فعلته التي ,,,

[مشكلتي]

السلام عليكم
هم منكم من يفهمني في الشي اللي حدث معي
,,,,,,,,,,,,,,,,,
يا ما جرا و حللني به نقبل بيه و انا كنت مترددة لانو اعلم ان اهلي ما يحبوش البراني لكن لم اخبره بذلك استخرت لعل فيه الخير وطمأننت له
و لانو جاء ابتغاءا للحلال و ما حب لا خرجات لا دخلات ,, كان غير يطلب يكلم والدي و هذا ما اعجبني فيه و زاد كبر في عينيا
استخرت كثيرا و اخبرت اهلي في الاول رفضو و ردة فعلهم ما استغربتهاش
بعد مدة استخرت ثم استخرت
و عاودت كلمتهم في الامر
من بعد وافقوا مبدئيا به يستقبلوه
لما اخبرته بموافقتهم استقباله فرح فرحا شديدا و بدا يوجد في امورو
بعد مدة
طلب مني ان اريه صورتي بلا حجاب (كما في بطاقة التعريف) فقط من باب الفضول و لكني رفضت رفضا قاطعا لانو حراااام حتى يجي للرؤية الشرعية ان شاء الله
من بعد
اختفى
تعرفو وش معناها اختفى
كان الارض ابتلعته
ذركا راها غايضتني عمري بزاااف ما فهمت كيفاه نخبر والديا بلي خلاااااص السيد لا اخبار عليه
و من جهة اخرى راني مصدومة و هل يعقل انو بسبب رفضي لامر صورة بلا حجاب ان يذهب هكذا حتى بدون ان يقول بطلت يا بنت لحلال ربي يجيبلك ما خير مني او عقليتك ما تساعدنش او ............... ملي رفضت طلبه رااااح بلا وداع
نضل نبكي
لما تعقد الامور لما تكون النية طيبة و يكون الهدف حلالا؟؟؟؟؟
ففي رايكم لماذا؟؟
و منين نجيب الشجاعة به نخير والديا بعد ما تعبت قبل ما نخبرهم برغبته في المجيء
راني فشلانة خلاااص و نفسيتي متدهورة و نظل نخمم بصح ما لقيبت سبب مقنع
راني رمضان كامل ندعي ربي يعوضني خير منو لاني رفضت الانسياق وراء فعل امر يغضب الله
هل عليا ان ابحث لافهم ما حدث فعلا او عليا المضي قدما في امري؟
راني نظل نوكل عليه ربي ما حملتش تقست بزااف
اسمحولي على طول الرسالة
و الحمد لله رب العالمين

[MaX32Dz]

من ترك شيئا لله عوضه خيرا منه
ربما هو خير لك الاخت
ظني بالله خيرا ستجدين خيرا
"انا عند ظن عبدي بي "
و باذن الله ستجدين آخرا احسن منه

[كبسولة الاحلام]

خذيها من عندي نصيحة كلش بالمكتوب وهذا باين يعرف الكثيرات وكان متردد ومعرفش وشكون تناسبو وزيد قلتيها صلاة الاستخارة التي عملتيها هي التي ابعدته نهائيا عنكي الا لان الامر فيه شر لكي يعني راح معناتو فيه شر لكي احمدي ربي لانو راح والقدر هو لي خلاه يروح وكثيرا ننصدم بردة فعل القدر عندما نعلق امالنا على شيء واحد ثم يختفي من حياتنا ونتالم الا لان فيه شر لنا وربي يعرف مصلحتنا اكثر من معرفتنا بانفسنا اسال الله لكي صبرا جميلا ودعوة خالصة من القلب ان ياتيك احسن الرجال على الاطلاق وان تقر عينكي في اقرب وقت اللهم ااامييييييييييييييييييييييييييييين لكي ولك اخواتي بالمنتدى

[عبدالله بولنوار]

قال الله تعالى‏:‏ ‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} ‏[‏الطلاق‏:‏ 2- 3‏]‏ قد روي عن أبي ذر عن النبي صلى الله عليه وسلم أنه قال "لو أخذ الناس كلهم بهذه الآية لكفتهم"‏‏


الشيئ الذي لم افهممه كيف كان يتم التواصل بينهما

اكييد بالهاتف او النت

استغرب لأمر فتاة تجاهد اهلها من اجل شخص لم تره و لا تعرف عنه شيئ و لا حتى اهلها

على العموم عسى ان تكرهي شيئ يكون فيه خيرا كثيرا

عن اهلك امك هي اقرب اليك و ستتفهم لانك ضحية و لست مذنبة

[الدكتور سام]

كل شئ بالمكتوب.و ما ادراكي مادا حصل له حتى اختفى.كما يقولو الغايب في غير حكمو.ربما الشاب كان ناوى الحلال و لكن شاء الله شيئا اخر.اسال الله ان يرزقك الزوج الصالح

[faty05]

لعله خيييييييير
اصبري و الله يعوضك ما خير منه

لعله خيييييييير
اصبري و الله يعوضك ما خير منه

[محمد...عبد النور]

ان كان فيه خيرا فسيأتي به الله
كوني على يقين و انت فعلتي الصواب
شخص يختفي بدون سبب..لماذا؟ ماهوش جدي في الامر او يحب يلعب و يجرب
اللي تطيعه يدير رايه
قولي الحمد لله
و ليا قالو والديك قوليلهم راه حتى يوجد روحه يجي...راهم لما يشوفه طول يفهمو الامر
و أسأل الله أن يرزقك الزوج الصالح التقي النقي
ســـــــــــــــــــــــــــــلام

[الدر المكنون]

كلشي بالمكتوب وهذا ماشي مكتوبك وزيد باين انسان لعوب وما عندوش ضمير خليه مع خرايبو يشبع وما تزيديش تامني حتى واحد مكانش لامان

انا تخطبت خطبة تقليدية وكان ميت غير باش نقبل وكي قبلت على جال اني ما حبيتش نهدر معاه في البورتابل حتى يعقد القران راح في حال سبيله وانا نقول الحمد لله على كل حال المهم رضيت ربي سبحانو ورفعت راس والديا من غدوة كي نجي فايتا انا وراجلي باذن الله عليه ما يقدرش يقول لعبت بمراة هذا الديوث ولا يقول ادا الفضلة انتاعي نمشي مرفوعة الراس

بالمختصر المفيد اقلبي الصفحة واتق الله يجعل لك مخرج

وربي يرزقك بالزوج الصالح التقي النقي

[YARMORACEN]

1- هد لكلام لازم تقوليه لأهلك ، خاصة موضوع صورتك و الحجاب ، و أهلك راح يقدرو موقفك .

2- الرجل من عادته انه يختفي و يصمت لهدا من الممكن يكون عنده مشكل ، و ليس بالضرورة تكوني أنتي سبابه ، أن نصحك تصبري .

[Floona]

ماكانش كيم الصدق ومتكذبيش على داركم

وإذا راح خلي يروح تكسري في راسك بيه

أنا خطبني واحد وجابولي الخاتم ومبعد عيطتلي

أختو قاتلي ربي يرزقك من بلاصة أخرى قلتلها

ربي يسهل ومكسرتش راسي لأني منعرفوش ومهدرتش معاه وأكيد مزال مكتوب ربي

[marouko1]

من ترك شيئا لله عوضه خيرا منه
عليك الدعاء وقولي لوالديك مكانش مكتوب وخلاص

[jirardo]

إجتنبوا العلاقات المشبوهة؟ ورجل الصالح لايكون من هده العلاقات

[soso sirin]

بلاك يكون خير ليك لانو راح و بلاك يكون عندو اسبابو انتي ادعي ربي و اذا كان خير ربي يقربو و اذا كان شر ربي يبعدو و داركم قوليلهم عندو ظروف و اذا جا مرحبا بيه ماجاش ربي يسهل عليه و هومارايحين يفهمو.

[hassina2]

احمدي ربك انك لم تعطيه صورتك والا كنت ستندمين كثيرا لقد اصبحت موضتهم الجديدة انا متاكدة انه يريد ان يسحرك من خلالها حتى ترضخي له وقد اختفى لانه تاكد انك صارمة فعاقبك بخبث فاحذري احذري احذري ان تعطي صورك لاي كان فتصبحي دمية في يده فقد عانيت من الامر قبلك ولولا ان ثبتني الله لكنت هلكت وكان يطلب مني امورا لا تجوز وعندما ارفض يختفي وكنت اتساءل لماذا يختفي وفهمت بعدها انه يعاقبني بالبعد حتى لا اتجرا مرة اخرى وارفض وتاكدي اخيتي انه سيعود اليك مرة ثانية وثالثة ورابعة حتى ينال مراده فاطرديه شر طردة ولا تعطيه فرصة اخرى

[nari21]

........................... ديري غير الشيء لي ترضيا انتي بيه اما هو انسيه والوالدين عادي قوالي لمامك بالي كان حب يشوفني واحدي يعني تخرجي معه املا مقبالتش وقلبي هرب منو يعني مريحتلوش وهي تفاهم باباك