_خــــــــــــويا_ بقلمي

[عبد العزيز الرستمي]

_خــــــــــــويا_

ُخويا نوصيك وصاية المهموم *** أفــهم إذا قلت في ذي محــطة
الهم تفركت ما عنده ملــموم ***هـذي حـال الــلي دار الغلـطة
خويا خــلي سرك مكتــوم*** أبني بنيــانه حصــن بحايـطة
جوارح الغدر لا تخليه يحـوم ***لاتنعس امـــعاه أتروح للفالـطة
أتحذر من ناس لتهفى و تنوم*** يروح قــــدرك تنعـدم بلا قرطه
يبخس غـلاك تبقى لاسـوم ***تظمى مالخمرة ديـوانها ناشـــطة
حنظل يصبح كي الأكل المحتوم*** و ضمير يكاكيك يخبرك على الخلطة

فراش


الضمير يكاكيك في ريح أعواصف*** في الماضي تبكم في نسايم الهوى
حتى هو زعــزع من العواطف*** أصبحنا لزوج يا خـــويا لا قوى
الحبيب اللي كان في الحاضر تلف*** عقار أقبـــالي قاعــد لا ْدوى
ماليا لقلبي حبيب يجيـني عاطف***يونس خاطري بركاني من الشكوى

هدة


مــقواني خويا نبكـيك اليــوم*** أنشوف نبضاتك راهي مخلطة
ضـربتك ضـربت قنـاصل القوم*** يصوب للـبعاد مايدير الغلطة
كي شردوا لحـباب أبلغ الصـوم*** لا تسبح في لكراب زايد شيطة
يامس متعطر في سيسانو مشموم*** راعي من الخبال فارس نتخطى
في سيسانو نمشي خايف من هذ ليوم*** نميز و نحبر سكنتني قنطة
رتب الحروف دير النقطة
خويا شفت خيمة أبلا ملازم*** صبحت للعفاس ناس أبلا همه
عدويا على البغض عول عازم*** كراهين لحباب هكدا هــوما
صيغ كانــك بغيت تتــأقلم*** و شكر الإله في ديك النعـمة
التجريب صحيح يجرح و يعلم*** تستغلص اللي كان تشوف أعما
جوابـي ليك و ليـه و ليهـم*** أفهـم معنـايا كانك فهــمة
كي تعارفنى ما كانت بداية العالم*** كي تفارقنا ما قامت القيامة

هدة


خـويا لا تبـعث عليا لــوم*** بلاك الـدنيا علينا سامــطة
السارق أصبح متأصل مالحشوم*** المتأصل غاب جوده و حطة
الناس ما تفكر بنفس المفهـوم*** يتلامُد لتنمام كالبصل في ربطة
سوق أبلا سلعة دامس مظلوم*** ما عندك فيه يا خويا ما تتخطة
عبد العزيز أكتب عليك المنظوم*** في ليلة حالكة نداك أبعيــطة
السادس فالشهور خامس فاليوم*** ألفين و أربعة حساب بالنقطة
خويا نوصيك في بيت المختوم*** خايف من وصايتي رجعت أسماطة
أتكاكى بالحاضر اللي هو معلوم*** لا تزعف لا تقنط لاتزيد فالغلطة

"تمت بادن الله"
بقلمي

[أمـــــــــــــــيرة]

السلام عليكم

ايه رائع

وكلّ ما قلتو لاخوك وراك تنصح بيه

كي تعارفنى ما كانت بداية العالم*** كي تفارقنا ما قامت القيامة

الله يهنينا ويفرج لنا

التجريب صحيح يجرح و يعلم*** تستغلص اللي كان تشوف أعما

بارك الله فيك على الكلمات الهادفة لنا لهم

[عبد العزيز الرستمي]

المشاركة الأصلية كتبت بواسطة أمـــــــــــــــيرة

السلام عليكم

ايه رائع

وكلّ ما قلتو لاخوك وراك تنصح بيه

كي تعارفنى ما كانت بداية العالم*** كي تفارقنا ما قامت القيامة

الله يهنينا ويفرج لنا

التجريب صحيح يجرح و يعلم*** تستغلص اللي كان تشوف أعما

بارك الله فيك على الكلمات الهادفة لنا لهم

أهلا و سهلا و مرحبا
أنت أول الوافدين في منتدى الشعر الملحون
****
بالنسبة للقصيدة هي قصيدة غزلية من نوع الرمزي في "الهدة و الفراش"
تشرفت بمرورك
تحيتي

[نايل الأخضري]

السلا معليكم
هاذ الريحة جاتني من عند ***** الشيخ ولاريحتك يا القبة
أنقيد طرايقك ونعود *************نجيك ونعشق فيك قاثمة



منضوم قديم
جدا من الشعر

[عبد العزيز الرستمي]

المشاركة الأصلية كتبت بواسطة نايل الأخضري

السلا معليكم
هاذ الريحة جاتني من عند ***** الشيخ ولاريحتك يا القبة
أنقيد طرايقك ونعود *************نجيك ونعشق فيك قاثمة



منضوم قديم
جدا من الشعر

أشكر لك هذا التواجد
تحياتي