ساعدوني اخواتي البسكريات

مسعودي مفيدة · 2012-10-01, 19:13

السلام عليكم اخواتي انا من التل ومتزوجة في بسكرة السكرة وارغب في تعلم اطباقها اللذيذة فاساعدوني ارجوكم ليلة سعيدة

sarra5 · 2012-10-02, 11:38

upp bah ychoufouh

bissan.sousou · 2012-10-02, 12:06

بسكرة معروفة بالدوبارة البسكرية وشخشوخة بسكرية ولكن مرانيش بسكرية مي حبيت نفيدك

bissan.sousou · 2012-10-02, 12:19

شخشوخة بسكرية
السلام عليكم ورحمة الله وبركاته

اليوم حبيت اقدملكم الاكلة اللى تشتهر بيها منطقة الشرق فى الجزائر و الاكلة

اسمها شخشوخة بسكرية يارب تعجبكم و منتظرة رايكم

المقادير

لحم غنمي +بصل+ثوم+بطاط+ملح+فلفل اسود+راس الحنوة+زيت+حمص مشمخ+

(1)
طريقة تحضير...انجب الكوكة او طنجره ونحط فيها اللحم +2ريوس بصل كبار +اربعة سنة ثوم مرحين هما والبصل
ونزيدلهم 2 حبة طماطم +زيت+ملح+فلفل اسود+راس الحانوت +حمص+3مغرف اكل طماطم مصبرة ونحطه فوق النار مدةنصف ساعة علي نار هادئة وبعدذلك نسقها بالماء و نتركه حتى يطيب اللحم والحمص ونزدلهم البطاطا ونتركه حتى تنتهى من الطهي ونرمي فيها الفلفل الاخضر الحر

(2)
انجيب سميد +ملح ونبلو بالماء ونعجن جيد ونسق بالماء ونكرر العملية حتى نحصل علي عجين تتلسق نتركه

مدة 10دقائق ونحضر صينية و ندهنه بزيت ونكور العجين الى كويرات صغيرة بالزيت ونتركها ترتاح مدة 10د

كما هو موضح بالصوره

ونجيب طاجين النحاس انحط فوق نار هادئة نبدأ نخبز ندهن وسط الصنية بالزيت و نقرص بالواحد حتى ترجع قرص كبير ورقيق ونحطه فوق طاجين النحاس ونكرر العمليه حتى ننتهي ولونها ذهبي وننزلها من فوق النار ونقطعها قطع صغيرة

تقديم الطبق

نضع فتات الرقاق بصحن واسع نوعا ما ثم نسقيها بالمرقة و نحط فوقه اللحم والحمص والخضر

شهية طيبة

bissan.sousou · 2012-10-02, 12:24

اكتبي في قوقل دوبارة بسكرة و شخشوخة بسكرية راح تجيك موضحة بالصور ان شاء الله نكون افدتك

lola22 · 2012-10-02, 13:08

انا بسكرية
مرحبا بيك عندنا اختي
عليك وعلى الدوبارة البسكرية والشخشوووووووووخة

لي عودة

liliane24 · 2012-10-02, 13:43

أختي زوري فايس بوك الشيف ناصر تونسي منشط حصة الطبخ ببسكرة ، و هو :
nacer tounsi
رايحة تلقاي الدوبارة البسكرية ووصفات أخرى

hayette82 · 2012-10-02, 14:43

انا تاني من بسكرة مرحبا بيك واش من طبق قوليلي عندنا بزاف حسوة بطوط محكوك تشيشة مرمز تشيشة فريك بنفور عيش محجوبة .................

مسعودي مفيدة · 2012-10-02, 20:23

يعطيكم الصحة حبيباتي وبرك الله فيكم على الردود سمحواني ان تأخرت في الرد اشكركم جميعا و اريد معرفة طريقة الأطباق الأخرى المذكورة " الحسوة , التشيشة ’ بطبوط , محكوك , بمفور و غيرها أن امكن و شكرا لــــــــــــــ bissan sousou على الوصفة كل اطباق بسكرة رائعة

ADEL19 · 2012-10-03, 16:27

الدوبارةراهمالبساكرةيشريوها مايخدموهاش في الدار عليك وعلى الحار.انصحك اتعلمي من عند حماتك

hayette82 · 2012-10-04, 08:56

البطوط طيبي كسرة فيها دقيق ملح ماء ديريها قرص كيما الرخساس طيبيها في الطاوة ومبعد تفتيها من جهة اخرى قطعي طماطم كعب وهرسي الفلفل مع توم وملح وفلفل احمر حار وفلفل اخضر وشوية دبشة في مهراس ومبعد جيبي قصعة حطي فيها الكسرة المفتتة والدواء لهرستيه زيديلو الطماطم باط مفتوحة في الماء الساخن ومرسي بيديك 2 حتي تشوفيها متحتاجش ماء قطعي الدبشة من فوف واعصري عليها القارص ليحب وتقدري تحطي الزيتون كديكور من فوق وتتقدم في حينها لانو البطوط يشرب تمتم الماء والا مفهمتيش نفهمك

hayette82 · 2012-10-04, 08:59

وهذي الدوبارة البسكرية نقولولها ملونج بين فول وحمصhttps://www.aliklil.com/vb/showthread.php?t=53320