تشيز كيك بنين و ساهل و ناجح باذن الله

oum ayyoub · 2012-08-08, 23:38

250غ بسكويت مرحي
50 غ زبدة سواء ذايبة او طرية
مبشور نصف ليمونة
20سلل كريمة سائلة
200ملل حليب
200 غ سكر
3 حبات بيض
مغرف كبيرة مايزينة او فرينة
600 غ جبن كريمي
مبشور ليمونة
2 كيس لافاني
كولي الفراولة اختياري
ولصنع كولي الفراولة : 250 فراولة ، نصف عصير ليمونة ، 50 غ سكر و 10 سلل ماء نطحن الكل في الميكسور

طريقة تحضير تشيز كيك :
نخلط البسكويت مع مبشور الليمون و الزبدة ثم نضعهم في الصينية و نضعها في الفرن 180 درجة مدة 10 دقاذق

لا بد من وضع ورق الزبدة كما في الصورة او يمكن لف القالب بورق الالمنيوم

في اناء نضع السكر و البيض و لافاني نخلط جيدا بالخلاط الكهربائي ثم نضيف مبشور الليمون و المايزينة ثم نضيف الجبن على اجزاء و نخلط ثم الكريمة السائلة و في الاخير الحليب

و قد تلاحظون ان الخليط فيه حبييبات و هذا راجع الى الجبن فقد نسيت الجبن في الكونجيلاتور حبيتو يبرد بلخف و من بعد بدلت رايي قلت راني تعبانة حتى الغدوا و نديرو و من التعب و من البيبي نسيت الجبن في المجمد هههه ماعليش انتوما مالازمش تنساو

ثم نضع كل هذا الخليط فوق البسكويت في الصينية و ايضا قد تلاحظون ان تشيز كيك ليس رفيع قليلا و هذا لانني وضعته في صينية كبيرة انتم ما عليكم الا ان تفرغونه في صينية متوسطة و يمكن التزيين بالقليل من كولي الفراولة

و نضعها في الفرن 250 درجة لمدة 10 دقاذق ثم قومي بخفض درجة حرارة الفرن الى 90 درجة لمدة ساعة و وبعد اتركي التشيز كيك في الفرن لمدة ساعة اخرى من دون اشعال الفرن ثم ادخليه للثلاجة ليلة كاملة يمكن ترك تشيز كيك كما هو و يمكن وضع فوقه كولي الفراولة او اي فاكهة مع خلطه بالجيلاتين انا وضعت 2 غ agar agar هو نوع من الجيلاتين النباتي بودرة و لكن استعماله يختلف عن الجيلاتين لمن اراد استعماله فانا هنا لتلبية الطلب
يمكن تركه هكذا كما في الصورة

فتاة مسلمة · 2012-08-09, 01:16

ماشاء الله اختي ايمان راكي شاطرة الله يبارك
مرا ونص، ماكنيش ساجية هاكدا ههههههههههههههههه(نتمسخر برك)
دوماج تزوجتي بعيد كون رسلتيلي حقي

*سماح 94* · 2012-08-09, 03:36

يعطيك الصحة اختي تشيزكيك هايل ماشاء الله
جربت من قبل تشيز كيك بارك اما الطايب جامي قالولي ما يجيش مليح كيما البارد بالاك ان شاء الله نجرب هذا اذا لقيت وقت الفضول باش نشوف الفرق ههههههقوليلي واش من فرماج استعملت تعيشي

oum ayyoub · 2012-08-09, 03:56

االله يسلمك اختي نوكيا يجي بنين تشيز كيك الطايب انا شريت ماركة تاع كارفور بصح في الجزائر تقدري تشري كيري او الفرماج تاع الميزان المهم يكون كريمي

oum ayyoub · 2012-08-09, 03:57

الله يسلمك اختي هدى مليح مين راني بعيدة باش ماتاكليش حق زوجي ههههههه

jackin · 2012-08-09, 03:57

بارك الله فيك
و جعل الله عملك في ميزان حسناتك.

~~zineb.alg.ziani~~ · 2012-08-09, 04:04

الله يعطيييييييييك الصحة وينورررررك

oum ayyoub · 2012-08-09, 15:27

بارك الله فيك اختي zineb.alg.ziani

oum ayyoub · 2012-08-09, 15:43

و فيك بارك الله اخي jackin