صراع و اوجاع ساعدوني

[الفتاة الزرقاء]

السلام عليكم
بداية مشكلتي اني فتاة تعرفت على شاب في انترنت و مع مرور الوقت ابتليت بحب هدا الشاب وتعلقت به كتثيرا ولانه كان اول شخص دخل في حياتي اعجبت به كتيرا فتطورت علاقتنا من شات الى الهاتف والى القاءات وعدني بزواج لكن ومع هدا انا لست راضية عن تصرفاتي انا اعرف انني اخطئت وتماديت في الخطاء واريد التوبه ورجوع الى طريق الله المستقيم و كما كنت سبقا

في كل مره احاول لكنني افشل حاولت مرات عده قطع علاقتي به ولكن لم استطع اولا االانه هددني باخبار عائلتي عن علاقتنا فخفت في كل مره احول ان ابتعد عنه الا انني اخاف ان يكشف علاقتي للاهلي وبدلك سيكون هدا خربا ليبيتنا وتانيا لاني تعلقت به كثيرا انا اعرف انني اتناقض مع نفسي ولا افهم نفسي وهده مشكلتي اعرف ان علافتي خطاء من اساسها ولكن كيف اانهيها وبسلام وانساه بسلام
ارجوكم ساعدوني فاانا في امس حاجة الله وحاجتكم ساعدوني وارشدوني فاانا تعبت من كترتي التفكير [IMG]file:///C:/Users/MAB/AppData/Local/Temp/msohtml1/01/clip_image001.gif[/IMG]

[مريم الصابرة]

السلام عليكم اختي
اولا صحا فطورك ما نلومكش ولا نقلك راكي غالطة لأانو عارفة راكي غالطة وخليني نقولك انا تعرفت على شاب فالإنترنت ولمدة 4سنوات ولكن الحمد لله كل مرة يقولي نتلاقاو نقولو محال حبيتني باب دارنا وانا حبيتو ولاول مرة نحب شخص بعد وقاة خطيبي بعد سنوات ولانو له نفس إسمو تعلقت بيه المهم اختي الشخص هذا لما مرضت تخلى عليا وقالي اهلي ما يقبلوكش لأانو إنت دايما مريضة وايضا لأانك من ولاية غير ولايتي لما وصل جرحتي هذا الجرح خلاص وقلت هذي ورهالي ربي لأاني غلطت حتى وفالتلوفن برك لكن غلطت هذا الراج ما بيني وبينو والو يعني حرام نحكي معاه وندمت الف ندمة وصليت ودعيت ربي يسامحني وما نعاودهاش محال
إنت هذا ما راهش راجل إسمحيلي ويهدد فيك ومازالك تقولي راني متعلقة بيه ما تقوليليش الحب والله غالب يا لبنات فيقو شوفي الحب صح لما يكون الرالج راجل والظروف القاوية منعاتو عليك واللي يقول للحلال الالا راه ولد حرام إسمحيلي وما تزعفيش مني خليني نقولك إقطعي علاقتك بيه ةأي إثبات لعلاقتك بيه نحيه ةنا تخافيش خليه يقول لأهلك وما يديرهاش بلعاني يقولك هكذاك وشوفي اي واحد من العايلة كبير وتقفي فيه يروح يعدر معاه ويخوفو وبعدي عليه لانو باين ناوي الرحام وراحا تندمي بزاف منا وجاي لأانو لو كان يحبك عمرو ما يهدك اختي
شوفي لازم ديريلو حد يزعفو اهلك خير من زعاف ربي موفقة اختي

[soso sirin]

انا مانيش رايحة نطول عليك بزاف نقلك كلمة وحدا برك الراجل الي يوصل يهددك انو يخبر ماليك ماراهش باغي حاجة تاع حلال راه باغي يفوت الوقت و يوصل معاك لشي حاجة ماشي مليحة برك امالا غير حبسيه و ماتقوليليش راني نبغيه برحمة الوالدين اودي و كون رايحة تموتي عليه موتي انا اختك و ماتكمليش معاه هذا مايدير والو و بلاكي تقولي يجي يخطبك ماراحش يجي كون تريحي معاه عشر سنين بلاك يتزوج و يقلك ريحي معايا .انا نقلك روحي انتي قولي لماليك على الاقل اهدري مع خواتاتك و لا يماك و حكمي واحد من خواتك يكون شوية مايتقلقش تدي كف من عندو و ماتضليش تحت رحمة بنادم كيما هذا .سمحيلي اذا كانت هدرتي تزعف مي والله باه تظلي هكا بزاف عليك

[محمد...عبد النور]

السلام عليكم أختي الفتاة الزرقاء
واش من حب و واش من كلام و تعلق و الشخص لي يهدك و الله ما يستاهل تزيدي كلمة معاه
يعني يهددك و يخبر والديك خليه يدير لي بغا وقبل ما يدير قوليله راني خبرت دارنا و عطاولي طريحة و قالولي تزيدي تعيطيله نقتلوك و يزيد يعيطلك نشكيوه للشرطة و لابيس نتاعك كسريها و ما تزيديش تلقايه و لا تهدري معاه
و الله هذا الامر مش صعب فقط ديري شوية ارادة و نقولك لي يبغيك يجي يخطبك مش يفوت بيك الوقت
او يتجرأ و يهددك
و لو رضختي له في تهديده راه يزيد يتطاول و يطلب امور اخرى ممكن يطلب منك شرفك و و انت ادرى بذلك
الشخص لي يبغيك يخاف عليك و على سمعتك و يديك من دار والديك و لو توكلنا على الله حق التوكل لي كاتب ليك ربي يكون زوجك و الله يجي يقينا مش نتي تتصلي بيه و بعد ذلك قد تجرين اذيال الخيبة

فقط انصحك اذا زاد هددك انك تخبري دارك و حتى ولو ضربوك مش راح تخسري فيما لو زدتي مع هذا الذئب البشري الذي يهددك اليوم بالفضح عن علاقة تافهة و غدا الله أعلم ما ذا يطلب منك او يهددك اذا نت طاوعتيه و سرتي معه فيما يريد
فقط توكلي على الله و لابيس كسريها


و نبشرك والله ما يتجرأ يحكي مع داركم لانه جبان يخاف يدي طريحة من عند ابوك او اهلك لكن لما وجدك انت خائفة منه فانه يستدرجك لامر اشر من ذلك لينال مراده
فقط اقطعي معه كل اتصال و لا تلتقيه و ربي يكفيك شر هذا الخبيث بما شاء و يجعل كيده في نحره
و من جهة أخرى أختي الكريمة ألومك أنت ، يعني نتي اللي قال لك احبك فهو يحبك، لا و الف لا
فقط ثقي بالله انه يعطيك كل خير و يرزقك ما تتمين ، فلا ترجعي الى علاقات هكذا او امور محرمة و رزق الله خير من امور محرمة
ومن يتقي الله يجعل له مخرجا و يرزقه من حيث لا يحتسب
جزاك الله كل خير
ســـــــــــــــــــــــــــــــــلام

[قضــــــــــــ وقدر ـــــــــــاء]

السلام عليكم
أولا صح فطورك أختي الكريمة
أنا في رأيي ما دام قد هددك فهو لا ينوي الزواج بك
هذا رأيي فلا تغضبي
أنت طلبت آراءنا
أنا في نظري لو يلومك أهلك على تصرفاتك هاته
وأن يسمعوا بعلاقتك
أحسن ألف مرة أن تستمري في علاقتك هاته
إذا كان ينوى الحلال فيجب أن يتقدم إلى أهلك
وصدقيني ما دمت تخفين الأمر على أهلك فسيؤنبك ضميرك كثيراوأنت قلت واعترفت أنك مخطئة
إذن من الأحسن أن يصحح الخطأ الآن
قبل أن تزدادي تعلقا بهذا الشخص
مهما كان الأهل فإنهم لن يكرهوك ولن يسعوا إلى إيذائك كوني متأكدة
صارحيهم واطلبي من هذا الشخص أن يتقدم إليك رسميا خاصة إذا كان قادرا على الزواج ولا يهم تهديده ولا تجعليه يعتبر هذا التهديدنقطة ضعفك
هذا رأيي و الله أعلم
موفقة إن شاء الله
تحياتي وأشكرك على شجاعتك لطرح مشكلتك

أخوك قضاء وقدر

[آلاء النايلية]

هذ ا مش راجل وانت غلطتي و راكي عارفة
معليش متخافي ماوالو ...
راكي عارفة لو كن جيت في بلاصتك نحكي لواحد من العايلة يكون متفهم يساعدني خير
و زيد ملازمش تبينيلو بللي خايفة ديري الكوراج ... راح يخاف منك ... وش راح يدير يقول لداركم؟ مضنيتش نضن راح يخاف
و ادعي ربي و خليها على ربي ...