العفوية الزائدة

Lydia istanboul · 2012-07-14, 17:20

السلام عليكم إخوتي....أريد أن أطرح عليكم هذه العادة....بعيدا عن شخصنة الموضوع,هناك أشخاص لا يقلون ذكاءا و فطنة بل و حكمة عن غيرهم لكن تجد فيهم تلك العفوية الزائدة التي تجعلهم يفضون بأسرارهم هل يا ترى يعتبر هذا ضعف او عفوية زائدة ام ثقة زائدة في الناس أم سذاجة..مع العلم تجدهم سريعي التندم على الافصاح لكن هي حلقة مفرغة أين يغلب الطبع التطبع و التكتم .....أريد أرائكم و اذا كانت فعلا تعتبر مشكلة فما الحل يا ترى؟؟؟ من فيه او كانت فيه هاته الطبيعة يحكي لنا و كيف تخلص منها.....

مريم الصابرة · 2012-07-14, 17:32

السلام عليكم اختي والله يا اختي بارك الله فيك على الموضوع الرائع
اختي بارك الله فيك شوفي نقولك بكل صراحة انا والله يا اختي ممكن من الردود تشوفوني قبيحة وممكن تقولو صريحة بزاف او وقحة لمن يا ختي والله اللي في قلبي على لساني ونهدر امام الجميع ونضحك مع الناس وعادي وما نعمرش قلبي وما عنديش اسرار مرات صحاباتي يقولولي راكي روطار ولازم تشدي اسرارك في قلبك وكوني شويا دايرة حيلة مي ما نقدرش مثلا لو نشري حاجة ما نعرفش نخبي نجري نوريها ولو تكون حاجة راحا تصرالي مقلا مناسبة نفرح كل اللي نعرفهم يعرفوني وما نخبيش انا نقولك اختي ما نعتبرهاش ضعف اجدادنا قالو مول النية يربح وخلي نيتي تربح حتى لو البعض يرجعو عفويتي ضعف لكن انا خارجة عليا شكرا وبارك الله فيك

Lydia istanboul · 2012-07-14, 18:03

اقتباس:

المشاركة الأصلية كتبت بواسطة مريم الصابرة

السلام عليكم اختي والله يا اختي بارك الله فيك على الموضوع الرائع
اختي بارك الله فيك شوفي نقولك بكل صراحة انا والله يا اختي ممكن من الردود تشوفوني قبيحة وممكن تقولو صريحة بزاف او وقحة لمن يا ختي والله اللي في قلبي على لساني ونهدر امام الجميع ونضحك مع الناس وعادي وما نعمرش قلبي وما عنديش اسرار مرات صحاباتي يقولولي راكي روطار ولازم تشدي اسرارك في قلبك وكوني شويا دايرة حيلة مي ما نقدرش مثلا لو نشري حاجة ما نعرفش نخبي نجري نوريها ولو تكون حاجة راحا تصرالي مقلا مناسبة نفرح كل اللي نعرفهم يعرفوني وما نخبيش انا نقولك اختي ما نعتبرهاش ضعف اجدادنا قالو مول النية يربح وخلي نيتي تربح حتى لو البعض يرجعو عفويتي ضعف لكن انا خارجة عليا شكرا وبارك الله فيك

والله يا مريومتي فرحت بزاف كي لقيتك اول رد..قلبي على قلبك...ماشاء الله على ذي الثقة في النفس وكلامك صحيح و عمري لا شفتك قبيحة حاشى بالعكس تبانيلي طيبة القلب و هذه ميزة وليست عيب لكن يا مريم وقتاش تولي نيتنا جياحة خصوصا لما الناس يستغلو الناس عفويتنا وافصاحنا على امورنا؟؟؟

soso sirin · 2012-07-14, 18:25

هي في الصح ماهيش مشكلة مي والله في وقتنا ولات مشكل كبير و انا والله نهدر و بكل عفوية و مرات حتى نهدر باه نولي نقول واش درت واش قلت سوغتو ماشي كامل الناس يتامنو على الكلام مي ضروك وليت بحال ندير كونترول على لساني لانو ولى يديرلي شوية مشاكل.مي باه نقدر ندس شي حوايج والله مانقدر انا كي نزعف نبين و كي نفرح نبين الله غالب حتى خممت باه نشري ديماسك و نديرهم على وجهي كي نخرج و نقابل الناس.و شتاهي الي ضرك ولات تقتل يا ليديا لما تلقاي شي هدرة قلتيها غير لشي ناس حتى تلقايها عند الناس كامل الواحد يحكمو انهيار عصبي و لا انتي مامنة شي ناس و تحكيلهم و منبعد تسمعي شي حاجة عليهم من برا و انتي ضروك كنتي مريحة معاه على جال هاذو الحوايج الي ضروني بزاف بزاف تبدلت شوية من عقليتي مي والله الي فيه طبع مايقدر يبدلو بزاف و كيما قالت مريومة الواحد يهدر و يدير النية لانو مول النية هو الي يربح المهم يعرف الواحد واش يقول و مايحكيش للناس كامل .و ديجا راكي شايفتني انا راني في النت و كي نرد تحسب راني نكتب ف كاش مقالة.

Lydia istanboul · 2012-07-14, 18:34

اقتباس:

المشاركة الأصلية كتبت بواسطة soso sirin

هي في الصح ماهيش مشكلة مي والله في وقتنا ولات مشكل كبير و انا والله نهدر و بكل عفوية و مرات حتى نهدر باه نولي نقول واش درت واش قلت سوغتو ماشي كامل الناس يتامنو على الكلام مي ضروك وليت بحال ندير كونترول على لساني لانو ولى يديرلي شوية مشاكل.مي باه نقدر ندس شي حوايج والله مانقدر انا كي نزعف نبين و كي نفرح نبين الله غالب حتى خممت باه نشري ديماسك و نديرهم على وجهي كي نخرج و نقابل الناس.و شتاهي الي ضرك ولات تقتل يا ليديا لما تلقاي شي هدرة قلتيها غير لشي ناس حتى تلقايها عند الناس كامل الواحد يحكمو انهيار عصبي و لا انتي مامنة شي ناس و تحكيلهم و منبعد تسمعي شي حاجة عليهم من برا و انتي ضروك كنتي مريحة معاه على جال هاذو الحوايج الي ضروني بزاف بزاف تبدلت شوية من عقليتي مي والله الي فيه طبع مايقدر يبدلو بزاف و كيما قالت مريومة الواحد يهدر و يدير النية لانو مول النية هو الي يربح المهم يعرف الواحد واش يقول و مايحكيش للناس كامل .و ديجا راكي شايفتني انا راني في النت و كي نرد تحسب راني نكتب ف كاش مقالة.

أضحك الله سنك يا سيرينا والله اسلوبك حلو سكر و ينحي على الخاطر و سوغتو كلمة تديري ماسك هههه وقيلا هدا هو الحل النهائي للنوايا كي حالتنا,,,,

SOUSOU. DZ · 2012-07-14, 21:02

السلام عليكم

نقولك الصح صح انا لي في فمي نقولها والله مانعرف اسكو هدي طبيعة مليحة نقولك الصح ربي يهديني المهم مانكثرش الهدرة لايقولو راني ثرثارة ايا سلام علليكم لعقوبة نزورك في موضوع جديد

مريم الصابرة · 2012-07-14, 21:11

اقتباس:

المشاركة الأصلية كتبت بواسطة lydia istanboul

والله يا مريومتي فرحت بزاف كي لقيتك اول رد..قلبي على قلبك...ماشاء الله على ذي الثقة في النفس وكلامك صحيح و عمري لا شفتك قبيحة حاشى بالعكس تبانيلي طيبة القلب و هذه ميزة وليست عيب لكن يا مريم وقتاش تولي نيتنا جياحة خصوصا لما الناس يستغلو الناس عفويتنا وافصاحنا على امورنا؟؟؟

السلام عليكم اختي شكرا وربي يخليك عل كلامك الرائع
نقولك وينتا تولي نيتنا جياحة لما ديري نية مع ناسس إنت عارفتهم صحاب حيلة ومهما ديري معاهم ديما يشوفو رواحهم احسن منك لما ديري معاهم النية اكيد راح يزيدو يضحكو عليك ويغتبروك جايحة هذو مليحة معاهم الحيلة إضربيهم بسلاحهم واللي يستغل عفويتك هذاك راه يخدغ في روحو عارف النية من قلبك خالصة وهو داير الحيلة اعطيلو مرادو خليه يشوفك منوية المهم يعرف روحو نتاع حيلة وما يروحش بعيد موفقة حنونة هلي نيتك مع ربي مليحة وأكيد راحا تلقاي ناس تقدر نيتك وعفويتك موفقة الإسطنبولية ههههههههه

malak achark · 2012-07-14, 21:17

فعلا اختي هي مشكلة
وانا اعاني منها
لاني ارى ان كل الناس طيبة ويحبون لي الخير
اريد مشاركة الجميع افراحي واحزاني ظنا مني انهم كلهم يحبون لي الخير
لكن اختي الغالية
هذا غير صحيح
معى انني اعلم بان هاته العادة غير سليمة لكن كما قلت الطبع يغلب على التطبع
دائما اقول اشياء ثم اندم ولكي ابرر لنفسي اقول المهم انني بنية صادقة وكلهم مثل اخواتي لكن والله هذا غير صحيييييييييييييييييييح

الواثق · 2012-07-14, 22:29

العفوية شيء جميل فهي تترك الانسان على فطرته دون تصنع ..................لكن للاسف بعض الاحيان يقولون ان الصراحة في كل شيء هي العفوية فالكثير منا يتكلم ويكشف عن اسراره بل يكشف حتى على ذنوبه ويجهربها ويقول لكي انا عفوي ..............فالعوفية الايجابية هي عفوية التعامل مع الناس ..................اما افشاء والتكلم عن اي شيء فهذه ستصبح مصيبة خاصة اذا وصل الكلام الى ذوي النفوس الضعيفة ..........................لهذا احب ان ابقى مجهولا في بعض الامور مع ابقاء العفوية في التعامل ...........................ولكنني مرات واندم كثيرا على التكلم في اشياء ربما السكوت كان افضل

soso sirin · 2012-07-14, 22:34

اقتباس:

المشاركة الأصلية كتبت بواسطة lydia istanboul

أضحك الله سنك يا سيرينا والله اسلوبك حلو سكر و ينحي على الخاطر و سوغتو كلمة تديري ماسك هههه وقيلا هدا هو الحل النهائي للنوايا كي حالتنا,,,,

ربي يخليك يا ليديا مي واش ديري وقتنا ولى صعيب بزاف و اذا ماقدرناش على ليماسك ماعندنا غير كي نجو نهدرو نعدو حتى لعشرة باه نحبسو و مانهدروش .

محمد...عبد النور · 2012-07-14, 22:51

السلام عليكم أختي الكريمة ليديا
ربي يبارك فيك على الموضوع المفيد
في زماننا اصبح من يتكلم و يفصح عن اخباره لا اقول اسراره من اغبى الناس ذلك لان قليلا من الناس من يرقب فينا إلا او ذمة
قد نتكلم عن امور بواقعية و نفصل فيها على أساس ايضاح المعاني فاذا بنا نسمع اخبارنا عند كل الناس او نصبح قد جلبنا على انفسنا اهتمام هؤلاء الناس و حسدهم و تعدادهم من حيث لا ندري
اما الاسرار قد نفشي سرا لشخص ما لكن لا نلبث ان نندم اننا قلنا ذاك حتى و ان كان من افشينا سرنا لديه امينا عليه لأن القلوب و النفوس لا تطيق لما تكشف اسرارها
لكن الدنيا نتعلم فيها كل جديد و كل يوم نكتشف امور نجهلها
لذا اذا اخطأنا على الاقل يجب علينا عدم اعادة الخطأ مرة اخرى
و قبل ان ننطق نعرف ماذا سنقول و من سنكلم
ربي يعرفنا شا نديروا
شكرا لك اختي و بارك الله فيك و جزيتي الجنة
ســـــــــــــــــــــــــــــــلام

Lydia istanboul · 2012-07-14, 23:13

أحب لما أرد لا أشكر فقط و إنا احلل و اناقش الاجابة لهذا و لإنشغالي الأن سامحوني و سوف أرد غدا ان شاء الله لكل واحد على حدى

Lydia istanboul · 2012-07-15, 17:59

اقتباس:

المشاركة الأصلية كتبت بواسطة sousou. Dz

السلام عليكم

نقولك الصح صح انا لي في فمي نقولها والله مانعرف اسكو هدي طبيعة مليحة نقولك الصح ربي يهديني المهم مانكثرش الهدرة لايقولو راني ثرثارة ايا سلام علليكم لعقوبة نزورك في موضوع جديد

أهلا بالعضوة المميزة سوسو ,,,,حالك من حالي يا سوسو لي في قلبي على راس لساني لكن لازم نتعلمو نخلو لينا جزِء من افكارنا و اخبارنا و احاسيسنا لكي لا نندم فيما بعد....الثرثار بالنسبة لي الذي كلامه فارغ مهما كان قليل كلام...اما الغير ثرثار حتى لو كثر كلامه كان ذو فائدة

Lydia istanboul · 2012-07-15, 18:03

اقتباس:

المشاركة الأصلية كتبت بواسطة مريم الصابرة

السلام عليكم اختي شكرا وربي يخليك عل كلامك الرائع
نقولك وينتا تولي نيتنا جياحة لما ديري نية مع ناسس إنت عارفتهم صحاب حيلة ومهما ديري معاهم ديما يشوفو رواحهم احسن منك لما ديري معاهم النية اكيد راح يزيدو يضحكو عليك ويغتبروك جايحة هذو مليحة معاهم الحيلة إضربيهم بسلاحهم واللي يستغل عفويتك هذاك راه يخدغ في روحو عارف النية من قلبك خالصة وهو داير الحيلة اعطيلو مرادو خليه يشوفك منوية المهم يعرف روحو نتاع حيلة وما يروحش بعيد موفقة حنونة هلي نيتك مع ربي مليحة وأكيد راحا تلقاي ناس تقدر نيتك وعفويتك موفقة الإسطنبولية ههههههههه

إجابتك درر و كلامك عسل يا مريم,,,ربي يوفقك و يشفيك و من خيرو يعطيك

Lydia istanboul · 2012-07-15, 18:06

اقتباس:

المشاركة الأصلية كتبت بواسطة malak achark

فعلا اختي هي مشكلة
وانا اعاني منها
لاني ارى ان كل الناس طيبة ويحبون لي الخير
اريد مشاركة الجميع افراحي واحزاني ظنا مني انهم كلهم يحبون لي الخير
لكن اختي الغالية
هذا غير صحيح
معى انني اعلم بان هاته العادة غير سليمة لكن كما قلت الطبع يغلب على التطبع
دائما اقول اشياء ثم اندم ولكي ابرر لنفسي اقول المهم انني بنية صادقة وكلهم مثل اخواتي لكن والله هذا غير صحيييييييييييييييييييح

أرى أنني لست الوحيدة صاحبة هذا الطبع....صحيح ما قلت .لا يعتبرنا الجميع كما نعتبرهم اخوة و احباء لكن يا ملاكنا فلنعاملهم بخصالنا لا بخصالهم....