مساعدة من فضلكن

sama nano · 2016-05-12, 09:06

وشكون تعرف مقادير هاذ الكيكة

om obaida · 2016-05-12, 09:13

اختي الفاضلة انا نضن انو الكيكة انتي واش مالفة تعملي المهم التزيين وهذي لكيكة عندي وحدة تشبهلها جينواز عادي فقط لعجينة فيها الكاكاو يعني جي سوداء ونشاء الله يفيدوك الاخوات ونستفاد انا قانة معاك

محتاجة لعفو الله · 2016-05-12, 09:20

السلام عليكم و رحمة الله و بركاته
هادي الكيكة عبارة عن جينواز و مزينة من الفوق و كل وحدة و طريقة تزييينها و الجينواز اللي معتمدتها المهم الأساس هو الجينواز و الباقي تزيين بالكريمات و الشكولا .

هاكي وصفة الكيكة من مدونة أم رامي

نحضر جينواز ب 6 بيضات + كاس سكر + كاس فرينة + نص كاس نشاء + فاني وخميرة كيميائية + نص فنجان زيت
نخفق البياض مع نصف كمية السكر
ونخفق الصفار مع النص الثاني للسكر ونضيف الزيت ونواصل الخفق + الفاني
ثم نضيف النشاء ونخلط المزيج مليح الصفار + البياض
ثم نقسم الخليط على اثنين
الجزء الاول نضيف اليه 3 ملاعق كبيرة فرينة + نص كيس خميرة كيميائية ونطهيه
ولما يطيب نضيف للجزء الثاني ملعقتين كبيرتين فرينة + ملعقة كبيرة كاكاو + نص كيس خميرة كيميائية ونطهيه
نقسم كل جينواز على اثنين ونشربهم بمربى مخفف بعصير برتقال
ثم نحضر كريم شانتي وحدها ومربى + شكولا مذوبين وحدهم
نبدا كل قرصة بيضاء ندهنها بالشانتيي ونتاع الكاكاو ندهنها بالمربى والشكولا ونحطهم فوق بعضهم بالتناوب حتى نخلص
نخلط شكولا مع علبة ياورت ذوق شكولا ونغطي الكيكة ونزينها بالكريم شانتي والسيقار

sama nano · 2016-05-12, 12:03

محتاجة لعفو ربها اشكرك كثيراً على الوصفة الله يعطيك ما تتمناي و يعفو عليك دنيا و اخرة

sama nano · 2016-05-12, 12:05

اقتباس:

المشاركة الأصلية كتبت بواسطة om obaida

اختي الفاضلة انا نضن انو الكيكة انتي واش مالفة تعملي المهم التزيين وهذي لكيكة عندي وحدة تشبهلها جينواز عادي فقط لعجينة فيها الكاكاو يعني جي سوداء ونشاء الله يفيدوك الاخوات ونستفاد انا قانة معاك

شكرا اختي على التوضيح الله يعطيك الصحة

محتاجة لعفو الله · 2016-05-12, 18:05

اقتباس:

المشاركة الأصلية كتبت بواسطة sama nano

محتاجة لعفو ربها اشكرك كثيراً على الوصفة الله يعطيك ما تتمناي و يعفو عليك دنيا و اخرة

لا شكر على واجب اختي آمين و اياك .