واش رايكم نروح لحصة ( جاك المرسول)؟؟؟؟

[السي محمد]

السلام عليكم ورحمة الله و بركاته


هذه الحصة انا لم اكن اعرفها و لا هدفها

ولكن في رمضان هذا شفت بعض الحلقات

في قناة نسمة مع الصباح


========================
ما عنديش تلفاز و لكن شفتها في تلفاز أخي
=========================

المهم

انا عندي مشكل او قصة كيما يقولو

اني حاب نشوف عمتي و اولادها

لاني في حياتي ما شفتهمش و مانعرفهمش

هي شفتها مرة واحدة فقط

و لا اذكر عنها أي شيء

و يومها كنت صغير جدا و لا اذكر ملامح وجهها او صوتها

فقط اذكر انها جاءت عندنا لما كُنت صغير


هي ذهبت لفرنسا في السبعينات

و هي راحت عند زوجها جزائري

و لم ترجع إلا مرات قليلة

و آخر مرة كانت لما كنت انا ادرس في الابتدائي

ممكن سنة اولى

وكانت تلك اول و آخر مرة شفت فيها عمتي

والله يعلم إذا هي حية او لا



انا اريد رؤيتها و رؤية اولادها





ما رايُكم في الفكرة؟؟؟؟

[مريم الصابرة]

السلام عليكم من ٍراي روح وإبحث عليها ما تخليهاش في قلبك ما تعرف الموت وينتا يجي بعيد الشر عليك لكن هذا واقع خويا وصلة الرحم ربي طلبها ونولي نشوف الحصة باه نشوفك ثم نولي نقول ليمى هذا صديقي فالمنتدى روح دير الكوراج وحوس عليها موفق اخي من راي دير الخطوة الاولى وإتصل بيهم موفق

[الواثق]

حوس عليها اخي بكل الطرق ............الا هاته الطرق التلفزيونية التي تتاجر بمشاكل الناس وتستعطف الناس حتى ان فيها تصنع كبير ...........فما اجمل ان ابحث عن مفقود واجده واقول له لقد بحثت عنك من اجل ان القاك واحتسب الاجر وهذا بالاخلاص لله عزوجل...................وليس من اجل ان اظهر في حصص واصبح مشهور ..................ممكن تقول لي انا نيتي ماشي نبان في التلفاز ووو...............نقلك ايه والله اعلم بالنيات ............لكن اعلم ان القلوب تتقلب وبشكل بسيط وسريع ..................

ونقلك بصراحة يحصلهم الشرف اني نبان في هذه القنوات المشبوهة ويحصلهم الشرف انو يكتبو اسم عائلتي في شاشتهم ويحصلهم الشرف اذا شكرتهم .....................................ولن يحصل لهم اي شرف مني ....................مادمت حيا .............................هذا رأيي والله اعلم

[zineb.alg.ziani]

رووووووووووح ....حاجة مليحة لوكاان دير هاد لوجااست ..إن شااء الله تلقااهاااا

[مريم الصابرة]

المشاركة الأصلية كتبت بواسطة الواثق

حوس عليها اخي بكل الطرق ............الا هاته الطرق التلفزيونية التي تتاجر بمشاكل الناس وتستعطف الناس حتى ان فيها تصنع كبير ...........فما اجمل ان ابحث عن مفقود واجده واقول له لقد بحثت عنك من اجل ان القاك واحتسب الاجر وهذا بالاخلاص لله عزوجل...................وليس من اجل ان اظهر في حصص واصبح مشهور ..................ممكن تقول لي انا نيتي ماشي نبان في التلفاز ووو...............نقلك ايه والله اعلم بالنيات ............لكن اعلم ان القلوب تتقلب وبشكل بسيط وسريع ..................

ونقلك بصراحة يحصلهم الشرف اني نبان في هذه القنوات المشبوهة ويحصلهم الشرف انو يكتبو اسم عائلتي في شاشتهم ويحصلهم الشرف اذا شكرتهم .....................................ولن يحصل لهم اي شرف مني ....................مادمت حيا .............................هذا رأيي والله اعلم

السلام عليكم اخي
انا نظن راك غالط هو رايح لانو التلفزة اقرب يعني كل دار فيها تلفاز واكيد يقدر يلقاها اسرع والحصة مشهورة يعني كان هي ما شافتش الناس اللي يعرفوها يخبروها واما مسالة يولي مشهور ما نظنش لانو بعد لحصة الناس تنسى والصح خلات ناس بزاف تلاقاو بعد فراق والله اعلم شكرا

[السي محمد]

المشاركة الأصلية كتبت بواسطة مريم الصابرة

السلام عليكم من ٍراي روح وإبحث عليها ما تخليهاش في قلبك ما تعرف الموت وينتا يجي بعيد الشر عليك لكن هذا واقع خويا وصلة الرحم ربي طلبها ونولي نشوف الحصة باه نشوفك ثم نولي نقول ليمى هذا صديقي فالمنتدى روح دير الكوراج وحوس عليها موفق اخي من راي دير الخطوة الاولى وإتصل بيهم موفق

هاذيك هي اختي مريم

توفي ابي ( خوها) و لم تحضر جنازته لا هي و لا اولادها


توفي عمي ( خوها) و لم تحضر جنازته لا هي و لا اولادها

توفيت جدتي ( امها) و لا محضر الجنازة لا هي و لا اولادها


ربي يرحمهم جميها يرحم كل موات المسلمين


و راني خايف تموت هي ايضا بلاما نتعرف عليها

و على اولادها و لا احد في عائلتنا يعرفهم


======================

بارك الله فيك اختي مريم شكرا على التشجيع

[السي محمد]

المشاركة الأصلية كتبت بواسطة الواثق

حوس عليها اخي بكل الطرق ............الا هاته الطرق التلفزيونية التي تتاجر بمشاكل الناس وتستعطف الناس حتى ان فيها تصنع كبير ...........فما اجمل ان ابحث عن مفقود واجده واقول له لقد بحثت عنك من اجل ان القاك واحتسب الاجر وهذا بالاخلاص لله عزوجل...................وليس من اجل ان اظهر في حصص واصبح مشهور ..................ممكن تقول لي انا نيتي ماشي نبان في التلفاز ووو...............نقلك ايه والله اعلم بالنيات ............لكن اعلم ان القلوب تتقلب وبشكل بسيط وسريع ..................

ونقلك بصراحة يحصلهم الشرف اني نبان في هذه القنوات المشبوهة ويحصلهم الشرف انو يكتبو اسم عائلتي في شاشتهم ويحصلهم الشرف اذا شكرتهم .....................................ولن يحصل لهم اي شرف مني ....................مادمت حيا .............................هذا رأيي والله اعلم

يا اخي الواثق ليس الامر بالسهل

هي عمتي كانت مريضة و لا زالت

ومستحيل هي تجي للبلاد او احد اولادها لانهم لم يعرفوا الجزائر ابدًا

و انا لا يمكنني الذهاب إلى فرنسا للقائها

لا هاتف لا عنوان و لا معلمومة من زماااااان

الله يعلم إذا حية او ميتة

الحل الافضل ان اذهب لتونس و التقيها هناك

===========

صحيح القناة تستفيد مني

ولكن فائدتي اكبر بكثير من المادة و عوائد الاشهار التي يتصلون عليها

انا سارى عمتي اُخت ابي الوحيدة و التي ليس له غيرها

[السي محمد]

المشاركة الأصلية كتبت بواسطة zineb.alg.ziani

رووووووووووح ....حاجة مليحة لوكاان دير هاد لوجااست ..إن شااء الله تلقااهاااا

إن شاء الله


بارك الله فيك

[الواثق]

المشاركة الأصلية كتبت بواسطة مريم الصابرة

السلام عليكم اخي
انا نظن راك غالط هو رايح لانو التلفزة اقرب يعني كل دار فيها تلفاز واكيد يقدر يلقاها اسرع والحصة مشهورة يعني كان هي ما شافتش الناس اللي يعرفوها يخبروها واما مسالة يولي مشهور ما نظنش لانو بعد لحصة الناس تنسى والصح خلات ناس بزاف تلاقاو بعد فراق والله اعلم شكرا

وعليكم السلام ورحمة الله ..............اختي الكريمة .............الكثير من المشاكل تظهر على اساس مشكل واحد كاختفاء شخص ما فهذا الظاهر ولكن هناك خفايا ومشاكل اخرى داخل العائلات ستظهر حين التشهير بهذا ...........وانا مع فكرة استعينوا على قضاء حوائجكم بالكتمان.........فمن يريد ان يعلم الناس بمشاكله ؟؟؟.................فلو كانت هذه القنوات تعمل من اجل مساعدة الناس لقلنا شيئا اخر اما انهم يتاجرون بالقضايا من اجل جمع المال وتخريب عقولنا ببرامج اخرى في هذه القنوات ..................فهذا لانرضى به ولا ندعمه ....................والحمد لله نحن مازلنا في مجتمع متماسك لو ابحث عن شخص في صحراء امريكا لوجدته والطرق عديدة ................

وزيد الناس ماشاء الله في الاستنتاجات والقذف ...............يشوفو مرأة هربت يقولو اواه هاذي دارت عملة كبيرة وراهم ساترينها ومن بعد تولي تمشي في الشارع والناس يتقصدولها بالكلام .........................اليس هذا واقع ؟؟؟؟.

هذا رأيي والله اعلم

[السي محمد]

المشاركة الأصلية كتبت بواسطة مريم الصابرة

السلام عليكم اخي
انا نظن راك غالط هو رايح لانو التلفزة اقرب يعني كل دار فيها تلفاز واكيد يقدر يلقاها اسرع والحصة مشهورة يعني كان هي ما شافتش الناس اللي يعرفوها يخبروها واما مسالة يولي مشهور ما نظنش لانو بعد لحصة الناس تنسى والصح خلات ناس بزاف تلاقاو بعد فراق والله اعلم شكرا

و تشوفيني كي نبكي على عمتي؟؟؟

[soso sirin]

هي اذا باغي تلقاها و تاع الصح روح ليهم و ربي يسهلك ان شاء الله و تلقاها .مكانش ماليك الي ساكنين في فرنسا بلاك يقدرو يعاونوك لانو تم الجزايريين يعرفو بعضاهم مليح و تاني اكثريتهم تلقاهم ساكنين في بلايص معينة و سي كاش واحد تعرفو اذا كانت عندك معلومات قديمة وين كانت ساكنة راجلها واش يخدم اذا عندك صورة ليها و لراجلها بلاك كاش واحد يكون شايفها و يقدر يعاونك ان شاء الله

[السي محمد]

لا يوجد اي شيء يا اختي سيرين

زوجها توفي القرن الماضي


==============

بارك الله فيك

[النجمة القطبية]

الم يسال عنها احد من ذلك اليوم
يعنى البنت لما تتزوج فى مكان بعيد او الخارج ممكن تختفى عن الانظار او تتغبر
الامر محير صراحة

[soso sirin]

المشاركة الأصلية كتبت بواسطة السي محمد

لا يوجد اي شيء يا اختي سيرين

زوجها توفي القرن الماضي


==============

بارك الله فيك

ملي راحت مارجعتش و ماسمعتو عليها والو والو والله هذا مشكل فكرتني بعمتي نهار جات عندنا اول مرة شفتها كنت صغيرة كي قتلهم شكون هاذي قالولي عمتك ماامنتش ضروك راهي جي بزاف.صح و كون تسقسي عند مالين راجلها بلاك كاش واحد يكون يعرف عليها كاش حاجة ماضنيتش راهم ولاد عمتك قاطعين العلاقة مع ماليهم بلاك كاش واحد يقدر يمدلك راس الخيط على الاقل نوميغو تاع التيليفون.مي حاجة بغيت نقولهالك فرنسا و الغربة اونجينيغال تجفي و تقسي القلب سوغتو كي العلاقة تتقطع

[بومزراق يسرى]

خطوة رائعة و ستكون اروع إن أنت أقدمت عليها يا "السي محمد".......ان شاء الله يلم شملكم