اريد تخصص صيدلة

woofa · 2012-07-28, 14:36

سخفت نقراها وش ندير راني حاببتها عندي القدرة

باش نجيب الباك بمعدل كبير كون نعاود الباك

بكري بابا سجلني في إختصاص منحبوش قريت من فوق القلب

ودبرلي خدمة وترسمت في الخدمة بصح منحبهآآآآآش بقات فارماسي في قلبي بصح في عمري 29 ومع نعاود الباك

يولي عمري 30 سنة نتخرج 36 سنة بزآآف وش رايكم متقولوليش الباك جيبيه ومبعد أهدري ماشي مشكل نقدر نقرا

وزعما كون نسجل فارماسي المشكل فالخدمة علما أني نخدم في الصباح نص نهار برك زعم نقدر نخدم ونديرها

وش رايكم

woofa · 2012-07-28, 14:52

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,

MOKHTAR LANISTE · 2012-07-28, 14:57

ههههههههههه راكي قاع مهبولة شوفي كيفانش تتزوجي خاصك تولي تقراي

woofa · 2012-07-28, 15:00

اقتباس:

المشاركة الأصلية كتبت بواسطة MOKHTAR LANISTE

ههههههههههه راكي قاع مهبولة شوفي كيفانش تتزوجي خاصك تولي تقراي

اللهم إني صائم

woofa · 2012-07-28, 15:08

سبحان الله المجتمع لا يرحم إذا كان

ربي لم يقدر الزواج حتى الآن

وش نديرو نموتو ولا نروحو نطلبو في الطريق

sidostar · 2012-07-28, 15:10

انت ختي ربحتي الباك في النظام القديم صحيح .؟

dexterjackson · 2012-07-28, 15:16

أنا نقولك يا أختي بامكانك أن تعيدي البكالوريا وتحصلي على معدل كبير يؤهلك للحصول على مبتغاك لكن ان كانت لديك ارادة كبيرة و قوية و بالأخص الارادة المستمرة التي لاتضعف أبدا حتى تحصلي على الصيدلة ولا تنظري الى السن أبدا خاصة وأنك تريدين صيدلة فبامكانك التوفيق في عملك و المراجعة للبكالوريا و أخيرا الحصول عل معدل جيد يؤهلك..أنا أشجعك و أقول لك أنك تستطيعين أدا قلت أنك تستطيعين و عملت ب الأسباب ....لعلمك التقيت بالأمس بصديق لي كان قد أنهى دراسته الجامعية هندسة معمارية ولم يجد عمل و الان هو يدرس صيدلة سنة 3 يعني أنه قريب يتخج طبيب صيدلي....و الله ولي التوفيق

سمايس · 2012-07-28, 15:16

يا اختي العزيزة السن ليس معيارا للدراسة................ اذا اردت دراسة الصيدلة فعليك بذلك لكن من جهة لا اظن انك ستستطعين العمل والدراسة في نفس الوقت فنجاحك في هذه الدراسة مقترن بالمثابرة والمواظبة على حضور كل الدروس فالصيدلة ليست بتخصص سهل................ والله اعلم ..............................................انا انصحك بصلاة الاستخارة وتفويض امرك لله عز و جل

MOKHTAR LANISTE · 2012-07-28, 15:17

أااااااااااااااااااااااااو أختي العزيزة انا والله ماقصدن والو بكلامي والله والله والله وراني صايم ماتتقلقيش أختي انا بغيت نضحك مع أختي هادا ماكان اسمحيلي أختي الكريمة أعدريني ادا شفتي في كلامي حاجة ماشي شابة والله ماكان قصدي زالز غير نزغق مع أختي هادا ماكان اسمحيلي مرة وحدخرة الله يخليك

fatiha2012 · 2012-07-28, 15:18

العزيمة أساس كل شيء
و انت ما شاء الله
ربي يوفقك ان شاء الله

saraharaha · 2012-07-28, 15:20

ايه عاودي الباك واقرايها وعادي مكانش سن للعلم طول
يعني طموح مليح الله يبارك بعد 7 سنين ان شاء الله بشرينا راكي صيدلية رانا نسناوك وصحا فطورك

هدهد سليمان · 2012-07-28, 15:24

طلب العلم من المهد إلى اللحد
وين المشكل ؟

woofa · 2012-07-28, 15:26

اقتباس:

المشاركة الأصلية كتبت بواسطة sidostar

انت ختي ربحتي الباك في النظام القديم صحيح .؟

نعم نظام قديم وكيما شفت البرنامج الجديد جاني ساهل

you92cef · 2012-07-28, 15:28

الفارماسي معندهاش الذوق كاع

الفارماسي ولات بيع وشراء كومارس

دونك انا نقولك اخطيك منها
على الاقل جراحة اسنان والطب فيها ذوق وفيها el gouts

woofa · 2012-07-28, 15:32

اقتباس:

المشاركة الأصلية كتبت بواسطة dexterjackson

أنا نقولك يا أختي بامكانك أن تعيدي البكالوريا وتحصلي على معدل كبير يؤهلك للحصول على مبتغاك لكن ان كانت لديك ارادة كبيرة و قوية و بالأخص الارادة المستمرة التي لاتضعف أبدا حتى تحصلي على الصيدلة ولا تنظري الى السن أبدا خاصة وأنك تريدين صيدلة فبامكانك التوفيق في عملك و المراجعة للبكالوريا و أخيرا الحصول عل معدل جيد يؤهلك..أنا أشجعك و أقول لك أنك تستطيعين أدا قلت أنك تستطيعين و عملت ب الأسباب ....لعلمك التقيت بالأمس بصديق لي كان قد أنهى دراسته الجامعية هندسة معمارية ولم يجد عمل و الان هو يدرس صيدلة سنة 3 يعني أنه قريب يتخج طبيب صيدلي....و الله ولي التوفيق

شكرا طلعتيلي المورال بصح خايفة منقدرش نوفق بين الخدمة والدراسة هذا هو المشكل علابالي قراية صعيبة بصح الوقت حابة نعرف التوقيت تاع القراية فالجامعة قبل منسجل باك