الخيال والواقع

مريم الصابرة · 2012-08-11, 23:34

..........................

morad81 · 2012-08-11, 23:58

شكرا صح فطورك ...ما كان علاه تروحي بعيد ههههههههههه.

صحيح أختي مريم كيمايقولو اللي ما شرى يتنزه .......و اللي طلب ربي يطلب الفردوس ...علابيها اللي يحلم يحلم بحاجة ما يقدرش يوصلها ....ماكان علاه يغبن روحو حتى في الأحلام

آلاء النايلية · 2012-08-12, 00:08

هههه عجبتني تاع البقوليات هههه
اذا ركي على الامنيات الدنيوية يا حسراه لا تحصى
باختصار معيشة الأغنياء تاع المسلسلات .. وخااااااااااااااااصة هاذوك لي كي تنفحلهم ياكلو وللا يشربو حاجة يلقاوها في الفريجيدار واجدة
وحاجة اخرى انا نشتي التحواس بالصح منشتيش الخطرة .. وعليه..ههه.. نتمنى تكون طيارة خفيفة توصلني وين نحب بلا ما تدي وقت

.........
بالصح لي راني حابتها هاذ ليامات نسمن شوي برك نزيد 5 كيلو برك
...
والحمدلله
صدقيني مريومتي مكاش خير من الصحه و العافية و الهنا
يلعن بوها دراهم مقابل الصحه و الهنا ... شوفي الواحد تدخلو في صبعو شوكة برك وش يصير فيه
يا رب اعطينا الصحه و العافية و الهنا

الواثق · 2012-08-12, 00:42

السلام عليكم

راني نتخيل في في رجوع هيبة الاسلام ................وياترى من يفتح القدس ؟؟؟.....................وياترى هل سنشهد لمعركة حسم مع الغرب الذي استباح كل شيء عندنا حتى انه استولى على عقولنا ؟؟؟.....................راني نتخيل نمشي في الشارع مكانش التبرج ................. المدارس والجامعات ليست مختلطة ...............المرأة محترمة ومصونة في عملها ودراستها وكذلك الرجل ...................مساجد مملوءة بالمصلين ......................العدل في كل شيء ..................وووووو..................والله المستعان

بلاك راني دايخ بيا الصيام والخدمة ................على الاقل نتخيلو خير من مكانش

تقبل الله منا ومنكم الصيام والقيام

آلاء النايلية · 2012-08-12, 01:44

اقتباس:

المشاركة الأصلية كتبت بواسطة الواثق

السلام عليكم

راني نتخيل في في رجوع هيبة الاسلام ................وياترى من يفتح القدس ؟؟؟.....................وياترى هل سنشهد لمعركة حسم مع الغرب الذي استباح كل شيء عندنا حتى انه استولى على عقولنا ؟؟؟.....................راني نتخيل نمشي في الشارع مكانش التبرج ................. المدارس والجامعات ليست مختلطة ...............المرأة محترمة ومصونة في عملها ودراستها وكذلك الرجل ...................مساجد مملوءة بالمصلين ......................العدل في كل شيء ..................وووووو..................والله المستعان

بلاك راني دايخ بيا الصيام والخدمة ................على الاقل نتخيلو خير من مكانش

تقبل الله منا ومنكم الصيام والقيام

ان شالله يصير وش قلت

.......................
اين ردي من ردك ..... احرااااج

SOUSOU. DZ · 2012-08-12, 01:52

اقتباس:

المشاركة الأصلية كتبت بواسطة الواثق

السلام عليكم

راني نتخيل في في رجوع هيبة الاسلام ................وياترى من يفتح القدس ؟؟؟.....................وياترى هل سنشهد لمعركة حسم مع الغرب الذي استباح كل شيء عندنا حتى انه استولى على عقولنا ؟؟؟.....................راني نتخيل نمشي في الشارع مكانش التبرج ................. المدارس والجامعات ليست مختلطة ...............المرأة محترمة ومصونة في عملها ودراستها وكذلك الرجل ...................مساجد مملوءة بالمصلين ......................العدل في كل شيء ..................وووووو..................والله المستعان

بلاك راني دايخ بيا الصيام والخدمة ................على الاقل نتخيلو خير من مكانش

تقبل الله منا ومنكم الصيام والقيام

زعما يتحقق ادا يتحقق ............................ مام انا هدا هو خيالي اختي ليليا

SOUSOU. DZ · 2012-08-12, 01:54

اقتباس:

المشاركة الأصلية كتبت بواسطة آلاء النايلية

ان شالله يصير وش قلت

.......................
اين ردي من ردك ..... احرااااج

سلام اختي الاء يعجبوني بزاف بردودك خاصة كي تينيهم بي ايقونات منين تجيبيهم .............. قرعاجة

الواثق · 2012-08-12, 01:54

اقتباس:

المشاركة الأصلية كتبت بواسطة آلاء النايلية

ان شالله يصير وش قلت

.......................
اين ردي من ردك ..... احرااااج

حقيقة نحن نريد العزة لديننا وللمسلمين حتى نعرف معنى السعادة حتىالواحد اذا اكل من ثلاجة مملوءة يأكل وقلبه مطمأن ان ليس له اخ جائع ..............يسعد بالامن والامان ويعلم ان اخوته في كل مكان امنين ..................ووووو........................... والله مرات نشوفو صور للمسلمين نكره حتى الاكل والشرب .....................واكيد تشاركينني في هذا .............ولكن الحمد لله هناك اشياء مفرحة من انتشار هذا الدين رغم كيد الكائدين والشيء الذي يسعدني اننا نحن المسلمون لنا قضية وهدف نعيش من اجله ولسنا كالغرب المتشدق بالتطور لكن لايعرف معنى الحياة ولما الحياة .............

والله المستعان

اللؤلؤة مريم · 2012-08-12, 01:57

أهلا يا لولي ،أنا أتخيل كثيرا .
أتخيل أنهم كرموني في دراستي ؛أتخيل نفسي إمرأة ناجحة من كل النواحي و أني سآخذ والدايا إلى الحج و إن شاء الله سيصبح كل هذا الخيال واقعا

آلاء النايلية · 2012-08-12, 02:17

اقتباس:

المشاركة الأصلية كتبت بواسطة SOUSOU. DZ

سلام اختي الاء يعجبوني بزاف بردودك خاصة كي تينيهم بي ايقونات منين تجيبيهم .............. قرعاجة

هاذ القرودة تاوعي وحدي
معليش جيتي حبيبتي هاكي بالصح اتهلايلي فيهم
https://mre7.com/smile/o/index.php?page=1
https://mre7.com/smile/

amouna 23 · 2012-08-12, 02:24

ان شاء الله كلكم تتحقق امنياتكم

أنا أمنيتي نرضي ربي و والديا و و نكون ناجحة في قرايتي و نشوف سعادة في وجه اخواتي و قريباتي و صحباتي و نكون قادرة باه نعمل اي حاجة نساعد باها الناس و أنا نحب السفر و حابة نكمل حياتي في دولة من دول المتحضرة و نحب نروح للحج و ندي والديا معايا و الاحلام لا تنتهي كل يوم جديد تولد معاه احلام جديدة

و شكرا مريم الصابرة و صحا بعد السحور

سفير الأيام · 2012-08-12, 02:37

والله بارك الله فيك اختي مريم وربي يحفظك

هاد الشي صح كي الطفل كي الطفلة

وبزاف تلقيها عند الشخص المحروم في صغره ووين نظرة الناس قاسية على الظروف ديالهم

اول شيء يقولك نقرا نزير روحي وندير وندير نبين بلي كامل الكبار طلعوووا من الصفر

بصح غير تولي تخدمي وتبحثي تحقي الأحلام ديالك تلقي روحك متناقضة مع نفسك سيرتوووا الوقت ديالنا كل دورو عنده بلاصته وباه تجيبواااا يليقلك وتحجره هاديك الغبينة على حساب الخلصة ديال الشخص

مثال انا قلت نخدم نلم تشيبة مليحة ندير سكنة ونحوس على بنت الحلال ممبعد ربي يسهلنا في لوطوووا وحدها تجي

وولادي ما نغبنهمش مستقبلا يليق نخمم في صغري نوجدلهم نصيب يلقوه وقت الحزة

بصح اختي كامل كانووا احلام على جال البداية صعيبة وين تلمي الدوروااا ديال السكنة التالية ب 280 مليون يليق نحرم والديا ونحرم نفسي من كلشي في هاد الدنيا

ونلحق جوايه ال42 باه نجم نديرها ونتزوج بصح غدوة ولادي كي تكون عندي 60 شحال يكون عندهم والله صعيبة الحالة

على هادي بدلت العقلية غير الحمد لله وجدت حوايجي كامل ونصيب داسه واش ضرك الزوجة صعيبة خطراتش تفكر تديها خدامة تعاونك في هم الدنيا بصح مشاكل بزاف يليق بسيف عليك تسمح في حوايج من عندك خطراتش تدخل ما تلقاهاش وحتى الفطور تولي تضرب كاسكروط واش من بنة الزواج ولا ولدك صغير يتربى بين زوج بيوت والولد إلى تربى بين زوج بيوت واش من عقلية تولي عنده

تقول نديها بلى خدمة المرأة اللي قاعدة في الدار ما تكونش حاسة بمصروف الدنيا والزوج كي راه يدير باه يلقط داك الدورو

تعرف غير جيب وجيب بلا ما تحسن عونك تقول بنك البركة هي اللي يهمها غير الجار ولا الراجل أخر واش دار وشراااا لزوجته ياك تحفها بصح باه دخللها عقلية كل واحد يكسل رجليه على حساب حصيرته يليقلك اختي صعيبة بزاف

انــــا الحاجة التالية اللي دايرها في بالي

ما نتقلق ما والوووا اللي فيها الخير ربي يجيبها

المهم نصيب نخبيه والدار عند الوالدين واجدة وفيها كلشي

خاص زوجة خدااامة نعيشووا باللي كتبه ربي شي نصرفوه وشي نلموه ونواجهووا هم الدنيا
واللوووطوا ماشي حاجة بعيدة هي التالية
لوكان تديرها قبل الزواااج ماهيش رزق اليوم عندك غدوة تدخل بيها في شجرة وتولي للصفر من جديد

ربي يسترك عندي ما فرغت

السي محمد · 2012-08-12, 11:33

اييييييييييييييييييييييييييييييييه احلامي كبيرة جدا جدا جدا جدا

ابسطها

حُلم اتمنى ان يتحقق

ان يقوم الاساتذة و المعلمون باضراب

و لكن ليس من أجل الخلصة و الخدمات الاجتماعية

أضراب عن تدريس برنامج فاشل لابناء الجزائر

تخيّلو الاستذة عندنا يوصلو لوحد الدرجة من النُضج ةالفكري و السياسي و الديني

يفكرو في إصلاح المنظمة التربوية

إضراب من اجل اقالة الوزير

و استبداله بشخص يتم تعيينه من الاسرة التربية

تخيّلو الطلبات في الجامعات يدرو اضراب على الدراسة بسبب الاختلاط و يطالبن بفصلهم عن الطلبة الذكور

تخيّلو الطلبة يديرو مظاهرات من اجل ادراج مادة الشريعة و التاريخ الجزائري و الاسلامي في المناهج الجامعية

تخيّلو ان اسأل فتاة جزائرية صغيرة مادا تحملين ان تكوني في المستقبل

فتقول اريد ان اكون اُم لصلاح الدين الجزائري و و أسئل فتاة اخرى تقول اريد ان اكون اُم لبن باديس جديد

بدل شيخة و ممرضة و مهندسة و محامية و شرطية و دركية

تخّيلو الاساتذة الجامعيون يتوقفون عن التدريس لغاية اقرار التوقف عن التدريس لمدة 20 دجقيقة لصلاة الظُهر

تخيّلو يكون عندنا جيش إسلامي جزائري يمنع دخول من لا يحفظ 5 أحزاب

و كل رتبة اعلى يحفظ حزبين فوق الرتبة الدُنيا و الضباط يلزمهم تكوين ديني زيادة على التكوين العسكري

تخيّلو شوارعنا نظيفة و شواطنا طاهرة و مساجدنا عامرة و قلوبنا صافية

تخيلو بنات الجزائر كلهن محجبات و متجلببات و متخلقات

تخيلو شباب الجزائر كله مثقف وواعي و ملتزم و عامل و مُنتج و نافع لبلاده و اُمته

تخيلو جيوش المسلمين تدحر اليهود و تشكل حلف إسلامي عسكري قوي

تخيّلو المسلمين من الصين و السنغال يصلون الجمعة و التراويح في الاقصى

خيالي واسع جدا

و الواقع مُؤلم جدا

الحاج بالدليل · 2012-08-12, 11:51

أختي مريم شكرا على الموضوع
في وضعنا الحالي الناس كلهم يشتكون ويبكون الفقير يبكي وهو في ضيق والغني يبكي ويشعر أنه محتاج والمسؤول تراوده أفكار صعود الرتب
والشاب لم يجد مناخا يقومه إلى الرشاد .. والشارع لايرحم وهذا بسبب تخلينا عن ديننا الحنيف الذي خطط لنا كيف نحلم وكيف نحقق أحلامنا دون طمع أو حقد أو عدوانية
فلم نعد نحلم إلا أحلاما مفروضة علينا ولم نعد نتخيل لنبدع في مختلف المجالات ونطور فكرنا بغرض تقديم خدمة لأمتنا وديننا
ومع فهناك فئة قليلة تعمل وتنتج ونبقى نحن نحلم ونتخيل ممددين وإن وقفنا نترنح
وإن الحلم مشروع وعليك أن تحلم ماتشاء فما علينا إلا أن نحقق أحلامنا بجاهزية وفاعلية ولانتحجج

مريم الصابرة · 2012-08-12, 12:54

اقتباس:

المشاركة الأصلية كتبت بواسطة morad81

شكرا صح فطورك ...ما كان علاه تروحي بعيد ههههههههههه.

صحيح أختي مريم كيمايقولو اللي ما شرى يتنزه .......و اللي طلب ربي يطلب الفردوس ...علابيها اللي يحلم يحلم بحاجة ما يقدرش يوصلها ....ماكان علاه يغبن روحو حتى في الأحلام

السلام عليكم اخي
لازم نروح بعيد خويا خليني نشري مليت من التنزه رجليا طارو من كثرة التنزه بزاف
شكرا صحا فطورك