تطبيقي لتارت باردة بطبقات الفلون لام راامي

nournour59 · 2012-07-09, 22:40

نقولك يعطيك الصحة ام رامي ربي يخليك و يكملك واش متمنية
راني جربت هادي التارت و عجبتهم للكل جات رائعة شكرااااااااااااااااااا
نخليكم مع الصور

سامحوني الرابط راحلي الا تحبو نعطيكم الوصفة من جديد

ام فريال · 2012-07-10, 08:34

روعة روووووووعة يعطيك الصحة وتطبيق هايل

meriama13 · 2012-07-10, 08:42

تطبيق روعة
راني جربتها و تجي هايلة

خولة الخنشلية · 2012-07-10, 12:04

ياعطيك الصحة اختي والله باين عليها مليحة من فضلك ممكن تعطيني الوصفة

nournour59 · 2012-07-10, 12:27

اقتباس:

المشاركة الأصلية كتبت بواسطة خولة الخنشلية

ياعطيك الصحة اختي والله باين عليها مليحة من فضلك ممكن تعطيني الوصفة

جينواز رقيقة
3بيض +كاس الا اصبع فرينة ونشاء + نصف كاس سكر + 3 ملاعق زيت +شوية خميرة كيميائية

نخفق البياض مع نصف كمية السكر حتى يصبح ميرانق
ونخفق الصفار جيدا حتى يتضاعف حجمه ويميل لونه للابيض ثم نضيف السكر ونواصل الخفق ثم نضيف الزيت مع الخفق دائما حتى نتحصل على خليط يشبه المايونيز
نمزج البياض مع الصفار مع اضافة الفرينة والنشاء والخميرة المنخولين
نسكب الخليط في صينية مدهونة ومرشوشة بالفرينة
نطهيها

نتركها في الصينية نشربها ملعقتين مربى مخففة بعصير البرتقال
نجهز الطبقة الاولى
ملعقتين فلان نوارة ذوق شكولا +ملعقتين سكر +ملعقتين نشاء +كاس كبير حليب +ملعقة كاكاو +4 حبات شكولا الكل على النار بمجرد ما يبدا يعقد نسكبه فوق الجينواز
نتركه في الثلاجة يبرد ونحضر الطبقة الثانية
ملعقتين فلان نوارة فاني +ملعقتين سكر + ملعقتين نشاء +كاس عصير برتقال +القليل من معطر الليمون نمزج الكل فوق النار
عندما يعقد الخليط ننزعه نسكبه فوق الطبقة الاولى
ندخله للثلاجة ونحضر الطبقة الثالثة

كاس فنتا فراز +ملعقتين فلون نوارة ذوق الفراز +ملعقتين سكر وملعقتين نشاء نحرك الخليط ثم على النار حتى يعقد نضيفه فوق الطبقتين السابقتين
نتركها تبرد في الثلاجة ثم ننزعها من القالب ونزينها بكريمة الشانتيي
و ديكور على حساب ما تحبي اختي