لمذا لا يعتني الزوج بنفسه.....؟

rinat · 2012-07-24, 23:27

هذا سؤال دائما يراودني...لملذا لا يعتني الزوج بنفسه...ولا أقصد بالنظافة هنا.وانما نحن النساء ترانا لا نغلب من وصفات الترطيب...والتمليس..والتبييض..والتنحيف...والتسمين. واخر صيحات المودا في لون الشعر وحتى لون العيون وهذا فقط ارضاءا للزوج اللذي وفي لحظة قد لاينتبه لك أو في كثيييييير من الاحيان ينسى (تلبسي حاجة جديدة يقولك ماشي هادي لي شريتهالك العام لي فات......تصورو الشعور
.
وكي تبطلي متسقميش روحك تبانيلو وااااااااع واشنو هاذا

وهو لايكلف نفسه عناء انو يسالك واش من لون بجيه مليح او واش من لبسه تعجبك عليه ....او حتى واش من تحفيفة علابالي راه تقولو هادو حوايج تاع نسا بصح حت في الدين الرجل يتزين لزوجته كما تتزين له .
هل هو خشونية راس ...او كبرياء..او ممكن ثقة زايدة بالنفس يعجبك يعجبك هو ديما ملييح هههههههههه

alma_tala · 2012-07-24, 23:59

hhhhhhhhhhhhhh kaynaaaaaa

مزالنا واقفين · 2012-07-25, 00:22

السلام عليكم

راني معاك لازم يهتم بنفسه فالنضافة و الهندام لكن دون تكلف المرأة اصلا تحب ان تكون جميلة و نضارة الوجه و الرشاقة و غيرها من هذه الامور تحتاج لعناية دورية مستمرة حتى تحافض على مستوى جمالها لتعجب زوجها و تشعر انها محل اعجاب في نفسه و ايضا حتى تتباها بجمالها بين النساء اما ادم عملي اكتر و في مسألت الجمال يحب ان يراه في زوجته اكتر فيسعى دائما يشتري لها ما يزيد من جمالها من لباس و حلييييي أو لا حبا فيها و تانيا لحبه ان يرى السعادة في وجهها و يضيف لها المدح و الاشادة ليقوي اعتزازها بنفسها و ثالثا حتى تتباهى و تتفاخر امام قريناتها بما تلبسه من حلي و جواهر و البسة ووو حتى يرفع رأسها امامهن
و امور عديدة يقوم بها الزوج من اجل زوجته لكن الاغلبية من الزوجاة ينتظرن منه ان يضع كريمات على وجهه و يشتري البسة على دوقها او لا اعرف كيف يفكرن صراحة

sarl02 · 2012-07-25, 02:36

واش من تحفيفة تعجبك هههههه ؟؟؟...والله غير مليحة هده...ها الله غالب مكاش شعر كيما تاع مهند باش كل مرة اخربطلو جدو ويخلعك ...البولا 1 والقدام.

المهدي بن تومرت · 2012-07-25, 05:18

يقول ابن عباس رضي الله عنهما ( إني أحب أن أتجمل لزوجتي كما أحب أن زوجتي تتجمل لي )

جلناار · 2012-07-25, 13:13

الرجل لازم يكون نظيف و لابس مليح يعني يكون عندو هيئة اما التزيين فيبقى للمراة...............

rinat · 2012-07-25, 13:26

اقتباس:

المشاركة الأصلية كتبت بواسطة المهدي بن تومرت

يقول ابن عباس رضي الله عنهما ( إني أحب أن أتجمل لزوجتي كما أحب أن زوجتي تتجمل لي )

شكرا أخي الكريم على الرد فقد اختصرت كل ما اريد قوله ....شكرا مرة أخرى

rinat · 2012-07-25, 13:34

اقتباس:

المشاركة الأصلية كتبت بواسطة sarl02

واش من تحفيفة تعجبك هههههه ؟؟؟...والله غير مليحة هده...ها الله غالب مكاش شعر كيما تاع مهند باش كل مرة اخربطلو جدو ويخلعك ...البولا 1 والقدام.

لماذا التهكم يا أخي فهذه وجهة نظر ولكل وجهة نظره....فنحن لا نبحث لا عن مهند ولا عن غيره...مفهوووووووووووووووووم

مزالنا واقفين · 2012-07-25, 13:43

اقتباس:

المشاركة الأصلية كتبت بواسطة rinat

شكرا أخي الكريم على الرد فقد اختصرت كل ما اريد قوله ....شكرا مرة أخرى

بإختصار اختي
المشكل ما راهش في مبدأ الفكرة المشكل راه فالكيفية اي في كيفية اذاء هذه الفكرة
و نتي طرحت بعض الوميض توحي للكيفية في طرحك ...... اذا فما هو رأيك فيما طرحته عن كيفية اذاءها حسب ما جاء في موضوعك ؟

wahab33 · 2012-07-25, 13:54

والله الرجال اصناف في هذا الجانب كاين لي يتهلا في روحو وكاين لا وكاين لي ضروفو متسمحلوش يتهلا في روحو لكن هو من العدل انو الرجل يجتهد باه يلبس مليح ويكون متحوف ومش غير في اللبسة برك لكن حتى في ممارسةالرياضة باه يكون عندو قوام مليح لأنو المرا بطبعها تنجذب للرجل اللي يكون جسمو منشوق وميكون لا سمين ولا ضعيف كذلك الاهتمام بالاسنان ونضافة اللباس وخاصة الحذاء يا جماعة ملازمش يكون مغبر

red rose 13 · 2012-07-25, 14:05

يقول الرجل زينو تحت باطو هههههههههه

wahab33 · 2012-07-25, 14:05

رانا قاع خاوا ملزمش التهكم والسخرية هذا منتدى لازم يسود فيه السلام والامان ويا اخت rinat متتقلقيش ربما مش قصدو السخرية

wahab33 · 2012-07-25, 14:07

واش معنى( باطو ) يا أخت red rose 13 والله مفهمتش هذي الكلمة

BAROUD · 2012-07-25, 14:12

اللي نظيف نظيف يا لو كان شتا و صيف لالالا هدي تاع الضيف ضيف يا لوكان شتا و صيف

لالا اللي نظيف من داخل يكون نظيف من خارج و النظافة عنوان للرقي و الفكر السليم و الاعتزاز بالنفس

مزالنا واقفين · 2012-07-25, 14:47

اقتباس:

المشاركة الأصلية كتبت بواسطة red rose 13

يقول الرجل زينو تحت باطو هههههههههه

ههههههههههههههههه والله مثل شباب اول مرى نسمعه بصح ضن المعنى عميق
يعي الراجل زينه كي يعتاني بالمرأة لي تكون تحت جناحه
و لا معناها يتباها ببجمال الزوجة تاهه يعني لي راها تحت التجناحه و تفسير التاني نضن باين بلي خاطء

بصح صح اليوم تعلمت مثل شباب و تفسير تاعه عدي نتبناه كيما شرحته في البداية : )