مشكلتي مع الدال دو صول

[نوشكا]

كان عندي بلاط عادي اتعبني كثيرا لانه دائما يبدو غير نظيف فقررت ان استبدله بالدال دو صول فاخترت واحدة من النوع الاسباني و لكني تفاجات بعدما انتهيت من تركيبها انها نفس الشيء مثلها مثل البلاط ما اكاد انتهي من تنظيفها ماهي الا ساعة من الزمن و تبدو و كانها غير نظيفة* كما نقول بالعامية يبان عليها التعفاس* بالرغم من انها غالية الثمن 1400 د ج للمتر افيدوني الله يبارك فيكم هل اخطات في اختياري لقد اصبت بخيبة امل كنت اعتقد ان الدال دو صول تبقى نظيفة لعدة ايام و لكن وجدت العكس هل المشكل يكمن في النوعية مع العلم انها بنية اللون و جد ملساء افيدوني ارجوكم لقد تعبت و خسرت كثيرا عليها و الان انا اكرهها لان قطرة الماء تبان عليها لم اجدها كما توقعتها انتظر رايكم من دوي الخبرة و الله يجازيكم

[فرح العمر]

بالعقل اختى ما تتقلقيش انا عندى نفس النوعية و الايامات الاولى كانت متعبنى بزاف بصح مع الوقت والفت بيها نعطيك نصيحة اما تسيقيها ما تخلى حتى واحد يعفس انا ولادى نديرلهم حضر تجول حتى تنشف و ما تبقاش فيها قطرة الماء و لازم تستعملى النشافة حشاك و ما تخميش قد ما سيقتيها تنطاف و تتحسن و الحاجة لمليحة اللى فيها انها ما تحكمش الاوساخ و الالوان

[نوشكا]

شكرا اختي على الاهتمام و الرد ارجو ان يكون الامر كدلك لانني صرت موسوسة منها الله يجازيك و انتظر المزيد من الردود من الاخوات الف شكر

[{ٲُمّنيَــ㋡ ـــــةٌ}]

راني كيفكم تاني حنا عندنا الدال دوصول ودارنا 2اتاج كرهتتتتتت منها

[قدوتي رسولي]

والله يااختي حتى انا نفس المشكل
قالولي ديري ازيز في الماء درت ومانفعش قالولي الخل مع الماء تاني درت ووالو
وشريت منظف خاص بالدال دو صول ووالو
وليت نشفها مليح وندير حضر تجوال كيما قالت الاخت مي واش تحبي ترجع بعد نهار حالة

[ام سارة 285]

اسمحيلي اختي ما عندي حتى فكرة ...... ربي يكون معاك

[دلوعة أبي و زوجي]

أختي الدال دوصول أكل هكذا رانا كامل نعانيو منها و الله هبلتنا ديري حظر التجول و خلاص حنا في الدار كامل كبار و معندناش لي يعفس ييصح أي قطرة ما فيها تبان و 2 إيداج ربي يكون معنا في التسياق و خلاص

[ام هالة شهرزاد]

لا اختي بالعكس اكيداخترتي موديل ماشي هداك هو الدال دو صول يبان فيها النقا رووووعه اغسليه ببرودوي نتاعه او بلاف صول ورايحة تشوفي النتيجة ان شا الله

[شيماء نور]

اختي انا عندي نفس النوعية راني نعاني باتم معنى الكلمة مشكلتي هي انو مهما سيقتها تقعد تبان ما شي صافية حتى اني اصبت بالاحباط ما كاش طريقة ما استعملتهاش انا كان عندي في الاول كرلاج عادي لكن يبان موسخ قررت نعاودو بهذ النوعية وزادت معاناتي اكثر وطول اليوم نسيق تعبت والله وكرهت منها الي عندها طريقة مليحة تفيدني خصوصا للاخوات الي عندها نفس النوعية

[NIHELL]

احنا تاني في دارنا نفس الشيء بس، أنا لقيت الحل ، هو صعب شوي بس الله غالب ،، لازم
بعدما نكمل المسيح بالماء والصابون،،،،، كي تنشف كامل مليح ، نعاود نجوز بنشاف غير مبلل يعني ناشف كي شغل راكي تمسحي الغبرة .... هادي هي طريقتي

[قابضة على الجمر]

حنا تناسبنا لادالدوسول تاع دزاير فرات سيق واعفس على روحك ههههههههههههه

[ام نسمة]

انا تاني درت في داري دال دو صول تاع دزاير كما قالت الاخت سيق وعفس على روحك تتنقى بلخف شكلها كما الكرلاج انا قالو لي ماتكتريش عليها الماء بزاف باش الديسان تاعها ما يتمحاش بلخلف يعني حاشاكم نشافة وبيدون ماء مخلط مع قريزيل او ماء كولونيا راه يفي بالغرض