أمثال شعبية جزائرية تستعملها الكنات و العجايز حتى يغيضو بعضهم

[أاسماء يبدة]

السلام عليكم و رحمة الله وبركاته اتيت لكم اليوم ببعض الأمثال الشعبية الجزائرية التي تعتبر اسلحة دمار شامل تستعملها الكنات و العجايز في الحرب العالمية المشتعلة منذ دخول الكنة إلى البيت
العجوز و هي تستفز الكنة بينما تقوم الأخيرة بشغل البيت
( الله لا يخليني لليدين الله يخليني غابة و الناس حطابة ) طبعا ما فهمتو شيء سأشرح العجوز تقول أدعو الله ان أبقى بصحتي و اقوم انا بشغل بيتي و أساعد الناس مع ان الكنة هي التي تقوم بالشغل

نجحت العجوز في استفزاز الكنة و سترد
( باينة الشقة على حواشيها ) الكنة تقول واضح جدا
العجوز ترد
( أضحك يا فمي على همي ) ههههه العجوز تشكي همها من كنتها
الكنة صح معاك حق (هم يبكي و هم يضحك) و تضحك و تقهقه هههههههههههههههههههههههه
العجوز
( يعزيك في راسك الضحك يضحك على الضحك و الضحك يضحك عليهم رحنا لدار المهابل حرنا شكون يدبر عليهم ) تتهمها بالجنون
بعد ماتخلص الكنة شغل البيت تتزين و تخرج لتغيض العجوز
العجوز ( خصك السواك يا معوجة الحناك) تقصد تقوللها انتي أصلا لا تصلحي للتزين
و تقابل العجوز مرآتها و تحاول تحسن مظهرها
الكنة ( سيدي مليح خصو الهوى و الريح ) يعني نفس معنى المثل السابق ( اللي فاتو وقتو مايطمع في وقت الغير)
العجوز ( الدنيا بالوجوه و الآخرة بالفعايل)
يدخل الزوج هلكان من الشغل ويلاقي المشاكل كل واحد تحكي روايتها و يقول جملة واحدة ( كي سيدي كي لالا) يعني وجهان لعملة واحدة وهي الإزعاج طبعا
و انا راح أعلق على الي حصل بين الكنة و العجوز بهذا المثل ( المسلوخة تضحك على المذبوحة و المقطعة شبعت عليهم ضحك )

[selsabil paradis]

موضوع رائع.وهذه الضاهرة منشوة في بلادنا كثيرا هههههههه

[أاسماء يبدة]

المشاركة الأصلية كتبت بواسطة selsabil paradis

موضوع رائع.وهذه الضاهرة منشوة في بلادنا كثيرا هههههههه

شكرا على طلتك نورت الموضوع / بالتأكيد هي موجودة بكثرة وليست في الجزائر فقط بل في جميع الدول العربية اتمنى ان تكون العجايز والكناين متفاهمين ولاداعي لهذه المشاكل .

[novateen]

هههههههه راكي جايبتها بلاك غير تكوني انت الكنة هههههههه
سيناريو شباب راكي كاتباته
هاكي مثل وحدلاخر
"الشيخ يصبح على الكنة"
العجوز تقولها كي الكنة ما تقولش صباح الخير لعجوزتها ههههههههه
لي عودة
مشكورة على الموضوع الرائع

[novateen]

كاين مثل آخر وهو
"البوسيار الجديد علق علق"
يعني الكنة كي تكون جديدة تبغي تبين حنة ايديها
ههههههههههه

[أاسماء يبدة]

المشاركة الأصلية كتبت بواسطة novateen

كاين مثل آخر وهو
"البوسيار الجديد علق علق"
يعني الكنة كي تكون جديدة تبغي تبين حنة ايديها
ههههههههههه

هههههههههههههههههههههههه انا مرانيش كنة بصح راكي فولتي عليا حنا باقيلنا 20 يوم ونجيبوا كنة مرت خويا بصح حنا مراناش حبين المشاكل درنلها دارها وحدها والله يسهل عليها انا اصلا ما نحوسش على لكنة شوفي قوليلي رايك انت مثلا انتي جبتي الكنة انت قبلها كنت تنقي دارك كنتي طيبي وحدك علاش كي جي الكنة ناس تحوس على المشاكل يبقاو يقولوا محبتش تقضي ياك انت بيها ولا بلا بيها كنت تقضي ولا لا انا يا ختي منحبش لروحي نروح عند عجوزة درلي هكذا على ذاك مراناش نحوسوا للكنتنا المشاكل كيما نحب لنفسي نحب للناس ولا لا حنونة ؟ بصح على حساب الشوفة انت راكي كنة ههههههههههههه

[novateen]

المشاركة الأصلية كتبت بواسطة أاسماء يبدة

هههههههههههههههههههههههه انا مرانيش كنة بصح راكي فولتي عليا حنا باقيلنا 20 يوم ونجيبوا كنة مرت خويا بصح حنا مراناش حبين المشاكل درنلها دارها وحدها والله يسهل عليها انا اصلا ما نحوسش على لكنة شوفي قوليلي رايك انت مثلا انتي جبتي الكنة انت قبلها كنت تنقي دارك كنتي طيبي وحدك علاش كي جي الكنة ناس تحوس على المشاكل يبقاو يقولوا محبتش تقضي ياك انت بيها ولا بلا بيها كنت تقضي ولا لا انا يا ختي منحبش لروحي نروح عند عجوزة درلي هكذا على ذاك مراناش نحوسوا للكنتنا المشاكل كيما نحب لنفسي نحب للناس ولا لا حنونة ؟ بصح على حساب الشوفة انت راكي كنة ههههههههههههه

ههههههههه عندك الحق حنا عندنا كنة بصح لوكان تشوفيها تحسبيها اختنا
أنا مازال ماوليتش كنة الله يستر ان شاء الله تكون عندي داري وحدي لا خاطرش انا ما نبغيش المشاكل

[#سيلا#]

ههههههههههههههههههههههههههه

ما ترعفيليش كاش وحايد صرات بيناتهم

حبيت نشوفها ونسمعها اون لاين