*****خبز الدزاير******

[لحن الفرح]

السلام عليكم
صح فطوركم هذه الوصفة جربتها هايلة بزاف بنية وتذوب في الفم وخاصة بشهر رمضان الكريم
المقادير :
4 حبات بيض كامل
1 كأس سكر عادي
1 كأس زيت
1كأس حليب
2 خميرة الكيميائية
مبشور ليمون 1 حبة ليمون
ملعقة اكل فرينة لاكلاس
2 كؤوس سميد متوسط انا نعمل بسميد عمور راهوا هايل .
الشربات :
400 ملل ماء
400 غ سكر عادي
2 ملاعق ماء زهر البرتقال
نعمل الكل في كسروان على نار متوسطة مدة 15 د الى 20 دقيقة ونطفي عليها .
كيفية التحضير :
في إناء نضع البيض + السكر ونضرب جيدا بالباتور حتى يذوب السكر ويطلع البيض ثم نواصل بالباتور ونفرغ الزيت ونواصل ثم الحليب ونواصل بالباتور ثم ملعقة الفرينة ثم الخميرة ونبقى نضرب بالباتور جيدا ثم 2 كؤوس السميد المتوسط زنضرب بالباتور .
سنيوة ندهنها بالزيت ونفرغ الخليط كله ونتركه يرتاح 5 دقائق .
الفرن يكون سخون من قبل ندخل السنيوة في الوسط في درجة حرارة 175 درجة مدة الطهي 25 دقيقة .تصبح لونها ذهبي من الفوق
لكي تعرفي انها طابت الحلوى ندخل الموس لما يخرج ناشف معنا الحلوى وجدت .
نسقي بالشاربات الحلوى ونخليها مدة 5 ساعات تشرب ثم نقطعها مربعات ونقدمها في السهرة .