المحنّشة من دورة تعليم الحلويات _ تفضلوا

[الواثقة بالله 23]

السلام عليكم و رحمة الله تعالى و بركاته

أول حاجة توحشتكم عندي مدّة مزرتش قسم الطبخ و الحلويات

و تاني حاجة هادي محنشة كنت قريتها في دورة تعليم الحلويات و عملتها في الدار جاتني تهبل لكن أنا مزينتهاش لذلك رح نحط الصور تاع الدورة

باسم الله الرحمان الرحيم

المقادير : 1 كغ لوزمرحي بالقشور (ممكن 100 غ بستاش و 100 غ جوز و 100 غ بندق و 100 غ بينيون ) +300 غ سكر أرطب + ملعقة صغيرة قرفة و أخرى فاني + ملعقة ماء زهر +50 غ زبدة ذايبة و باردة ----هذا هو الحشو

+ 2 باكيات ورق ملسوقة ( لي يتباع في المحلات مش تاع الدار)

نحطو ورقة بحدا لخرى بحيث يكونو الجوانب فوق بعض يعني نحطو ورقة بجانبها ورقة اخرى لكن لاسقة فيها على جنب و نلسقو الجوانب ببيضة مخفوقة بواسطة البانسو " البيض ندهنو بيه فوق الورقة الاولى و نحطو جانب الورقة الثانية و نزيدو ندهنو بالبيض

الجوانب ندهنوهم بالبيض لكن الورقة كاملة ندهنوها بالزبدة ذايبة و باردة

نضع الآن الحشو على شكل حربوش طويل على طول الورقات لي عندنا و على قد ما نحبو المحنشة كبيرة نعملو ورقات ياسر لاسقين مع بعض

بعد ما نضع الحشو نبرمو عدة مرات الورق على اللوز و من بعد نلف هداك الحربوش باه تكون عندنا شكل محنشة و باه ميتحلش كي يطيب نلسقو الأطراف بالكيردون عدّة مرات

هادي المحنشة رقم واحد تكون شوية كبيرة بما انو استعملنا فيها ورق ياسر
بنفس الخطوات نعملو محنشة اخرى لكن أصغر من هادي يعني نستعملو ورق أقل و ندهنوهم في زوز بالزبدة من فوق
ندهن البلاتو تاع الفرن بالزبدة مليييييييح وندخلوهم يطيبو على نار سخونة شوية
عسل المرجان سخون كي تطيب سقيها بيه ثم حطي المحنشة الكبيرة من تحت و المحنشة الصغيرة فوقها " يكونو مسقيين في زوز بالعسل "

اعملي وردات بعجينة اللوز و لسقيهم على الجوانب و زيني بالدراجي فضي اللون " خليها تبرد باه لسقي الوردات باه ميدوبوش"

شكلها جميل و طعمها هباااااااال جربوها مش رح تندمو