ماهي مواصفات الزوج الصالح

عضوة جديدة · 2012-08-22, 00:28

السلام عليكم

انا فتاة خلوقة وملتزمة ( مانيش دايرة جلباب ولا نقاب بصح محترمة جداا والحمد لله )

اتخطبت من قبل بصح فسخت لاني اكتشفت انه هاداك الانسان ماهوش حاب يدير دار - كان انسان بخيل وطماع

المهم

مباشرة بعد فسخ الخطوبة تقدملي واحد متربي قاري حاجة ماهي خاصته

بصح انا كرهت ومليت ووليت نخاف من الزواج لان الناس ما يبانوش

هادا مزروب وحاب يدير عرس طول

اما انا فكرهت سيرة الزواج

واش ندير قولولي

ويا ريت تخبروني على صفات الراجل الصادق ولفحل

مانيش حابة تعطيوني مجرد كلمات

اريد قصصا من الواقع

الله يخليكم عاونوني

راني تعبت نفسيا

حكيـ الجَزآئِرِي ــم · 2012-08-22, 01:12

والله صعيب الحال ربي ايفرج عليك

سيف الدين قطز · 2012-08-22, 01:22

قال رسول الله :((إذا أتاكم من ترضون دينه وأمانته فزوجوه، إلا تفعلوا تكن فتنة في الأرض وفساد كبير))

YARMORACEN · 2012-08-22, 01:33

ما عند ما نحكيلك أختي ، كاين لي راهم متزوجين و فرحنين ، و كاين لتزوج و ندمو
من المفروض يكون عندكم وقت باه تعرفو أكثر ، الرجال نعرفهم غير بالمواقف نتاعهم ، بالنسبة لي إدا كان يقدر يتحمل مسؤولية أسرة من كل النواحي النفسية و المادية و غيرها يصلح يكون زوج .
ورأيك فيه هو المهم ، الزواج مكتوب ، إدا ماكنش هو كاين غيره ، كل واحد و كل وحدة واش راه كتبلها ربي

الدكتور سام · 2012-08-22, 07:36

ادا تقدم لك رجل فاساليه هدا السؤال.على كم في الساعة يؤدن لصلاة الفجر.فان اجابك بدقة فتزوجيه و ان لم يجب فابتعدي
المغزى.ان كان الرجل محافظ على صلاة الفجر فدلك هو الرجل الخلوق الدي سيخاف الله فيك

ريتاج78 · 2012-08-22, 12:25

المهم والأهم متقوليش كرهت الزواج

وصلي صلاة الإستخارة هي اللي توريلك كل شي

الا ربي كتبهولك راح يجي ويعاود

والا لالا راح يروح كي ما الأخر

اما عن القصص الواقعية فاسمحيلي انا عندي اختي نهار تزوجت كان عمرها 17 سنة
وجاء مزروب وتزوجت في شهر واحد
وهي الآن عايشة في اروع مايكون
ربي يهنيك ويسعدك

staifia · 2012-08-22, 13:05

عندي خالتي جا واحد خطبها شهر ودخلوا ,,, والله ماراهي عايشة مليح طول راجلها موسوس و ما يديها تحوس ,, حتى عند مواليه ما يجي يديها بالسيف .... مسكر عليها البيباب والتواقي ....
مش مليحة واحد يتسرع افهمي عقليتو ا كيفاش يخمم كيفاش ينظر للحيا ة للمرأة للزواج .... كلشي
ربي يرزقك بولد الحلال

halim68 · 2012-08-22, 13:27

اولا اوجه لك السؤال هل انت موظفة ام لا اذا كنت موظفة طبعا بالدرجة الاولى يتقدم للخطبة من اجل الصك ثم النسب ( عائلة ثرية) ثم الجمال ثم الاخلاق

عضوة جديدة · 2012-08-22, 13:40

اقتباس:

المشاركة الأصلية كتبت بواسطة halim68

اولا اوجه لك السؤال هل انت موظفة ام لا اذا كنت موظفة طبعا بالدرجة الاولى يتقدم للخطبة من اجل الصك ثم النسب ( عائلة ثرية) ثم الجمال ثم الاخلاق

شكرا لكل من شارك في هذا الموضوع

انا نخدم بصح هو حابني نحبس خدمتي

وهادي هي الحاجة اللي راهي عاجبتني فيه لحد الان

سيف الدين قطز · 2012-08-22, 15:26

اقتباس:

المشاركة الأصلية كتبت بواسطة الدكتور سام

ادا تقدم لك رجل فاساليه هدا السؤال.على كم في الساعة يؤدن لصلاة الفجر.فان اجابك بدقة فتزوجيه و ان لم يجب فابتعدي
المغزى.ان كان الرجل محافظ على صلاة الفجر فدلك هو الرجل الخلوق الدي سيخاف الله فيك

أنا لاأوافقك الراءي الصلاة صلة بين الخالق والمخلوق
هناك الكثير من يصلون الفجر في المسجد ......ولكن تصرفاتهم وإحترامهم للمرأة منعدم تماما
الصلاة شئ والزوج الصالح شئ اخر
تقبلوا مروري

حكيـ الجَزآئِرِي ــم · 2012-08-22, 15:56

اقتباس:

المشاركة الأصلية كتبت بواسطة صالح سيف الدين

أنا لاأوافقك الراءي الصلاة صلة بين الخالق والمخلوق
هناك الكثير من يصلون الفجر في المسجد ......ولكن تصرفاتهم وإحترامهم للمرأة منعدم تماما
الصلاة شئ والزوج الصالح شئ اخر
تقبلوا مروري

أنا أعتقد عكس ذلك
فمن لم تكن صلته بمن خلقه جيدة
فكيف تكون صلته جيدة مع من هم على شاكلته

السي محمد · 2012-08-22, 18:48

اقتباس:

المشاركة الأصلية كتبت بواسطة الدكتور سام

ادا تقدم لك رجل فاساليه هدا السؤال.على كم في الساعة يؤدن لصلاة الفجر.فان اجابك بدقة فتزوجيه و ان لم يجب فابتعدي
المغزى.ان كان الرجل محافظ على صلاة الفجر فدلك هو الرجل الخلوق الدي سيخاف الله فيك

يا حسراه

خويا ابن أبي

أكبرنا سِنا

مرت اكثر من 6 سنوات لم يزُرنا في البيت

نتصل به نذهب عنده و لكنه مقاطعنا تماما

إتقتيه مرة منذ عامين صُدفة في البلدية

دعوتُه للبيت (بيته بيت والده واخوته و اخواته البيت الذي عاش فيه) رَفَض

و الفجر كل يوم في وقته و لحيته اكبر من لحية الشيخ نبيل العوضي

هل يخاف الله من يقاطع عائلته و اخوته و المراة التي ربّته (اُمي) ؟؟؟؟

المحبُّ لأهل السُّنة · 2012-08-22, 19:29

السلام عليكم ورحمة الله وبركاته

عليك بالإستخارة أختي الكريمة والإكثار من الدّعاء ومن قول :

" اللهمّ إن كنتَ تعلمُ أنّ في زواجي من فلان بن فلان خيرا لي في
ديني ومعاشي وعاجل أمري وآجله فاقدره لي ويسّره لي ثمّ بارك لي فيه ,
وإن كنتَ تعلمُ أنّ في زواجي من فلان بن فلان شرّا لي في ديني ومعاشي
وعاجل أمري وآجله فاصرفه عنّي واصرفني عنه واقدر لي الخير حيث
ما كان ثمّ رضّني به "

مع تجرّد وإخلاص وصدق مع الله تعالى واحتساب أنّك تنوين بزواجك طاعة الله
ورضاه وطاعة رسول الله صلّى الله عليه وآله وسلّم والحياة على سنّته
وهديه وسيرته العطرة..

فبإذن الله تعالى لن تجدي إلا خيرا وبركة من الله تعالى

والله الموفّق ..نسأل الله لك تيسير الأمور على الخير والتّمام بالبركة ..آمين....