الله يهديكم عاونوني

[مشكلتي]

السلام عليكم ورحمة الله تعالى وبركاته : صح رمضانكم وصح فطوركم خاوتي نتمنى تساعدوني لاني والله وصلت النقطة الي مانيش قادرة نصبر اكثر انا شابة والحمد لله وفقني ربي في دراستي والعمل كذلك لكن مشكلتي راهي مع الزواج مش لانو مكانش الخطاب الحمد لله فالعام يتقدمولي بزاف صدقوني وكلهم اشخاص عاديين لكن المشكلة في اهلي دايما يرفضو اهلي هوما بابا وامي لانهم كرهو الزواج يقولولي كي راكي هكذا احسن الي يخطب مايعجبهمش ويبداو يتحجو ؟ هذا اذا عجبني انا اما العكس كي مايعجبنيش يولو يقولولي اقبلي ؟ باه ما نلومهمش من بعد المهم ...انا ولحد الان الحمد لله مقتنعة بحياتي ولباس بيا حاجة ماخصتني وومادام مزالو يخطبوني مانيش خايفة لكن كي خرجت وتلاقيت صحبتي تشري في قش العيد لاوليدها انا تاني حبيت يكونو عندي اولادي مانيشي غالطة ؟؟؟ المهم خاوتي وعلابالي طولت عليكم انا اليوم حابة نستشيركم ؟ جا خطبني واحد عجبني ومقتانعة بيه حتى هو ماشاء الله وهذا كي العادة رفضوه لانو يسكن بعيد ؟لكن انا راني اتخذت موقفي ... انو هذا هو زوجي اذا كتب ربي ... ورايحة ندير المستحيل ؟انا متاكدة هو رايح يرجع لبابا يزيد يطلب ايدي ؟ وراني رايحة هاذ المرة نوقف في وجهم ونقلهم نتزوج ؟؟؟؟ هاذي حاجة عادية ؟؟ ولا ربي رايح يغضب عليا من فضلكم عاونوني واذا كاينة طريقة انيروني وجزاكم الله خيرا

[« أبْجَدِيَّاتْ »]

و عليكِ السَّلام و رحمةُ الله..
رُدِّي بالك رُدِّي بالك تخالفي وَالدِيك يا أختي .
الوالدين عمُرهُم ما يحبُّو الشَّر لأبناءهُم ، كُوني علىَ يقينْ . فلو كَان شافتلك
يمَّاك الخير في دوك الشّباب مَا تقولّكش لالا . يمَّاك و باباك هُوما الأدرى بصلاحك .

أختي شحَااال من فتَاة تغّرت بالملامِح الطّيبَة و قبلتْ تتزوج مِن شخص بانلها طيِّب
و في النِّهاية لقات روحها كارهة حياتهَا معاه لأنَّها اكتشَفت الوجه الحَقيقيّ الذِّي
كانت تُغطِّيه تلك الملامِح الزَّائفة بعد الزواج .


أنظُري إلىَ هذه المواضِيع يا أختي و اعتَبِري :


https://www.djelfa.info/vb/showthread.php?t=1049391

https://www.djelfa.info/vb/showthread...3#post11045463

https://www.djelfa.info/vb/showthread.php?t=1049775

طِيعي وَالدَيْكِ تربحي مِنهما دعوة الخير في حياتك .
و ربيّ يرزقك بالزَّوج الصَّالح الليِّ يهنِّيك و يستُر عليكْ .

رمضَانُكِ كريم .

[- بصمة خير -]

استغفر الله استغفر الله استغفر الله

لا اله الا انت اني كنت من الظالمين

قوليلي اختي و انتظر الاجابة

اذا راكي تساعدي في مصروف المنزل ؟؟؟

اذا الراتب تاعك يساعد في مصاريف البيت كثيراااااا ؟؟؟

ان شاء الله نكون غالطة

اختي داومي على الدعاء في هذا الشهر الفضيل

بالتوفيق

[samiaeplf]

كاين والدين يحبو بنتهم تبقي تصرف عليهم و ما يفكروش في صلاحها ,صدقوني هذه حقيقة رايتها بعيني,المهم زيدي استفتي علماء ربانيين في هذه القضية و شكرا

[mohaa47]

رأي الوالدين هو الصواب...........................هما ينظران لمصلحتك.............إذا واجهتيهما ستخسرين كل شيء..............حذار.

[aissam .3820]

تقنعيهم وترضيهم نعم.....
..
شوفي واحد كبير من عائلتك يسمعواوا احسن..

..


تخالفي رايهم مش رايحة تروحي بعيد...

..

وجامي سمعت بواحد خالف رأي والديه ونجح...

..

كامل ندموا...

..

عنْ عبدِ اللَّهِ بنِ عمرٍو رَضِيَ اللَّهُ عَنْهُما، عن النبيِّ صَلَّى اللَّهُ عَلَيْهِ وَسَلَّمَ قالَ: ((رِضَا اللَّهِ فِي رِضَا الْوَالِدَيْنِ، وَسَخَطُ اللَّهِ فِي سَخَطِ الْوَالِدَيْنِ)). أَخْرَجَهُ التِّرمذيُّ، وصَحَّحَهُ ابنُ حِبَّانَ والحاكِمُ.

..

[khawla MI]

السلام عليكم
صدقيني غير رايني حاسة بيك اختي لأني راني في نفس وضعيتك بصح ما تحصي بالاك المكتوب مازال ما لحق أنا تاني كنت نقول كيفك كنت نقول نقنعهم بالعقل بالاك يفهموني بصح تخيلي معايا داك الانسان اللي وثقتي فيه و قنعتيهم بيه و خالفتي رايهم على جالو تصيبيه ماهوش كفء و ما يستهلكش كيفاش راح يكون موقفك خليني نصبرك اختي و نصبر روحي بكلمة عسى خير شكون يعرف خاصة ادا صليتي الاستخارة ما تخافي من والو لأنو بكل بساطة مش راح يصرالنا غير ما كتبلنا الله
ان شاء الله ربي يرزقك أختي الزوج الصالح اللي ترضاي دينو و خلقو و يرضاو بيه والديك آمييييين

سلام

[*أمنيآت لآمتنآهية*]

حالك كحال الكثيرات
اقتنعت بشيئ أو لابما أحاول الاقتناع به،رفض والدينا لمن يأتوننا ما هو الا سبب ،والأكيد أن المكتوب لم يلحق بعد،كوني على يقين اختي أنه حين يأتي من كتبه الله أن تكملي حياتك معه فلا أبوك ولا امك ولا الناس أجمعين سيقفون في وجهك
أما عن الخاطب الذي أتاك واقتنعت به فالأولى ان تخبري أمك عن موافقتك وان حدث ورفض الوالد فليس لك الا ان ترضخي للأمر الواقع ،أكثري من الدعائء وربي يفرج عليك وعلى كل مهموم

[j-med]

الوالدين ليسوا دائما على صواب

[saleh sabsoub]

نعم الوالدين ليسوا دائما على صواب فهم أيضا بشر و يخطؤون و ربما يؤدون بها إلى التهلكة و لا يدرون فالبنت فد أكملت دراستها يعني سايي راهي فوقت زواج صحا نقولو ماقبلوش ب واحد ولا زوج مييي عباد ربي كامل .؟؟؟؟....و أين من هذا حديث رسول الله صلى الله عليه و سلم " إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير " رواه الترمذي وغيره.
أنا طلب ربي يهديهم على خاطر راهم غالطين ...خلو الطفلة تزوج و تجيب دراري ياخي ماشي حرام ؟؟؟ و الإنسان راهو ماهو كامل يعني إي واحد فيه عيب أنا فيا عيب و أنتي فيك عيب و هاداك فيه عيب لكن والدين إدا يحوسولك على واحد مافيهش عيب راهم مايلقاوش ......ربي يطيحك فولد الحلال و أنا ننصحك ماتراطيش هادا و شوفي واحد من لافامي تاعك يقنعو داكور
صحا فطوركم

[الملهمة]

يا اختي حالنا راهو هكذا ومناش قادرين نغضبوهم لانا نخافو ربي ...ربي يسلك وحالنا ووحوالكم