الحمد لله نجحت في مسابقة التعليم الثانوي

[aqua21]

السلام عليكم
انا الحمد لله نجحت في مسابقة التعليم الثانوي في ديسمبر 2010 و كانت المسابقة كتابية . وااله العظيم غير كانت الشفافية و نجحت بعون الله و كفائتي . وما نجحتش بالمعريفة خلاص . بصح فوتونا تكوين تاع 8 شهر و ميزرونا .
المهم العام هدا باين فيها الطرافيك علا خاطر رايحين يديروها شفاهية برك و رواح انت ونجح و زيد من الفوق طالبين شهاد الإقامة في كل ولاية و كاننا في 48 دولة . في الماريكان و ما صراتش. الله يكون في عونكم يا جماعة و ما تفقدوش الأمل بصح انا نقولكم لازم تطالبو يرجعو المسابقة كتابية وينحيو شهادة القمامة =الإقامة=
هاد البلاد ما فهمنا فيها والو مره يقولك لازمك ماستر ومرة ليسانس مرة شفهي و عام جاي كتابي مرة ديرو التكوين ومرة دز برك
الأمتحان الكتابي = الشفافية = النجاح = لقادر يعدي صغير ولا كبير .
علا بالكم احنا كي فوتنا الامتحان الكتابي كاين 150 ليسونسيي ما نجحوش و ما جابوش 10/20 كيفاه هدا يروح يقري الأولاد. احنا فوتنا في 260 نجحوا 100 برك في الكتابي و 15 من 100 في الشفاهي والصح كان في الكتابي عل حساب المعدل.
الأمتحان الشفهي = المعريفة = البيروقراطية= الرشوة = الضعيف ما ينجحش= بلاد ميكي

[Ouaf-Dz]

كلام صوااب

[sdj09faiz]

كم عدد الأيام الايام الخاصة بالتكوين في الأسبوع

[أمير جزائر الخالدات]

عندك الحق، هذه المرة ستكون كارثة كبرى
ربي يستر

[ilosa23]

الدنيا بالوجوه و المعارف

[mourad1411]

التلاعب والرشوة والمعريفة موجودة أيضا في المسابقات على أساس الإختبار..فكونك نجحت في الكتابي فهذا لا يعني بالضرورة أن تكون المسابقة نزيهة..فغيرك ممن لم ينجح يراها العكس..
والذي يزور في الامتحان الشفهي بامكانه التزوير في الكتابي..فالمشكلة ليست في الإمتحان بحد ذاته ..بل في الأشخاص الذين يشرفون عليه..
فدع الشباب يجربون حظهم..والأرزاق على الله..

[khaoula90]

ربي يوفق الجميع

[gana djamel]

يااخي انا اعرف وميل لي نجح في مسابقة التعليم المتوسط سبب نجاحه كان عن طريق شقيق له يعمل في مديرية التربية الذي قام بتزوير النقاط لصالحة علما انه كان ادنى القائمة ثم اصبح في الريادة
لحب يفوز يكثر المعارف خاوتي هذه هي القاعدة الله غالب

[yasmine24]

بالتوفيق للجميع

[khaled annaba]

لواحد يتوكل على ربي و خلاص

[kiwane24]

انا مهندس في الايكولوجي وراني شاركت مؤخرا في مسابقة اساتذة الثانوي
حبيت نسقسيكم على المقابلة الشفهية تاع 12 اوت واش يديرو فيها اذا كانت عندكم فكرة ياهل ترى يسالونا على طريقة التعليم ام عن المواد اللي درسناها فالجامعة
والله ما عرفت مين نبدا اذا عندكم فكرة اجيبوني وجزاكم الله كل خير

[زواوي22]

الله يهدي ما خلق

[sara_sara]

السلام عليكم

هادي راك غالط فيها انت بلاك زهرك جا هاك

انا 4 مرات و انا نفوت المسابقة و كل مرة نربح الكتابي و ما نقولش كل المرات اخذت معدلات جيدة تذبذب طبعا لكن في 2009 اخذت 15 وظفرت بالمركز 12 ربحت و نحاوني من القائمة عيني عينك

كان كاين 16 منصب

لما رحت هدرت معاهم قالك الله غالب ما ربحناش الأول بالأول و الثاني بالثاني درنا القرعة مابين 36

هادوك 36 اللي خرجو و تجي تقولي ان الكتابي شفافية

انا بالنسبة لي الشفهي خير

لاحاطر الكتابي بالمثل و احد خارج من 2005 نسى البرنامج

اسبوع و هو يراجع و يتعب تحسب باك من بعد يفوت يمومين قهر و بعيد على دارهم

مع التالي يقلك عظم الله اجرك

لا يااخي فوت الشفهي 10 د و روح لداركم بالسلامة و اذا حب الله تنجح تنجح

اخي الكريم احنا فوتنا باك و تعبنا و الجامعة تعب و قرينا باه نخرجو نريحو و نخدمو مشي يولو يلعبو بينا مثل الكلاب

ما يحس بالجمرة غير اللي كواته

على كل حال شكرا

[aqua21]

ااااااااااااااااا

[رقيوع]

المشاركة الأصلية كتبت بواسطة aqua21

ااااااااااااااااا

التلاعب والرشوة والمعريفة موجودة أيضا في المسابقات على أساس الإختبار..فكونك نجحت في الكتابي فهذا لا يعني بالضرورة أن تكون المسابقة نزيهة..فغيرك ممن لم ينجح يراها العكس..
والذي يزور في الامتحان الشفهي بامكانه التزوير في الكتابي..فالمشكلة ليست في الإمتحان بحد ذاته ..بل في الأشخاص الذين يشرفون عليه..
فدع الشباب يجربون حظهم..والأرزاق على الله.
خليها تفلسف على روحها دي نجح يقول نجحت بكفائتي والي ما نجحش يقول معريفة واحنا علابانا البير وغطاه
نقولك حاجة قاع النيفو نتاعنا كيفكيف يتسحل في لرض ما يش معناتو انتي نجحتي انك كفؤ خير من دي ما نجحش ولو كا جات لبلاد بالكفاء لو كان لولاد ام ما يعانيوش في المدرسة واله الشيوخة ما علبابالهم قدامهم منوراهم
سلام