أمياس

[الحسيني]

ينساق بعض الشباب وراء غرائزه ...فيتصرف تصرفات أقل ما يقال عتها أنها طائشة ..ولكم ان تتخيلوا الموقف من خلال قراءة النص ..

أمياس : الفهد يا للي ما تعلــــم *** بلـــــــغة المازيغ ْ لهجة شاوية

بغيت نتشبه بيه في حياتي ونرسم *** آثار الأمجاد للإنســـــــــانية

شافو مولى غي ّ شمّـــــــــر وتقدم ***وبادرني مسكين يرسل لبْريــّة

ما شاور لعقول ما درس ما خمـــم ***وهاذي يا صاحب هي َ البـَليـّـــه

ما قال أمياس راجل ومعلـــــــــــّم ***شيطانو ورّاه مياس بْنيـــّــــــــه

اذا غاب العقل لهْـــــــــــوى يتكلــّم ***ويا حوجي قدّاه بهاد الذريـــــه

هذا الجيل انحل ما ولّى يحــــــشم ***ما يحسب للشر والا لآذيـــــــــــّه

إسمو إسم رْسول ونبي مُــــكرم****وافعالو في الناس كـــــــحلة مخزيـّه

وين راهي الأخلاق ضاعت والقيم ***وين الحشمة وين صاحب النية

في المسجد تلقاه تقي ّ وْ مسلم ***ويبادر للصف بُــــــكرا وعْشيـــــــّه

واذا خلا لابليس غير احلف والزم ***ابليس معاه صْبــي ّ في ابتدائية

ياللي راك تـــــــــــــسارفي بالله اعلم ***ربي راه يشوف أحسن النيّــه

واطلب ديما الخـــــــــــــير والله يسلّّّم ***في يوم الميعاد وفي هذا الدنيا .