دنجال في الفور من مطبخي

[OMNIAH]

مساء الخير عليكم جميعا
و جمعة مباركة

هذي اول مرة نحط وصفة من مطبخي اتمنى انها تعجبكم و تجربوها والله الي ما يحبش الدنجال رايح يحبو

1/ الدنجال حطيه في ماء سخون مدة 3 دقائق و من بعد اقسميه على 2 بالطول و خويهم بملعقة صغيرة اي تنحي اللب و تتركي القشرة
كيما في الصورة



حبة بصلة مقطعة رقيقة + شوية زيت +لحم مرحي و اقليهم
و لب الدنجال قطعيه رقيق و ضيفيه للبصلة و الزيت
ضيفيلهم حبة طماطيش مقطعة رقيقة + ملح و فلفل اكحل حتى تحسي انو الدنجال طاب
يمكن اضافة شوية روز ( انا هنا زدت الروز )



هنا انا درتو كيما راه و حشيت بيه حبات الدجال و زدت عليه من فوق فرماج رابي و دخلتو الفور و هذا هو بعد الطياب





و اذا تحبي زيدي للخليط قبل ما تحشي بيه الدنجال حبة بيض و فرماج رابي و صفيهم في المول
و جيبي حبية بيض مضربة + حبة طماطيش مررحية و حطي على وجه كل حبة دنجال شوية
تقدميها مع الروز و السلطة

اتمنى انو شرحي واضح و مفهوم
بصحتكم