الى من يهمه الامر بيتزا جد سهلة اقتصادية وسريعة

[هبة الرحمان انشراح]

كنت من قبل نعمل بيتزا كذلك ناجحة وجيدة لكن السر فيها كان الدلييييك والتخمار وتدي الجهد والوقت ثم......لقيت وصفة رااااائعة اللي هي
المقادير
كاس حليب دافئ+كاس ماء دافئ+كاس زيت +ملعقة كبيرة خمارة+ملعقة صغيرة ملح +ملعقة صغيرة سكر خلطيهم امليح ثم اضيفي الفرينة بالتدريج حتى تتلم العجينة وتكون طرية خليها بجيه وابداي في تحضير الدرسة
لصوص
2 حبات جزر متوسطين مرابيين و2 راس بصل وسنتين ثوم وحبة طماطم كبيرة وملعقة ماشي معمرة طماطم مصبرة وحشاوش طيبي الكل جيدا ثم خلطيهم في ميكسور (ليس ضروري) اضيفيلهم بيضة وزيت زيتون
الطريقة
نشكل من العجين اربع كرات ونبسط بالوحدة رقيقة انحطها في الفور مدة 10 دقائق ثم انخرجها وانضيفلها الصوص وانرجعها للفور 05 دقائق على درجة 200 والباقي كل وحدة وامكانياتها فرماج طن ماييس كيما تحب ماتنساوش طبعا الزيتون الاسود