعواطف راهي تدي فيك وما نعرفيش وربي راه عطاك فرصة بهذا الراجل زمان اهلنا كانو ينصحونا نصيحة نقولهالك اليوم إدي الي هو يحبك ماشي اللي إنت تحبيه لانو الشاب اللي تقدملك وخلاك تقراي ومستعد لكل شي باه يديك هذا راه راجل وولدي اصل ويديك بالحلال تخليه على جال راجل راه معاك فالحرام والحب والكلام والفايدة وين راهي عارفة الحب واعر والله عارفة وجربناه لكن راكي في وسط الطريق خيري هقلك وإلا قلبك مع إنك متأكدة قبك راح يديك للبكاو لطريق مسدود يوم تكملي معه شعال من سنة ويروح يتزوج ويخليك شوفي قوليلو يجي يخطبك كان يحبك بلا اعذار علاه لازم يولي وزير به يجي يخطبك اللي راجل راجل وكلنا زواليين ماطمش كمها الامور المادية يتقدم ومن بعد ربي يسهل المهم ما يخليكش تتزوجي غيرو كان حلقلك اعذار إسمحيلي نقولك إنت راحا تندمي ندمة كبيرة يوم تضيعي الشاب هذا يا طفلة ديري حل لروحك الحب تستنايه تخلاص عليك مال ورانا جربنا قبلك جاتك فرصة ما تراطيهاش وزيدي قوليلو ممكن كان يحبك يجي يخطبك كان لالا إتزوجي ومن بهد تحبي زوجك حب كبير وتتفكرينا موفقة

بكل بساطة و امانة نصح
الحب الحقيقي هو العشرة بعد الزواج
اما ما تحكي عليه ما هو الا نروات و خيال شباب
وستذكرين نصيحتي لما تتروجي
الله يوفقك الى الحلال ان كنت ترغبين فيه

عُضو مُحترم · 2012-07-30, 18:07

شوفي يا بنت شلف

اللي يبغيك يجي يخطبك من والديك

ما تقوليلي عندو ظروف ما تقوليلي راه يقرا ما تقوليلي كذا وكذا

رانا قاع ولاد الشلف و ولاد الجزائر و نعرفو العقلية تاع الشباب و تاع البنات

جا خطبك مرحبا بيه

ما جاش قوليلو تبقا على خير

بخصوص القراية قادرة تقراي في البقعة و لا في اولاد فارس

و تملكي قرايتك عادي جدا علاه شرطتي في العاصمة؟؟؟؟

صحا فطورك و ربي يوفقك

الواثق · 2012-07-30, 18:16

اقتباس:

المشاركة الأصلية كتبت بواسطة مريم الصابرة

السلام عليكم الواثق صحا رمضانك ضحكتني علاه طولت في كلمة تبغييييييييييه إنت بولحية والحب عندك والو ماكانش هههههههه خليها مسكينة هي صغيرة الله غالب مي من بعد تتعلم
هههههههههه والله نتخيل فيك تكتب فيها وتستغفر ههههههههه صحا فطورك

ارجو ان تكوني بخير وتقبل الله منا ومنك الصيام والقيام

بالنسبة لهذه الكلمات ** نبغييييه وتبغيييه *** هي مبينية في الاحلام بل اكبر مصوغ لها هو الشيطان والعياذ بالله.................فتجد الشابة تعيش في اوهام مع شاب هو كذلك متوهم والكارثة لايوجد رادع او ناصح كل يمشي على هواه الا مارحم ربك .............كما ان الله ليس غالبا علينا في هذه الامور بل الخطأ منا و من انفسنا ومن الشيطان ......................

اعجبتني كلمة بولحية .......فانا اعتز بها كثيرا كاعتزاز المسلمة بالحجاب
واكيد هذا الذي يسمونه حب قبل الزواج ليس له اساس بل هو ميول فطري يحدث مع اي شخص ويرسخ في الشخص الذي لم يتق بعض الامور كالخضوع في القول وعدم غض البصر والاختلاط مع النساء .......................اما كل الحب يأتي بعد الزواج فهناك الرجل يحب زوجته لخلقها ولخدمتها له ولانها ام اولاده ولانها نصفه الاخر وهي بدورها تكن له هذا .......................

صح صيامكم

SOUSOU. DZ · 2012-07-30, 18:26

اقتباس:

المشاركة الأصلية كتبت بواسطة مريم الصابرة

هههههههههه والله نتخيل فيك تكتب فيها وتستغفر ههههههههه صحا فطورك

هههههههههههههههههههههه والله غير قتلتيني بضحك يامريومة

وعلاش هوما **الملتحين ***معفين على الحب ولا ......................... واشنو هدا السؤال يدور في بالي بزاف

soso sirin · 2012-07-30, 18:31

كي قال عضو محترم شوفي يا بنت الشلف الي يبغيك صح يجيك لداركم و اذا راه شايف روحو صغير و لا ماشي خدام و ماشي واجد للزواج امالا تاني ماراهش واجد باع يعلقك معاه ولا واش الهدرة و باه يقول كلمة نبغيك ساهلة و باه يجيك يخطب صعيبة.و زاد اذا راكي باغية تتزوجي صح و هذا الراجل مليح اتكلي على ربي و اذا راكي شايفة روحك ماتقدريش على الزواج و على مسؤولياتو امالا لهاي في قرايتك و خطيك من السيد هذاك انا مانيش نقلك داقيه مي نقلك حاجة اذا ماوليتيش تهدري معاه رايحة تريحي لانو انتي راكي تعذبي في روحك مع واحد انتي راكي تقولي علابالي بلي مايقدرش يجيك امالا هذا انتي واش تسميه و زاد على القرايا كاين الشلف فيها الجامعات و راهم دخلو فيها تخصصات جدد و ماليك في هاذي النقطة عندهم الصح لانو المباتة للطفلة برا الدار ماشي مليحة. و اذا عليك راكي تقولي نبغيه و نموت عليه نقلك حاجة مكانش في هاذي الدنيا الي مات على جال واحد ماتزوج بيه الا اذا هو راه قانع روحو بهاذا الفكرة .يا الشلفية مكانش الي في معزة الاب و يا لوكان يكون راجلك ماشي حتا واحد هكا وخلاص امالا اذا ماراهش ضاهلك في القرايا و دايرتها غير سبة غير تكلي على ربي و روحي تزوجي خير

ماما ليث · 2012-07-30, 18:32

السلام عليكم اختي
اولا ما راحا ملومك ما راحا ندخلك فالحلال والرحام لانك سور عارفة
المهم اختي الراجل اللي تبغيه انا نقولك لو تقاي طول حياتك معاه ما يتزوجكش وما تزعفيش مني ممكن إنت صغيرة والعواطف راهي تدي فيك وما نعرفيش وربي راه عطاك فرصة بهذا الراجل زمان اهلنا كانو ينصحونا نصيحة نقولهالك اليوم إدي الي هو يحبك ماشي اللي إنت تحبيه لانو الشاب اللي تقدملك وخلاك تقراي ومستعد لكل شي باه يديك هذا راه راجل وولدي اصل ويديك بالحلال تخليه على جال راجل راه معاك فالحرام والحب والكلام والفايدة وين راهي عارفة الحب واعر والله عارفة وجربناه لكن راكي في وسط الطريق خيري هقلك وإلا قلبك مع إنك متأكدة قبك راح يديك للبكاو لطريق مسدود يوم تكملي معه شعال من سنة ويروح يتزوج ويخليك شوفي قوليلو يجي يخطبك كان يحبك بلا اعذار علاه لازم يولي وزير به يجي يخطبك اللي راجل راجل وكلنا زواليين ماطمش كمها الامور المادية يتقدم ومن بعد ربي يسهل المهم ما يخليكش تتزوجي غيرو كان حلقلك اعذار إسمحيلي نقولك إنت راحا تندمي ندمة كبيرة يوم تضيعي الشاب هذا يا طفلة ديري حل لروحك الحب تستنايه تخلاص عليك مال ورانا جربنا قبلك جاتك فرصة ما تراطيهاش وزيدي قوليلو ممكن كان يحبك يجي يخطبك كان لالا إتزوجي ومن بهد تحبي زوجك حب كبير وتتفكرينا موفقة

SOUSOU. DZ · 2012-07-30, 18:40

السلام عليكم

شوفي اختي والله غير من عمرك هادوم مشاعر مراهقة وبدوام تروح هادي نحب ويحبني باسكو وشحال من طفلة قالت اكثر منهاك وزيد وصلت روحها وين وصلت وكيجازت هدا المرحلة فاقت على روحها ودوكا راهي مرأء في دار راجلها ........................ وادا كان يحبك يروح دراكم ويخطبك ويدرير المستحيل على جالك .................... لا قوليليو راهم جاو خطبوني وشوفي رد فعلو .......................... واهم شيء صلاة استخار ................................. وزيد والديك ادرى بمصلحتك........................ وزيدلك مزالك صغيرة كملي قرايتك ف بلادك غير قرايتك مضيعيهاش كي تدي شهادة وشوفي وششكون الشاطر فيهم و يديك ........................ وربي يوفقك بما فيه الخير

وصح فطوركم