العيد والملابس

وفاء سعاد · 2012-07-30, 13:29

شكون اللي شرات القش لولادها هدا العيد تقولنا القش رخيس ولاغالى علي حاطر انا مازلت ماشريتش وسمعت بلي القش مايتمسش وحاصة مع الصيام والسخانة بزاف

khaled.belhena · 2012-07-30, 15:02

الله يعلم أنا شريت من وهران وشوية رخيص

شيراز222 · 2012-07-30, 15:10

الملابس اختي هنا في العاصمة راهي نار والشي اللي كان ب1000 راه ب3000

وانا اشريت الملابس قبل رمضان

بصحتكم مسبقا

وفاء سعاد · 2012-07-30, 15:12

اقتباس:

المشاركة الأصلية كتبت بواسطة khaled.belhena

الله يعلم أنا شريت من وهران وشوية رخيص

شكرا علي الرد والملابس تاع الاطفال رخيسة احنا عندنا لبسة تاع طفل عمره 3سنوات 4000 دج

وفاء سعاد · 2012-07-30, 15:39

اقتباس:

المشاركة الأصلية كتبت بواسطة جنتي222

الملابس اختي هنا في العاصمة راهي نار والشي اللي كان ب1000 راه ب3000

وانا اشريت الملابس قبل رمضان

بصحتكم مسبقا

شكرا علي الرد وانا درك وين تفكرت العيد كنت نسجي لرمضان والنفيضة تاع الدار وزيد التباريك تاع السيزيام تاع ابني

sarra5 · 2012-07-30, 17:38

les vetement des bèbès wlh ghalia bzeeeeef

ana hart fihom

شيراز222 · 2012-07-31, 00:02

معلش اختي

الف مبروك على ابنك

وكل عام وانت بالف خير

وربي يسهل وتعيدي بالصحة والهناء

نسيم الروح و العقل · 2012-07-31, 03:02

راه الغلاء الفقير وين يروح كل شئ ولا غالى الله يستر هذا مكان

فرح العمر · 2012-07-31, 10:41

اللى عندو اكثر من 2 اولاد و الله غير صعيبة عليه باه يقومهم
الله المستعان

عصام45 · 2012-07-31, 13:10

انا شريتليهم من وهران فيه قش رخيص فيه الغلي و لعقبال لولادك

ام نسمة · 2012-07-31, 13:16

مرحبا انا ولادي شريتلهم قبل العيد الصغير شريتلو اونسومبل ب1400 لوكان دورك يكون ب250 ولا 300 الف و الكبير العام الماضي فاميلتنا من فرنسا جابولو اونسومبل جاه كبير خبيته حتى السنا يعيد فيه ان شاء الله باقي نشري صندال لكل واحد فيهم وكاسكات بلاك غدوة ان شاء الله نخرج وانا تاني شريت لروحي جبة قبل رمضان ب380الف وباقي لي ملاية وصندال وصاك مازال ماشريتش ربي يعاونكم على غلاء الاسعار الخيالي قش شنوة ولا ما يتقربش فما بالك بقش الترك وفرنسا صح فطوركم وغدوة نعمل جولة ونعرف الاسعار عندنا ونخبركم

douane hadjer · 2012-07-31, 14:22

slt moi chwi une lycienne ben jai acheti des vetements a la mode ma blouse sa coute 3000 da
le jeans 2700 da
et jai acheti une converss sa coute 1800da
et une sandelle sa coute 1200 da
et des chausettes .................etc

وفاء سعاد · 2012-08-01, 21:29

يعطيكم الصحة علي الردود انتاعكم اختي فرح العمر انا عندي 4اطفال ربي يخليهملي باينة 3000دج باش نكسيهم حاصة عندي 2اولاد في المتوسطة وزهور الفل يلبسوهم بالصحة العام الجاي ندير كيفك وجنتي 222 شكرا لك وكل عام وانتم بخير وسارة 5 صح كاينة منهاوشكرا لكم وصح فطوركم

بنت الباهية · 2012-08-01, 21:57

صح فطوركم
البسة الأطفال غالية بزاف انا عندي ولدين و بنت شريتلهم قبل رمضان
عييت باش شريت لبنتي نحب للبنات فساتين طوال و متحوفين
ربي يسهل اختي و تلقاي حاجة على حسابك

تجويد4 · 2012-08-01, 23:47

السلام عليكم

حنا النار شعلت فى التجار الاسبوع الاخير من شعبان
تخيل سروال نتاع طفل 5 سنوات سمتو قالى 200 الف و نخليهلك 190 الف رجعتلو بعد يومين قالى نفس السروال 240 الف حرت سبحان الله الربى عينانى

بسيف خلاهلى ب 200 الف منين احرجتو

و فى رمضان حدث ولا حرج الى كانت ب 100 ولات ب 200 ربى يكون فى عون القليل
انا شريت لوليدى قبل رمضان الحمد لله كل عام نشرى قبل رمضان مع هذ السخانة شكون يقدر يخرج يدور