فترة الخطوبة...كيف تتعرف على شريكك في هده الفترة

djazia94 · 2012-07-19, 15:37

ماهي الاسئلة التي يجب ان تطرحها الفتاة على خطيبها
و الرجل على خطيبه
و ما هي الاسئلة و المواضيع الدي يجب تجنبها
هل يجب ان يعرف كل منهما كل شيئ عن ااخر

pomaria_aindefla · 2012-07-19, 16:10

كي أن صيب خطيب أجيب عن هته الأسئلة مازال ربي ما كتبش الله يفتح على كل واخدة

صفاء الروح · 2012-07-20, 22:01

انا مارهنيش مخطوبة بصح باين علاواه يحكيو على الماكلة اللي يحبها يفهمها كيفاه تعيش معاه كيفاه يديرو لعرس
كيفاه يحب مرتو تتعامل معاه بزاااااااااااف حوايج

seri · 2012-07-27, 21:37

انا ننصحك اختي ماتكتريش معاه الهدرة لانها تجيب المشاكل وجامي تقوليلو السر تاع داركم

ايمان نور الجزائر · 2012-07-29, 11:11

مانيش مخطوبة لكن على واش سمعت من صديقات كانو يظلو يحكو لكن بعد الزواج يصادفو
حقيقة اخرى تماما لازواجهم
والسبب راجع انهم كانو يركزو على مواضيع مشتتة وبلا فائدة
والاهم في هذه الفترة الحديث على المستقبل ووضع النقاط على الحروف والتفاهم على اولويات
تخص عائلتي الزوج والزوجة ..تخص العمل الابناء بناء البيت
كييفية الحوار وطريقة التعامل والاحترام

مزالنا واقفين · 2012-07-30, 00:12

موصوع طويييييييييييييل و كويل جدا و تفاصيله لا تنتهي
لكن سأحاول ان الخص لكي بعض محاور
احب ان اخرس فيها الصراحة بأن اكون صريحا معها من المعرف ان المرأة نوعا ما كتومة او بالحرى لن تصارح بكل شيئ لكن على الاقل لان صارحتني بالشيئ القليل سيكون له دافع قول للمزيد و توطيط العلاقة
محورا اخر غرس فيها الهدف من الزواج قبل ان اطرحه كتوضيح من كان غرده من الزواج الدخلة و ايامم العسل او شهر العسل يموت هذا الاهدف بعد تحقيقه و من كان غرضه من الزوواج الانجاب و وو يموت الهدف بعد تحقيقه و تعكر صفوه المشاكل و المعوقات

لكن و هذا ما اريد غرسه كهدف من الزواج انا وشريكتي هو السعي لمرضات الله و يتجلى هذه في تعاملاتنا فيما بيننا و في اجتهادنا لأدية ط عباداتنا وو في تربيتنا لأبنائنا حتى وان لم نرزق بهم فلن يعكر هذا صفونا و يتجلى ايضا في تعاملاتنا مع جيرانا و احبابنا و اهلنا و تعيش السعادة داخنا و القرأن و النة منهاجنا و مبراسنا و ما نحتكم له في كل تعاملاتنا و يعيش هدفنا ساميا الى ان تفارقنا مشيئة الله الى لقاء قريب .....

آلاء النايلية · 2012-08-01, 00:25

النصيحة لي نقولها
مطولووووووووش مدة الخطبة ... مش مليحه نهااااااااااااااااااااائيا... انا عامين و راني ندمت
عام وللا أقل تقدري تتعرفي فيه على خطيبك مليح

آلاء النايلية · 2012-08-01, 00:37

و نزيد على كلامكم شوي
أهم حاجة المفاهمة بيناتهم
مهما يصير بيناتكم لازم النقاش.. اذا شفتي منو حاجة وللا معجبكش تصرف... قوليهالو بطريقة تاع نقاش و خليه هو ثاني يتصرف بهاذ الطريقة معاك ديما
و حاجة أخرى باااالاك تجحدي عليه حاجة وللا تكذبي... ابدا و خاصة في حكايت خرجاتك وللا وين رايحه ...الخ ...
وكيما قالت سيري متعوديهش على الهدرة ياسر
و ديري في بالك المثل تاع الراجل على واش عودتيه... هاذي ولله ما غلطو فيها

آلاء النايلية · 2012-08-01, 00:39

[QUOTE=مزالنا واقفين;11008249]موصوع طويييييييييييييل و كويل جدا و تفاصيله لا تنتهي
لكن سأحاول ان الخص لكي بعض محاور
احب ان اخرس فيها الصراحة بأن اكون صريحا معها من المعرف ان المرأة نوعا ما كتومة او بالحرى لن تصارح بكل شيئ لكن على الاقل لان صارحتني بالشيئ القليل سيكون له دافع قول للمزيد و توطيط العلاقة
QUOTE]
و كيما قال خونا....المرأة كتومة
صارحيه ايه ... بالصح متحكيش كلش و خااااااااااصة على داركم
خليه يحكي أكثر مانت تحكي

djazia94 · 2012-08-01, 08:13

يعطيكم الصحة
عاونتوني بزاف

انا حبيت نسقسي خاطر في فترة الخطوبة يبان كي الملائكة
و بعد الزواج الله اعلم
كاين لي قالولي ماتتسرعيش و طولي شوية فترة الخطوبة باش تقدري تعرفيه اكثر
بصح راكو عارفين كلش يبان منيلح فهاد الفترة
و الله يستر بعد الزواج يبداو يطيحو الاقنعة
الله يسترنا يا رب

آلاء النايلية · 2012-08-01, 23:02

الخطاب رطاب .... ههههه
اختي مكيش رايحة تتزوجي ملاك
اكيد مية بالمية راح تتكتشفي حوايج جديدة في عقليتو بالصح مش بالضرورة تعود مش مليحه وللا لا تطاق ... عادي ... كيما هو راح يكتشف فيك حوايج
اما اذا كانت حوايج مش مليحه ياسر أكيد ربي يكشفو .. انت لي عليك ديريها صللي الاستخارة و كثري الدعاء

مريم الصابرة · 2012-08-02, 17:36

السلام عليكم اختي كنت مخطوبة ونقدر نقولك واش كاين كا راجل وكيفاه يغني انا خطيبي ربي يرحمو جاري يغني ما يقدرش يكذب عليا نعرف كل شي عليه واش يحب ياكل وواش ما يحبش والحياة ماراهيش فالكوزينة هذو ما يهمونيش ما حوستش نعرفهم ايضا البنات اللي عرفهم قبلي جامي سقسيتو وهو يجي يحكي نقولو الله يسهل ثم كنت حر الآن راك مستعمر هههههههه وزيد نحكو على بيتنا بزاف كا نيقولي انا مقلق في رمضان نصراحك من ضرك ههههههه ما دوريش بيا وانا نقولو لالا ور بيا إنت لانو أنا اكثر منك في رمضان ردني لدارنا ونتلاقاو فالعيد ههههههههههه والله حكايات عاديين والصراحة هي كل شي تعودنا كيما قاتلك الاخت آلاؤ ولفي خطيبك الصراحة يحكيلك كل شي وتحكيلو كل شي عليك لا على داركم واش يهمو في داركم لانو بعد الزواج يعايرك بخالتك وبجداك وبحتى جاركم الراجل مشكاكين على هذا احكي عليك برك ما تحكي على حتى واحد و خلي صورتك مليحة نبهيه لتصرفاتو في دارهم كان يعيط علىامو على اختو كان بخيل معاهم كوني إنت المليحة اختي زيني نيتك مع ربي وزيدي معاه تكبري في عينو وتعاملي معاه بعفوية على طبيعتك ما تتصنعيش لأانو بهد الزواج راحا تكتشفيه ويكتشفك وتكرهو الحياة ولفو بعضاكم سامبل من ضرك تجيكم الحياة هايلة تكونو والفتو بهضاكم موفقة اختي