الهاتف النقال هل هو ضروري للبنات

[الجليس الصلح]

قد نرى في عالمنا هذا أن الجميع يجري وراء الموضه وبالأخص البنات ......


ونرى أن من مجريات الموضه ان تمتلك الفتاة هاتف نقال .... وخصوصا ً إذا كانت في


الجامعه ... فلماذا ؟؟ هل النقال مهم وضروري للفتاة ؟؟؟؟ أم انه التقليد لبعضهم البعض


والجري وراء المظاهر ؟؟؟؟


إذا كان للهاتف النقال فوائد ..... فهل فوائده أكثر من سلبياته ...


وهل يحتاج الى مراقبة الأهل لهواتف بناتهم؟؟؟ أم تركهم على راحتهم ؟؟؟


هل سن وعمرالفتاة يؤثر على أمتلاكها للهاتف النقال ؟؟؟


هل يسيء الهاتف النقال لسمعة البنت وخصوصا ً إذا شوهدت في أكثر الاحيان تتحدث فيه ....

[مريم الصابرة]

السلام عليكم خويا صحا فطورك
على السلامة خويا
شوف فالحقيقة الوقت الحالي الهاتف رجع ضررة لكن بالنسبة للبنات كل وحدة وتغكيرها هو مليح وما راهش مليح في حالات الرمض والسفر هو مليح لكن والله لو نرجعو للصح كنا مرتاحين زمان بلا بيه قد ما التكنلوجيا راهي تزيد رانا نفسدو اكثر
بالمسبة ليا عادي نتخلى عليه ونولي كي زمان ومرات بزاف نبقى بلا بيه نبيعو وعادي بزاف ما نتقلقش خلاص وراني نخمم ضرك نبيعو عادي واكيد لو نتزوج محال نكسب تلفون لانو يجيب المشاكل والناس ما تخافش ربي ممكن واحد يعلط وبلعاني يقولو نعرفها يا ويلي ما نتخيلهاش ما نحتاجش تلقون ههههه السيد باه نتزوج بالسيف ونزيد ندير تلفون محال خويا شكرا

[soso sirin]

انا بالنسبة ليا رجع من الظروريات انا وحدا مقلقة واحد يطول شوية نعيط نشوف وين راه و حتا انا اذا طولت على الوقت تاعي على جال النقل مكانش نعيط و لا يعيطولي في الدار .مي انا وحدا ذرية تموت و مانديرولهاش و اذا كانت مفقفقة بلاك ندير عليها كونترول مع انو الطفلة كي تبغي دير حاجة ماشي نيشان ديرها و بلا ماتفيقلها .مي انا وحدا من الناس مانبغي حتا واحد يدور بالبورطابل تاعي سوغتو ماشي قدامي ماشي لانو كاش مادايرا فيه بالعكس انا دايمن قايساتو مي متاكدة انو مكانش الي يتوشيه الي يبغي يشوف فيه حاجة يجي و يقابلني مي باه يقلبو بلا مانشوفو انا مانقبلهاش و حتا و يكون خويا الكبير الصح حنا في الدار دايرين فينا ثقة مي دايمن مورانا بالنصائح و هذا من حقهم علينا .اما الطفلة الي تظل حاكمة البورطابل تحسب عندها ليزافار انا طفلة و تقلقني سوغتو اذا كان24 ساعة على 24 ساعة.مي والله عندو فايدة و باه الواحد يريح من تكسار الراس تاعو مايرفدتش على الارقام اجدد و اذا سمطوها تمد النوميغو لخوها و هي فرات

[mimi katy]

احيانا يضيعلي وقتي لكن و الحمد لله عندي هاتف بسيط استغله عند الضرورة

[آلاء النايلية]

في وقتنا مهم و نحتاجوه كيما انتم تحتاجوه
المشكل في الشخص لي يستعملو ...
على كل مراقبة الآباء لبناتهم ضرورية ... منحرموهمش من التيليفون ... النت . ..الخ بالصح نراقبوهم و نخوفوهم من الوقوع في الخطأ بالمعاقبة بلا ما نزيرو عليهم

[غـاني]

ada howa li khala bnat lfamilia yen9ardouuu

[sarl02]

لكل تكنولوجيا محاسن ومساوئ ....والمهم هو كيفية الاستغلال الي تتوقف على الفرد نفسه سواء مراة او رجل ..والهاتف ممكن ما خسرش بنات كيما خسر رجال وبولادهم اونبلوس يعني المشكل ليس في ضرورة المحمول للبنت او الولد المشكل في غرض وكيفية استعماله من قبل الشعب الهم هذا.

[aminahassiba]

عندي 2 او ثلاث خطوط

[moonlight19]

portable mechi mlih w les negatives ta3o plus que les positives
ykoun ahyanan darouri lakin mich daymen nehtajoh
biensure les filles li yahedro fi trig b lportable haja mich mliha lihom
rabi yostorna

[faty05]

بالنسبة لي ضروري عند الحاجة نعم
و عندي خط واحد منذ 7 سنوات
و الحمد لله ابدا ما قلقوني و نستعملو مع العايلة و في العمل

[كوثر1984]

هذي جديدة حتى الهاتف اصبح فيه فتوة خطرا الجاية قولو حرام البنت تشري بورتابل

[ايمان نور الجزائر]

الهاتف عندي حاجة ضرورية في الحياة ...لا يمكن الاستغناء عنه
ذلك للحاجة اليه في اغلب الامور المتعلقة بالحياة
منها امور عملية وعائلية....
لكن بالنسبة للبنات في السيام والثانوية ما عندهم حاجة بيه وان توفر لابد من الرقابة الابوية

[حضنية28]

الهاتف حاجة ضرورية لدى الفتاة خصوصا في هدا الزمن وخصوصا الفتاة لما تكون تدرس بجامعة بعيدة

[الجليس الصلح]

شكرا على مروركم ومشاركتكم الفعالة عموما لسنا ضد المرأة في كسب هاتف وانما يجب ان يعطى لمن تستحقه ابتداء من مستوى الثانوي فلا يمكن تسليمه لبنات صغار

[الفتاة الزرقاء]

سلام عليكم
صحا فطوركم
موضوع رائع مشكور اخي الكريم انا من راي انو برتابل ضروري للبنت الجامعيه لبعيدة على دارهم مشي لبنات سيام وليسي بشرط تستخدموا بطريقة مليحة اما بخصوص سؤالك لازم طبعا مراقبة اهل لبناتهم للان الانسان بطعه يخطئه ولازم حرص على ابناء مشي نسيانهم ويخلوهم واش يحبوا يديروا لانو في مرحلة مراهقة يحتاجوا للتوجية في كل لحظة بدون غفلة اما بخصوص استخدامو في شارع فاانا في نظري عادي اد كان في حاجة مليحة طبعا