ماهو اكثر شيء.............؟؟

SOUSOU. DZ · 2012-06-27, 00:33

السلام عليكم

ليوم حبيت اطرح عليكم هدا السؤال واريد ان تختارو اجابة طبعا مع تبرير يعني ليش اخترتها ؟؟؟

وسؤال يقول

ارجو اجابة بصدق وشكرا انا انتظر ردودكم

وحيت نضيف هدي للترفيه واش رايكم

كيف تعرف انك عشت صغر رائع

.
.
.
.
.
.
.
.
.
... .
.

مشيت عشرات الكيلومترات بلحفى
تمرغت ف التراب و كليتو
شبعت خباطي . بكل الوسائل
كي تحكم 5 دج تحس روحك مرفه
بكيت على اغنية ريمي ههههه
ستنيت قراندايزر على 5 تاع عشية
حفظت جدول الضرب من الكراس تاع 64 صفحة لي فيه سردوك ملور هههه

تحية الى الجيل السابق و الجيل لي راه جاي ربي يسترنا منو –وزيدونا كاش حاجة بالك نسيتها

هههههههههههههه على بالي ماشي في بالصتو مي حبيت نزيدو في الموضوع

كاش تعليق؟؟؟

لحن الفرح · 2012-06-27, 00:37

فقدان شخص قريب منك

Lydia istanboul · 2012-06-27, 00:42

فقدان شخص لأني سبق و فقدت حبيبتي أختي ذات سبع سنوات في حادث سيارة مهول يوم عيد الفطر قبل بضع سنوات و بت لا احتمل فقدا عزيز آخر....

SOUSOU. DZ · 2012-06-27, 00:51

اقتباس:

المشاركة الأصلية كتبت بواسطة لحن الفرح

فقدان شخص قريب منك

صح صعيبة هادي

شكرا على مرورك

SOUSOU. DZ · 2012-06-27, 00:53

اقتباس:

المشاركة الأصلية كتبت بواسطة lydia istanboul

فقدان شخص لأني سبق و فقدت حبيبتي أختي ذات سبع سنوات في حادث سيارة مهول يوم عيد الفطر قبل بضع سنوات و بت لا احتمل فقدا عزيز آخر....

الله اكبر انا لله وانا اليه راجعون ربي يرحمها

والله يااختي قطعتيلي قلبي معليش ان شاء الله تلقاوها في الجنة ان شاء الله وربي يجازي لي كان السبب

Lydia istanboul · 2012-06-27, 01:04

اقتباس:

المشاركة الأصلية كتبت بواسطة sousou. Dz

الله اكبر انا لله وانا اليه راجعون ربي يرحمها

والله يااختي قطعتيلي قلبي معليش ان شاء الله تلقاوها في الجنة ان شاء الله وربي يجازي لي كان السبب

ربي يخليك حنونتي،ذاك مكتوب ربي و ماعندنا مانديرو...جزاك الله خيرا

SOUSOU. DZ · 2012-06-27, 01:28

الله يسلمك. صح لاوم نامنو باواش كتبلنا ربي هو لي يمدلنا هو لي ينحلنا وعلى كل حال اختك ربي عطهالكم كاأمانة وجاء الوقت وربي دا أمانة شكرا اختي ليلة شعيدة تصبحي على طاعة الرحمن ورؤية الرسول في المنام ........... سلام

soso sirin · 2012-06-27, 14:40

هذا وين شفت الموضوع اسماء.اكثر حاجة تخوفني في الدنيا انو نفقد شخص عزيز على قلبي هو موتو راح يقتلني مي الحاجة الي تقتلني و عارفتها بلي راح تكسرني تاع الصح هو كون نفقد شخص مي ماشي بالموت معنتها ناس يدخلو في الخط و نحس انهم رايحين يدوهولي و الله هاذي الحاجة تقتلني . و الحاجة الي تخليني نتفكر انو عشت صغر مليح هو اللعب بالبوبيات كنا نخرجو قدام الدار و كل وحدا تجيب قشها تحسب رانا حالين مارشي قدام الدار يمات والله هايلين

elmouja · 2012-06-27, 15:16

être séparé d'un proche , parce que j'ai déjà perdue mon pere et un petit cousin que je cheri beacoup

Rose19 · 2012-06-27, 18:14

بالنسبة للسؤال 1: لاشيئ يخيفني في هذه الدنيا لانها فانية ,ما يخيفني حقا هو انني لم اعمل لاخرتي.
بالنسبة للسؤال 2:
تمرغت ف التراب و كليتو
شبعت خباطي . بكل الوسائل
كي تحكم 5 دج تحس روحك مرفه
بكيت على اغنية ريمي
ستنيت قراندايزر على 5 تاع عشية و ماشي غير قرنديزر الرسوم أكل (و القائمة طويلة)
حفظت جدول الضرب من الكراس تاع 64 صفحة لي فيه سردوك ملور
هذو أكل زيدي:
عياط تاع امي الله يرحمها باه نشريلها و انا نحب نلعب بزاف.
الخرجات سبيسيال مع عماتي لاخطرش انا البنت الكبرى.
اللعب ثم اللعب ثم اللعب لعبت كلشششش

SOUSOU. DZ · 2012-06-27, 19:57

اقتباس:

المشاركة الأصلية كتبت بواسطة soso sirin

هذا وين شفت الموضوع اسماء.اكثر حاجة تخوفني في الدنيا انو نفقد شخص عزيز على قلبي هو موتو راح يقتلني مي الحاجة الي تقتلني و عارفتها بلي راح تكسرني تاع الصح هو كون نفقد شخص مي ماشي بالموت معنتها ناس يدخلو في الخط و نحس انهم رايحين يدوهولي و الله هاذي الحاجة تقتلني . و الحاجة الي تخليني نتفكر انو عشت صغر مليح هو اللعب بالبوبيات كنا نخرجو قدام الدار و كل وحدا تجيب قشها تحسب رانا حالين مارشي قدام الدار يمات والله هايلين

مرحبا بيك يالالة لوكان قتيلي راني جاية لوكان طيبتلك كاش حاجة مرة اخرى ان شاء الله

والله عندك الحق مائة بالمئة ماعندي واش نزيد على كلامك صعيبة بزاف كي يدخلو ناس بين زوج حباب

ههههههههههههههههههههه ياحصراه لعبنا حتى شبعنا بالبوبيات ولماعين كي نولو نطيبو تقولشي علينا نساوين تاع الصح والله ايامات روووووووووووووعة لوكان غير يرجعو
شكرا على مرورك اختي بارك الله فيك

2012-06-27, 20:10

السلام عليكم
أكيد
فقدان العزيز وقد جربتها وكانت لحات ومازالت مؤلمة
المرض
اللهم امنحنا الصحة هي السعادة في نظري
إذا ما توفرت يهون كل شيء صدقيني
أما ما ذكرته في الأخير صراحة أعجبني كثيرا
أضيف شيئا من علامات الطفولة هو:
فرحة العيد وبالملابس التي كنا نشتريها
وكل واحد يتشوق لرؤية ما سيرتديه ابن الجيران ذاك اليوم
لحظات رائعة
تحياتي

SOUSOU. DZ · 2012-06-27, 20:12

اقتباس:

المشاركة الأصلية كتبت بواسطة elmouja

être séparé d'un proche , parce que j'ai déjà perdue mon pere et un petit cousin que je cheri beacoup

انا الله انا اليه راجعون والله غير صعيبة تفقدي واحد عزيز عليك مي واش نديرو هدي هي الدنيا
شكرا اختي على مرورك جزاك الله كل خير

سعاذ · 2012-06-27, 20:19

سلام عليكم
اسماء نشاء الله تكوني مليحة
سؤال الاول صعيب مانقدرش نجاوب عليه
والثاني لوكان نكمل راني مانسكتش
كيف تعرف انك عشت صغر رائع
شبعت خباطي . بكل الوسائل
كانت يما تضربنا بتيوا و تعطيلنا نخبيوها وكي جي تضربنا حنايا لي نجيبوهولها
كان بابا يعطيلنا 5 دج باش نركبوا البيس نجيو على رجلينا ونشريوهم اكرام
ستنيت قراندايزر على 5 تاع عشية
ونجي من لقرا نجري باش نتفرج بوكيمون
ونوجد روحي بكري باش نتفرج سندريلا على السبعة
حفظت جدول الضرب من الكراس تاع 64 صفحة لي فيه سردوك ملور هههه
كنت مدايرا الرعب في لي يقراو معايا كي لبنات كي ذراري لي يغلط يسلك ساك
وكي نديو العطلة نحكموا كاراريسنا ونديرو طيارات
وجامي شريت بوبيا ديما نخدمها و يما تخيطلها القش

SOUSOU. DZ · 2012-06-27, 20:20

اقتباس:

المشاركة الأصلية كتبت بواسطة ع/ش

السلام عليكم
أكيد
فقدان العزيز وقد جربتها وكانت لحات ومازالت مؤلمة
المرض
اللهم امنحنا الصحة هي السعادة في نظري
إذا ما توفرت يهون كل شيء صدقيني
أما ما ذكرته في الأخير صراحة أعجبني كثيرا
أضيف شيئا من علامات الطفولة هو:
فرحة العيد وبالملابس التي كنا نشتريها
وكل واحد يتشوق لرؤية ما سيرتديه ابن الجيران ذاك اليوم
لحظات رائعة
تحياتي

وعليكم السلام اهلا استادنا نورت

صح والله كلنا جربناها انا اتفقدت عمتي الله يرحمها والله كانت اعز مالديا طبعا بعد والدايا ربي يخليهملي

اللهم ماامين والله غير عندك الحق الصحة هي كل شيء فكرتني في دعاء ماني ديما تقولو ** ياربي اعطينا صحاحينا وعينينا ** هو دعاء مليح مي يضحكني

ههههههههههههههه صح نسيتها كنا كامل نديروها وحتى الأن اخي واختي صغار مزالهم هكدا في ليلة العيد يهبول ماما بقشهم جدد ويخبوهم ويرقدوهم معاهم تقولشي عليهم شارين كاش حاجة كبير حتى بابا قالهم نتوما لي يشوفكم ديرو هكدا على لبسة ديالكم يقولو باباهم عمرهم مايشريلهم البسة غير نهار العيد مع انو كل اسبوع لبسة جديدة

شكرا على زيارتك للموضوع وعلى طرحك جزاك الله كل خير