عااجل أم راااااااامي

جسر الأمل · 2012-07-25, 20:30

السلام عليكم
أم راااااااامي عندي طلب لييييك واسمحيلي على الازعاج والتعب طلبي يتمثل بكل بسااااااااطة في مطلووووووووعكم انا يعجبني بزااااااااااااااااف وراه في خاطري وراني باغية نتعلمه الله يخليلك راجلك وولااااااااااااادك والله يعطيك ماتتمناااااااااااااااااااااااااااي طريقة المطلووووووع بالتفصيل الممل لخاطرش انا سييته بصح مايخرجليش خفيف ومقطن راني باااااغية نهبل عليه وزيدي راجلي يعشق فيه وانا مورا العيد ندخل عرووووووسة
ارجووووووووووووووووووووووك
واسمحيلي بزاااااااااااااااااااااااف على الازعااااااااااااااااج

pharmajsk · 2012-07-25, 21:01

الله يسهل حنونتي ان شاء الله راح اتجي ام رامي وراح تجاوبك

موسى2207 · 2012-07-25, 21:10

عذرا علىالتدخل لكن نصيحتي في اي شيء فيه خميرة الخبز لازم يخمر مليحوتحلي العجينةوتخليها تطلع بصح ماشي بزاف باش ماتعاودش تهبط كي تلوحيها في الطاجين

الأمنيات · 2012-07-26, 11:45

راني معاك نستنى في ام رامي تتكرم وتحط طريقتها في المطلوع

*ام رامي* · 2012-07-26, 18:13

اتفضوا حنوناتي طريقتي في المطلوووع
اولا لازم السميد يكون مليح كاين سميد يصلح مطلللوع وما يصلحش كسرة وكاين العكس وكاين اللي يصلح مطلوع وكسرة
حطي في بالك هذا الاعتبار نوعية السميد تلعب دور كبير
ثانيا انا كنت نعجن بيدي بعد ما شريت عجانة تهنيت
ثالثا
المقادير والطريقة
لثلاث مطلوعات كبار
3كاس سميد + كاس فرينة + ملح + زيت حوالي فنجان +بيضة + سينوج وحبة حلاوة
تطلعي ملعقتين كبيرتين خميرة مع ملعقة صغيرة سكر وحليب دافء وحدهم كي تطلع اضيفيها للمكونات الاخرى واعجني بالماء الدافء ولازم العجينة تكون رخوة مش ناشفة ادلكيها مليح وغطيها تخمر مليح ثم ادلكيها وبعدها شكلي اقراص ادهني يديك بالزيت باه ما تلصقش العجينة في يدك غطي الاقراص لبرهة يرتاحوا شوية اقل من 5 دقائق ثم قرصيهم وغطيهم وشعلي على الطاجين بمجرد ما يبدلو يخمرو ابداي طيبي يعني شوفي القرصة الاولى اللي قرصتيها اذا خمرت ابداي طيبي وما تخليهمش يخمروابزززاف كي تحطيهم في الطاجين يخرج الهواء ويهبطوا
بالتوفيق اختي

جسر الأمل · 2012-07-26, 21:17

رببببببببببببببببببببي يحفففففففظك وينووووووووووووووووورك ويحققلك ماتتمني باااااارك الله فييييييييييييييييييييييييييييييييييييييييييييييييي يك على الشرح غدوة نجررررررررررررررربها واكيد رايحة ننجح فيهاااااااااااااا صحاااااااااااا فطووووووووووووووووووووووووووووووووووووورك

nafla · 2012-07-31, 13:30

evaevalle · 2012-07-31, 19:23

merci pout toi merci
slm

لينا11 · 2012-07-31, 23:05

حبيبتي طريقة سهلة جدا
خدي 02كيسان سميد ونص كاس فرينة وملعقة كبيرة خميرة خبز وملعقة كبيرة سكر وسينوج ديري حفرة فالنص وبداي لمي بالماء الدافي وزيدي من داك ملح
اعجنيها بيدك شوية حتى تحسي بلي العجينة رطبت وخليها تخمر
من بعد جيبي نص فنجان زيت وبادي لمي بيه المطلوع تاعك ماتخافيش لاشفتي العجينة مفزقة كي تعجني تتلم وترجع كيما كانت
ديري قرصات يخرجولك 02 ديري فرينة وحلي بيها قرصات تاعك وخليها تخمر مين داك شعلي على طابونة وديري طاجين تاعك يسخن تلقاي بدات تخمر طيبيها وان شاء الله تتمتعي باحلى مطلوع