الزوالي محقور

Firasbenyahia · 2014-07-13, 01:06

كرهت بلادي لي فيها الزوالي القاري محقور و مول الشكارة موشي قاري مشكور و مشهور كرهت بلادي يعرفو فيها غير فلان و فلتان في بلادي لازمك تكون من ولاد لي ريش باش يعتبروك انسان في بلادي المدير و الوزير و المسؤؤول ما جابش السيزيام و القاري المتعلم يخدم كوردوني ولا راهو حال طابلة دخان في بلادي يغيظني الحال كي تعود الخدمة بلمعريفة باش تقولي ماهيش بلمعريفة محال كرهت بلاد الظلم و الاحتقار الواسطة و الاحتكار معرفناش وين راهم يروحو دراهم البترول و الغاز ؟

وليد1990 · 2014-07-13, 01:21

القضية يا أخي قضية حرقة

اما تحرق للبحور إما تحرق روحك أما تقعد محروق

المهم الحريق

~~كلنا راحلون~~ · 2014-07-13, 01:21

صح فطورك اخي واتفهمك .
قصة واقعية فتاة ماكثة كرهت من شاب مش خدام ومماطلة اتصلت به ان يتزوجها وتاكل معاه لو كسرة وماء وتزوجها اعلم اخي بعد اشهر جاته خدمة وبعد انجاب عطاوه سكنة .

قصة حكاتهالي مرأة كبيرة في السن .
اتمنى فهمت مغزى قصة الرزق بيد الله.
اتمنى ان تفرج عليك اخي في الله .

إيمان احمد · 2014-07-13, 01:26

اصبر خويا و انوصيك ما تعيف الخدمة و كونك شااااااااااااااطر اقفز ما تستنى الرزق ايجيك انت اسعى و روح ليه و شد في ربي ربي ما ايضيعك
و احسنو الظن بالله

وليد1990 · 2014-07-13, 01:29

اقتباس:

المشاركة الأصلية كتبت بواسطة إيمان احمد

اصبر خويا و انوصيك ما تعيف الخدمة و كونك شااااااااااااااطر اقفز ما تستنى الرزق ايجيك انت اسعى و روح ليه و شد في ربي ربي ما ايضيعك
و احسنو الظن بالله

يا اختي

باريس ياعشقي الأبدي راه دارتنا مشكل ماتجي تطلع تطلع روحي راها تفسد الموضوع

إيمان احمد · 2014-07-13, 01:44

اقتباس:

المشاركة الأصلية كتبت بواسطة وليد1990

يا اختي

باريس ياعشقي الأبدي راه دارتنا مشكل ماتجي تطلع تطلع روحي راها تفسد الموضوع

شوف يا اخ وليد انت باين زايد في 90 ياك راك قد خويا الصغير

انا باريس لا عشقي الابدي و لا والو و الله درتها زكارة برك هاكا في ناس مي ما يكون الا خاطر انحيها راك في مثابت خويا المازوزي و طلباتو اوامر

وليد1990 · 2014-07-13, 01:51

اقتباس:

المشاركة الأصلية كتبت بواسطة إيمان احمد

شوف يا اخ وليد انت باين زايد في 90 ياك راك قد خويا الصغير

انا باريس لا عشقي الابدي و لا والو و الله درتها زكارة برك هاكا في ناس مي ما يكون الا خاطر انحيها راك في مثابت خويا المازوزي و طلباتو اوامر

شكرا أختي الكبيرة

:m h31:

ابنة الاسلام · 2014-07-13, 02:33

السلام عليكم

اخي التذمر ماينفعك بوالو يزيد يطيحلك المورال برك

امالا دير حاجة مليحة و دبر على خدمة مانيش عارفة بالاك التقليعة تكون بسيطة وماهيش على حساب ديبلومك ....

حاااليااا ماتخليش روحك هك ....خاصة للافكاار هادي راهي تهلك

ربي يفتح عليك ويسهل امورك في هذا الشهر الفضيل

knives66 · 2014-07-13, 03:21

نقولك لما يضربش على حقوا غير يبلع فموا

سكات هو لي وثلنا لهذا حالة

اذا نسكتوا غير

كاميلا · 2014-07-13, 12:58

الوقت اللي قاعد تكتب فيه هنا قوبي شخصيتك وخرج حاول تغير وضعيتك

كاميلا · 2014-07-13, 13:00

عجب ولاو تارجال في هاد الزمان يشكيو ويتشاكاو زعمى هادي صنعة النسا والا راني غالطة ميعجبكش واش رح نقول بصح معليش روح خير وقوي نفسك بنفسك واحد ماراح يعاونك كون مترغدش روحك انت

fella111 · 2014-07-13, 13:15

اقتباس:

المشاركة الأصلية كتبت بواسطة firasbenyahia

كرهت بلادي لي فيها الزوالي القاري محقور و مول الشكارة موشي قاري مشكور و مشهور كرهت بلادي يعرفو فيها غير فلان و فلتان في بلادي لازمك تكون من ولاد لي ريش باش يعتبروك انسان في بلادي المدير و الوزير و المسؤؤول ما جابش السيزيام و القاري المتعلم يخدم كوردوني ولا راهو حال طابلة دخان في بلادي يغيظني الحال كي تعود الخدمة بلمعريفة باش تقولي ماهيش بلمعريفة محال كرهت بلاد الظلم و الاحتقار الواسطة و الاحتكار معرفناش وين راهم يروحو دراهم البترول و الغاز ؟

نقولهالك اخي و عن تجربة اليوم الي تبطل تذمر فيه مع السعي طبعا تلقى كلش ياتيك لحد عندك و بسهولة تااااااااااااامة
اصبر برك و اكثر من السعي و الاستغفار

*الدخيل* · 2014-07-13, 13:26

هل موزونة على شكل غنية _____________________
فيها بعض من المبالغة
وقضى الله بان لكل مشقة أجر . . . . فأنا أقصد بكلامي (( اعقلها وتوكل ))

مريم الصابرة · 2014-07-13, 13:58

السلام عليكم اخي
معليش واش نديرو دارنا ونكون فيها جياع ولا ديار الناس شبعانين فيه ذل وكاين مثل يقولك اللي ماجانا نروحو ليه معناها اخي الدولة ما دارتلكم والو واللي عايشين هم اهل المال معليش ربي يزيدهم قاكل عاند ولا تحسد انا من رأي الشاب يحاول يشق طريقو كاين الف حل وحل يا اخي عارفة اول خطوة صعبة كلنا ما دارتنا بلادنا والو انا حتى العلاج وما عالجتنين والخدمة ماكانش لا ليا ولا لامي ولكن بلادي مهما كان واللي راه يسرق حقي وحقك خليه يدي ياخويا يتمتع هنا ياكل ويشرب ويحوس ولكن غدوة كي تكون النار تاكل فيه يولي يحسد فينا حنا
ربي ورحمتو والزوالي والمحقور ليه ربي

رجل الخفاء · 2014-07-13, 14:26

والله يا جماعة الخير أنا راني حاس بالأخ، المشكل أكبر بكثير مما تتصورون، ليس من السهل أن تعيش في كوكب الجزائر يا قوم، الرجل مهما كان من فولاذ والله يتعب في هذا البلد بلد التناقضات والتفاهات، أخي ومع ذلك فكن قويا فالله وحده الرزاق، أنت إبحث عن عمل أينما كان ولا تعر إهتماما لأصحاب الشكارة، هذه دنيا وكل واحد يخلصها عند ربي سبحانه!!!