فلفلة محشوة باللحم المفروم,,,,,من مطبخي

[وردة أمل]

السلام عليكم و رحمة الله و بركاته

صح رمضانكم

في اليوم السابع لهذا الشهر الفضيل درت طبق خفيف و مميز و هو الفلفلة محشوة باللحم المفروم

المقادير:

فلفل أخضر انا درت 8 حبات

2 حبات طماطم

ثوم

حبة صغيرة بصل

توابل
لحم مفروم

في البداية قليت الفلفلة و يلا تحبي تثدري تشويها ,,,,و في نفس الوقت درت صلصة حمراء,,,,ذبلي البصل في شوية زيت و زيدي معاه الثوم و التوابل و بعدها رابي الطماطم و ضفيها و مرقي بكأس ماء و خليها على نار قليلة

من جهة أخرى تبلي اللحم المفروم و ديريه يطيب في شوية زيت ,,,,

الآن قسمي الفلفلة على اثنين و ديري في الحشو و لفيها ,,,,,,,,,,,,,و باقي الخطوات راهي واضحة في الصور

دهني القالب بالزبدة
[IMG][/IMG]

و من بعد ديري نصف الصلصة

[IMG][/IMG]

و من بعد ديري الفلفلة المحشوة باللحم المفروم

[IMG][/IMG]

و بعدها أضيفي النصف الثاني من الصلصة و انا أضفت بعضا من الأرز المتبل و انت لك الخيار

و هذا هو الشكل النهائي بعدها وضعيها في الكوشة لمدة ربع ساعة

[IMG][/IMG]

خفيفة و بنينة ,,,,,,,,,,,,,جربوها و شوفوا

تحياااااااااااااااااااااااااااااااااااااااتي

وردة أمل