ادخلو من فضلكم

amouna alg · 2012-08-20, 23:39

السلام عليكم اليوم حبيت نحكيلكم على وحدة صحبتي قريبة ليا ونحبها بزاف عندها 7 شهور ملي تعرفت على واحد فالانترنت وهو من العاصمة وهي من الاول كانت دايراتو صديق ومن باعد ولات تحبو ويحبها بصح المشكل تاعها هي محتارة الا تكمل فالعلاقة و الاتصال معاه ولا لا و هي شحال من مرة تخلق مشكل باش يبتعد عليها و يتفارقو بصح هو يعاود يتصل بيها ويقعد يحلفلها و يقولها ما نقدرش نبعد عليك ومن بعد يرجعو لبعضاهم وهو قالها كي تكملي قرايتك نجي نخطبك وهي مزالها عام و تكمل قرايتها و هي راهي تسقسي هل دير الثقة فيه و تستنى حتى وين تتخرج ويجي يخطبها ولا تقطع علاقتها بيه عاونوي كيفاش ندير معاها راهي هبلتي ما عرفت حتى حل

AMOLAS45 · 2012-08-20, 23:45

قولتيها اختى ما زالت صغيرة يعنى لا تنضج افكارها بعد و طبيعى تتعلق به و يتعلق بها لان القلب لحمة قوليلها كاين امور اهم من هذه القصص و اذا ربى كاتباه ليها حتى واحد مايديه ليها و لو بعد حين المهم تكون صافية مع ربى و مع نفسها

amouna alg · 2012-08-20, 23:50

اقتباس:

المشاركة الأصلية كتبت بواسطة amolas45

قولتيها اختى ما زالت صغيرة يعنى لا تنضج افكارها بعد و طبيعى تتعلق به و يتعلق بها لان القلب لحمة قوليلها كاين امور اهم من هذه القصص و اذا ربى كاتباه ليها حتى واحد مايديه ليها و لو بعد حين المهم تكون صافية مع ربى و مع نفسها

شكرا ليك اختي على النصيحة راني ديما موراها و هي تاني حبت تقطع هاد العلاقة بصح هو قاعد شاد فيها هي ما عرفت واش دير

YARMORACEN · 2012-08-20, 23:54

إدا راه يقول بلي يحبها ، لزمها تاستيه ، تختابره تشوف إدا كان يحبها صح ولا لا

إدا هو يحبها تكمل معاه أم إدا جبرت بلي راه غير فرتس تفوته

AMOLAS45 · 2012-08-20, 23:58

لازم ااختى تفعس على قلبها و تكون نيتها صادقة مع ربى و مع نفسها وتكثر من الدعاء و الاستغفار اول حاجة تقطع كل وسائل الاتصال به مهما كانت و تشغل نفسه بامور اخرى كالدراسة الطبخ هوايات جديدة كاين بزاف المهم مع الاول صعيب الحال و بعدين اكيد الله سبحانه و تعالى راه يعانها بصح الصدق فى التوبت اختى و ربى يهدى سرها

amouna alg · 2012-08-21, 00:14

اقتباس:

المشاركة الأصلية كتبت بواسطة yarmoracen

إدا راه يقول بلي يحبها ، لزمها تاستيه ، تختابره تشوف إدا كان يحبها صح ولا لا

إدا هو يحبها تكمل معاه أم إدا جبرت بلي راه غير فرتس تفوته

هي راهي متاكدة بلي راهو يحبها و الدليل بعثلها تصاورو مع دارهم و يماه و جداتو هي المشكل تاعها راهو بعيد عليها يعني هيا من ولاية و هو من ولاية

YARMORACEN · 2012-08-21, 00:25

اقتباس:

المشاركة الأصلية كتبت بواسطة amouna alg

هي راهي متاكدة بلي راهو يحبها و الدليل بعثلها تصاورو مع دارهم و يماه و جداتو هي المشكل تاعها راهو بعيد عليها يعني هيا من ولاية و هو من ولاية

الحب يبان بالفعال قبل لكلام أختي ....
في رأي إدا تقدر تخبر هد البنت عائلتها بهد الموضوع ، و من ثم تطلب منه يجي ، ما شي باش يخطب غير يتعرف على عائلتها برك
و كاينة حاجة هد البنت يظهرلي ما تحبهش مادام راه تحوس تبعد عليه ؟

amouna alg · 2012-08-21, 00:36

اقتباس:

المشاركة الأصلية كتبت بواسطة yarmoracen

الحب يبان بالفعال قبل لكلام أختي ....

في رأي إدا تقدر تخبر هد البنت عائلتها بهد الموضوع ، و من ثم تطلب منه يجي ، ما شي باش يخطب غير يتعرف على عائلتها برك

و كاينة حاجة هد البنت يظهرلي ما تحبهش مادام راه تحوس تبعد عليه ؟

المشكل انو هو ماهوش حاب يخطبها دورك قالها كي تكملي قرايتك نجي فى مرة و اهم حاجة الي مقلقتها هي انو هو لون البشرة تاعو ابيض وهي سمراء راهي تخمم في عائلتو كي يشوفوها يرضاو يزوجوهالو ولا ما يرضاوش مع انو صحبتي سمراء عادي

YARMORACEN · 2012-08-21, 00:47

اقتباس:

المشاركة الأصلية كتبت بواسطة amouna alg

المشكل انو هو ماهوش حاب يخطبها دورك قالها كي تكملي قرايتك نجي فى مرة و اهم حاجة الي مقلقتها هي انو هو لون البشرة تاعو ابيض وهي سمراء راهي تخمم في عائلتو كي يشوفوها يرضاو يزوجوهالو ولا ما يرضاوش مع انو صحبتي سمراء عادي

الموضوع راه بدا يتعقد

من المفروض هو لي غادي يتزوج ماشي عائلته، و مدام هو حابها سمرا و ين راه المشكل ؟
إدا هو راه صح باغي لحلال ، و حاب يخطبها ، سما ديجا راه عارف رأي نتاع عائلته في شكلها
بصح نقولك و نعاودلك ، لزم صحبتك تتأكد بيان إدا كان هد الإنسان راح يخطبها ، و لزم تتأكد هي من نفسها إدا قابلة بيه ، لخطر تبان كلي مارهش عارف روحها واش باغية

الأستاذ*عبد الحميد* · 2012-08-21, 00:57

يعرف المنزل اذن يأتي لخطبتها وما الفائدة من مواصلة الاتصال

soumeya_cons · 2012-08-23, 14:33

تقطع الاتصال بيه و تنسى الموضوع هذا وتخمم غير في قرايتها و هو اذا كان صح يحبها و ناوي على الحلال رايح يستناها حتى تكمل قرايتها و يجي يخطبها من والديها و اذا ماجاش تكون هي ماخسرت والو.

~~نهال~~ · 2012-08-23, 14:45

اولا راهي توهم في روحها بلي تشتيه
ثانيا قولها تبلوكي لكونت نتاعها و تحل واحد جديد باسم اخر
ثالثا قولها ماتردش عليه خليها تحقرو ماكانش قد الحقرة مع الايام وحد اسبوعين نشوفو اذا راح راهو يتمسخر بيها
و بشرط اسبوعين هاذو ماتهدرش اصلا معاه