مشكلتي مع الأساتذة

مشكلتي · 2012-08-20, 13:41

السلام عليكم ورحمة الله وبركاته

عيدكم مبـارك

لا أدري من أين أبدأ لقد مللت من هذا , قد تبدو لكم مشكلة تافهة لكنها والله مشكلة كبييرة بالنسبة لي

انا تلميذة منتقلة للسنة ثانية ثانوي سأروي لكم مشكلتي في المدرسة بالتفصيل . لست مشكلتي وحدي بل حتى أخواتي يعانين منها

بعض الأسـاتذة ربي يهديهم نحسبهم هما السبب الرئيسي في تدني مستواي

عقليتهم هنا في مديتي مش مليحة خلااص مش عارفة يلا كامل في دزاير هكذا

إذا شافوا تلميذ قراي و عندو خط طوول الحصة كامل وهو معنكش فالسبوورة حتى تصوني الساعة

ما يكتبوش وحدهم خلااص ديما اكتبي اكتبي اكتبي

صح نعاونهم رمة زوج بصح مش نبقااو نكتبولهم طوول حياتنا

والله غير السنة عانيت واش عانيت مع استاذة الانجليزية ماتكتبش وحدها خلااص ديما نكتبلها انا فالسبورة

ومن بعد تصوني عني الساعة ونا ماكتبتش ني كراس صاحبتي الله يجزيها الخيير ديما كراسها عندي حتى فالفروض تمدولي تقلي انا مانراحعش الانجليزية

و من بعد نروح للدار مانصيب نكتب درسي مانصيب نحل تماريني مانصيب نحضر درسي

ومن فووق دفتر النصوص ثاني انا لي نكتب فيه .. ونهار مانكتبش : ""توبيييخ "" تقول راها مسؤوليتي أنا

لي حرت فيها مادام خدمتلها كلش علاش مانقسمش معاها الشهرية ونوووض !!

كن غير جات غير وحدة فرنسية انجليزية رياضيات ادب ... وخلي

والمشكلة أنك كن تقلهم مانكتبش ولا حتى كن تعود مريض يسلكوها فيك فالتقويم

ايا خلااص كرهت

هذا العام قلي بابا مازيدوش تكتبولهم .. على خاطر كن تشوفونا يامات الاختبارات وحدة ماكتبتش درس و ودة ماعطاوهاش الكراس وراهي رايحة

الآن أنا لي جبيتكم تساعدوني يفه قبل الدخول المدرسي هو كيفااع نقدر نخلص من هذا من دون ما يزعفو الاساتذة مني ويعودوا يسلكوها فيا فالتقويم

نشفا من الابتدائي وانا هكا دروسي مانكتبهمش خلااص .

واش من طريقة للتخلص من هذا تقترحو عليا

أرجو منكم أن تضعوا مشكلتي فانا جاادة

بلال الرومنسي · 2012-08-20, 21:14

ههههههه حسيتي روحك بلي الاساتدة يعاملوكم ك Esclav
هوما يخلصو في الملايين ... ونتيا تخدمي وطول اليوم تكتبي في السبورة

بصراحة الاساتدة نقلق منهم وعندي حساسية منهم .......... حاشا البعض

قولي للاستادة ديالك راكي مريضة بالحساسية وبشرتك تعضك من غبار الطباشير

nouna l maghbouna · 2012-08-20, 21:15

اختي جزاك الله كل الخير
هاذو هوما اساتذة آخر زمن المهم اختي كي وحدة تقلك نوضي تكتبي قوليلها مريضة من يدي (عفاك الله) ولا قوليلها طول مانكتبش استاذة اسمحيلي
ربي يوفقك اختي

AMOLAS45 · 2012-08-20, 21:28

لا ادرى لما هذا التطاول على الاستاذ الذى فى يوم من الايام هو السبب فى كتابتكم هذه الحروف اما فيما يخص سؤالك ففى البرامج الجديدة لوزارة التربية البيداغوجيا التعليمية الحديثى تفرض على الاستاذ ان يشارك التلميذ بنسبة كبيرة فى انجاز الدرس ودور الاستاذ هو التوجيه فقط يعنى اختلفت عن الماضى الذى كان الاستاذ يقوم بكل شئء وهى تعرف بمصطلح المقاربة بالكفاءات الاساتذة يعرفون معناها ومع ذلك لست مجبرة بكتابة كل الدرس يعنى كان يجب هلى الاستاذة انه فى كل مرة تكلف تلميذ للكتابة ليشارك الجميع فى صياغة الدرس بالتوفيق بنيتى اسناذتك

imi02i · 2012-08-20, 21:31

أنا عانيت من الكتابة على السبورة خاصة في سنوات المتوسطة
أستاذ الإجتماعيات درسني السنوات في أربع وكنت دائما أنا اللي نكتب حتان تعواج يدي
الأدب والشريعة والمواد الأخرى أيضا كنت دائما نكتب
وكي نكون ميش قادرة نحشم باش نقولها للأستاذ ونضطر أني نخرج للسبورة
والكارثة كي تلقاي التلاميذ فيهم واحد ولا اثنين يكتبوا
واحد يقلك منيش فاهم ولاخر يقلك زيدي شوية هكذا
لكن مؤخرا وليت نقول منوضش بكل صراحة
...........
ماتكذبي على الأستاذ ماتقولي راني مريضة
شوفي لمصلحتك
قلو استاذ راني مش حابة نكتب في السبورة وصايي
إذا كان هو تعبان راه يكلف تلميذ آخر

~~نهال~~ · 2012-08-20, 21:43

نتي عندك 5 حلول

1-تقوللهم مانعرفش نكتب
2-تربطي يدك ببوندا باش تبان بلي مريضة يدك
3-تقوليلها مانكتبش
4- تطلبي من احدى صديقاتك يتقاهم مع الشيخة تكتب هي
5-تقولي للشيخة ماعاتش نكتب و تفهميها الوضع
6-افضل حل انك تكتبي و تغلطي بالقصد حتى تقول لواحدة اخرى

~~نهال~~ · 2012-08-20, 21:48

اقتباس:

المشاركة الأصلية كتبت بواسطة AMOLAS45

لا ادرى لما هذا التطاول على الاستاذ الذى فى يوم من الايام هو السبب فى كتابتكم هذه الحروف اما فيما يخص سؤالك ففى البرامج الجديدة لوزارة التربية البيداغوجيا التعليمية الحديثى تفرض على الاستاذ ان يشارك التلميذ بنسبة كبيرة فى انجاز الدرس ودور الاستاذ هو التوجيه فقط يعنى اختلفت عن الماضى الذى كان الاستاذ يقوم بكل شئء وهى تعرف بمصطلح المقاربة بالكفاءات الاساتذة يعرفون معناها ومع ذلك لست مجبرة بكتابة كل الدرس يعنى كان يجب هلى الاستاذة انه فى كل مرة تكلف تلميذ للكتابة ليشارك الجميع فى صياغة الدرس بالتوفيق بنيتى اسناذتك

اختي دورهم صح التوجيه لكن مش على حساب التلميذ
حنا مجربين
مابالك تكتبي قبل يوم من الفرض و ماتلقايش شكون يمدلك الكراس او ماتلقايش وقت ترتاحي
و اصلا لو كان استاذ لما تك التلميذ يكتبون على السبورة كون يغلطوا شكون يدفع الثمن

islam girl · 2012-08-20, 21:55

الأخت نظن قصدها تقلهم مانكتبش بلا ما يزعفوا منها

وصح عندها الحق والله غير بزااف

التلميذ ماجاش باه يكتب للاستاذ فالسبورة وحتى دفتر النصوص

صح معليش يكتب مرة ولا زوج ولا يديرو بالدالة بين التلاميذ

إذا كانت لتلميذ واحد رايح يكون ضغط علييه

كيفاه رايح ينقل دروسو ويراجع ويحضر

ضغط كبيييير كبيييير

islam girl · 2012-08-20, 21:58

اقتباس:

المشاركة الأصلية كتبت بواسطة amolas45

لا ادرى لما هذا التطاول على الاستاذ الذى فى يوم من الايام هو السبب فى كتابتكم هذه الحروف اما فيما يخص سؤالك ففى البرامج الجديدة لوزارة التربية البيداغوجيا التعليمية الحديثى تفرض على الاستاذ ان يشارك التلميذ بنسبة كبيرة فى انجاز الدرس ودور الاستاذ هو التوجيه فقط يعنى اختلفت عن الماضى الذى كان الاستاذ يقوم بكل شئء وهى تعرف بمصطلح المقاربة بالكفاءات الاساتذة يعرفون معناها ومع ذلك لست مجبرة بكتابة كل الدرس يعنى كان يجب هلى الاستاذة انه فى كل مرة تكلف تلميذ للكتابة ليشارك الجميع فى صياغة الدرس بالتوفيق بنيتى اسناذتك

اختي لا تقولي تطاول فهو ليس تطاول

كل واحد في دوروا

واصلا طريقة المقاربة بالكفآت ماقالتش التلميذ يكتب للاستاذ

يكتب فالسبورة وفي كراسو بزااف علييه

و حتى في دفتر النصوص كيما راها تقول

ومثلما قلت كل مرة تكلف تلميييذ احسن

لكن اذا كان الاستاذ صغيرا في السن وقادرا فلماذا يكلف تلميذا

حتى التلميذ لديه مكان يكتب فيه الاشياء الموجودة السبورة

baha... · 2012-08-20, 22:06

من علمني حرفا صرت له عبدا

arc en ciel · 2012-08-20, 22:16

صح كاين بعض الاساتدة الله يهديهم مايمسوش الطابلو

هي لازم تكون مشاركة بين التلميد و الاستاد في انجاز الدرس بما فيها تسجيل المعلومات على السبورة لكن بالتناوب تلاميد و استاد مش تلميد واحد يكتب كل الدرس

الوجع تع الكتبة يققققققققققققققققققققققققققتل تع الصح و راني حاسة بيك انا حتى وليت منقدرش نرفد يدي مالكتبة امالا وليت ندير تناوب بين التلاميد كل تلميد يكتب شوية و الي مايحبش مايحبش و هاكا نتعاونو كامل مش الاستاد وحدو يكتب و مش التلميد وحدو يكتب

faty05 · 2012-08-20, 22:26

المشكل مش الكتابة في السبورة
المشكل في البرامج المكثفة المبرمجة
بزااااااااااااااااااااااااااااااف

Floona · 2012-08-20, 22:27

بلاك كون يروح باباك يهدر مع الأستاذ يخفف عليك شوية

pomaria_aindefla · 2012-08-20, 22:27

إدا كتبتي شوية أطلبي من الأستاد يخليك تكتبي في كراسك و إدا قالك أنقلي في المنزل فوليلو زميلاتي ما سلفولسش و أمي راهي تزقي علي كي منكتبش في القسم هكدا يفهم روحو

faty05 · 2012-08-20, 22:28

المشكل مش الكتابة في السبورة
المشكل في البرامج المكثفة المبرمجة
بزااااااااااااااااااااااااااااااف