lماهذه المعاملة !!!!!!!!

samir062 · 2012-07-19, 18:27

اليوم ذهبت إلى متوسطة المطار مقر دفع الملفات الخاصة بالمترشحين في مسابقة التعليم لمرحلتي المتوسط و الثانوي بولاية باتنة فوجدت اصحاب الملفات ينتظرون بالعشرات تحت الشمس الحارقة امام ابواب مغلقة.
وعندما سألت بعض الحاضرين قالو لي انهم على هذا الحال منذ الصباح الباكر و ان المسؤولين عن تسلم الملفات لا يكترثون لحالهم
ما هذه المعاملة الهينة اليس من حقنا ان نشارك في هذه المسابقة او إننا لسنا بشر !!!!!!!!!!!!!!!!

ريمة07 · 2012-07-19, 18:36

يا خويا كبر بالك برك و أقضي صوالحك

راني حاسة بيك قبل سجلنا كيما هك في مسابقة أكتوبر موتونا باش شدّو علينا الدواسا ، خلاونا نستناو بالسوايع حتى ندمنا علاش جينا

بصح في هذه المسابقة تع جويلية الحمد لله عجبني النظام ، رحت سجلت اليوم مكانش فوضى روعة كبيرة

المهم واش نقلك أجركم عند ربي سواء ربحتو و لا ماربحتوش ، و المعاملة السيئة رانا موالفين بيها في مكاتب دزاير ماشي حاجة جديدة، تحملوا راهي تفوت التعبة

و ربي يوفقنا جميعا ان شاء الله

soha1987 · 2012-07-19, 19:41

انا رحت يومين مي والله ما سجلت رغم انو في المطار ماكانش لغاشي كيما طيران هو ما لي ميخدموش ويدخلو في معارفهم على لباب لي يقولو تاع اللغات والله شفتهم يدخلو برك والشرطة هي تاني معاهم يديرو لملفات تحت اللباس نتاعهم ويفوتو وحنا نضلو نستاناو بصح وكيلهم ربي وحنا ثاني ماناش منظمين عيب علينا ندزو بعضانا ونديرو لمشاكل وخليناهم بهاد الطريقة يعاملونا هكاك هوما يقولونا ديرو صفوف نسا وحدهوم والرجال وحدهوم مي هوما لصقين فالباب والله عيب بهاد لعقلية قعدنا متخلفين والله انا واقفة نتفرج وحشمت من هاديك التصرفات سواء ا رجال ولا نسا مالا خلي يمرمدونا ويضحكو علينا ومع مهازل اخرى من مسابقة التوضيف لولاية باتنة

samir062 · 2012-07-19, 21:56

اقتباس:

المشاركة الأصلية كتبت بواسطة soha1987

انا رحت يومين مي والله ما سجلت رغم انو في المطار ماكانش لغاشي كيما طيران هو ما لي ميخدموش ويدخلو في معارفهم على لباب لي يقولو تاع اللغات والله شفتهم يدخلو برك والشرطة هي تاني معاهم يديرو لملفات تحت اللباس نتاعهم ويفوتو وحنا نضلو نستاناو بصح وكيلهم ربي وحنا ثاني ماناش منظمين عيب علينا ندزو بعضانا ونديرو لمشاكل وخليناهم بهاد الطريقة يعاملونا هكاك هوما يقولونا ديرو صفوف نسا وحدهوم والرجال وحدهوم مي هوما لصقين فالباب والله عيب بهاد لعقلية قعدنا متخلفين والله انا واقفة نتفرج وحشمت من هاديك التصرفات سواء ا رجال ولا نسا مالا خلي يمرمدونا ويضحكو علينا ومع مهازل اخرى من مسابقة التوضيف لولاية باتنة

صح حنا مناش منظمين لكن هذا ما يعطيهمش الحق يقفلو لباب في وجوهنا هما ما يخدموش خدمتهم لوكان يخدمو خدمتهم ما تكونش هاذ الفوضة تجيب سمانة كل يوم تبكر باش تدفع دوسي !!!! لوكان يحكموه عليك من نهار الأول مايكونش لغاشي

AyOuB0587 · 2012-07-19, 23:36

انا من باتنة
ولحد الان لم اذهب لدفع الملف بسبب الذي اسمعه
سانتظر حتى يخف الضغط ثم نرى

badrolastar · 2012-07-20, 11:45

والله لقد رايت بالنسبة لدفع الملفات في مسابقة التوظيف في تلمسان مالا عين رات ولا اذن سمعت ابطالها العنصر النسوي فمنذ 04:00 صباحا ترى ما يقارب 400 مترشحة ملتصقة في باب المؤسسة اما في 08:00 صباحا ما يقارب 1000 مترشحة و 50 مترشح اما الفزع الاكبر هو عند محاولة فتح الباب يا ل الهول تواغ"صياح" سقوط في الارض اغماء صوت الاسعافات .وشرطة مكافحة الشغب "الله يحفضهم" لولا تدخل الشرطة لما كان لاي مترشح من الذكور دخول المؤسسة والتسجيل والاسوء هو ان العنصر النسوي لا يهمهم ان اختلطوا مع الرجال بل يدفعون فيهم ويتهمون البعض بالتحرش لكي يبعدوه اما من يدعون انهم حوامل فهناك ب المئات اما الشرطة فهم مؤجورين على صبرهم لو كنت مكانهم لنفذ صبري المهم لكي احافض على صورة الاساتذة لم اقم بتصويرهم لاني لو فعلت ذلك لاصبحت تلمسان مهزلة الولايات الجزائرية فمن راى تلك الصورة لحمد الله على انه لم يضيع حياته من اجل الحصول على ليسانس ولحبطت عزيمة اي طالب يدرس في الجامعة اما بالنسبة لمن تمكنو من دفع الملفات فهنيئا لكم لصبركم وشجاعتكم وجهادكم والله الموفق.

sandokhane · 2012-07-20, 12:50

نفس الشيئ هنا في تلمسان ... معاملة جد مهينة للمترشحين و الأدهى أن رجال الشرطة هم من تكفل بتنظيم العملية .. فكانت النتيجة : معاملة سيئة و تنظيم فاشل تحت شمس حارقة..

أمير جزائر الخالدات · 2012-07-20, 14:37

ربي يستر علينا

حسناء اليمامة · 2012-07-20, 15:03

اما في ولاية البليدة عار ثم عار ثم عار مايحدث انه ياتو على 04:00 و يمركيو اسمهم عدد المترشحون كل يوم 1000 و اللي يحط الملف قرابة 50 في اليوم ما هذا نحن اصحاب الشهادات يمرغو بينا لرض انا عندي من تهار الاحد ختى لنهار الخميس نروح نلحق على 06:00 مزال مدفعتش الملف هذا غير باه نحطوه راه يصرا لعجب الامر ان عمال المديرية يعملون من 08:30 ختى الساعة 12:00 الا يحق لكل من يرغب بالترشح للمسابقة يسجل هذا الامر اصبح بعيد المنال في بلادنا عيب وعار هذه الفوضى مصنوعة من طرف الادارة حتى يقل عدد المترشحين و يدخلو معارفهم وتقل الطعون على فكرة نجحو في مرادهم انا شخصيا سمحت بزاف تمرميد سمانة وانا مبوانتة فما مرضت وليت ماناكل ما نرقد من التعب

الفارس الجدَّاوي · 2012-07-20, 15:14

السلام عليكم:
لا حول و لا قوة إلا بالله.

ابراهيم داود · 2012-07-20, 15:16

وفقكم الله اخوتي و خفف عنكم المشقة

soha1987 · 2012-07-20, 22:30

ارواحو لباتنة تشوفو والله مهزلة كبيرة غلقو الابواب في وجوهنا و يدخلو عشر عباد ويقعدو معاهم سوابع هادي خدمة ولا خلي وزيد حنا ذلينا روحنا بتصروفات لا تمت بصلة لطالب العلم واستاذ الغد علاه تبكرو على4:00 ؟ وكي يحلو لباب علاه ماتدخلوش منظمين والله عيب علينا مع يفتحو لباب يتجراو كي قطيع الماشية يا للهول و الله شبعو علينا ضحك علاه ماديروش نظام باش نبينولهم التحضر ولا حابين تقعدو متخلفين وانا والله ماندز وماني مبكرة ومانقيمش هادوك لعباد لي راهم يديروها بلعاني باش يذولونا اما بالنسبة للعنصر النسوي صح والله يدزو ويحشرو ومايحمهومش وما يهمهومش حشروهم رجال هادوك راهم اشباه نساء وماعندهومش كرامة وانتوما قولوهم ديرو صفوف نسا وحدهوم ورجال وحدهوم ورغموهم بسيف عليهم لانو مايحشموش هوما لي جابولنا لبلا وديرو لجنة وافرضو النظام وان شاء الله ندفعو الدوسي كامل وصح فطوركم