ساعدوني

amal10 · 2012-07-17, 17:43

مساء الخير بنات

عندي مشكل مع الخبز المطلوع ومع جا رمضان لازم تعاونوني
أنا كل ما ندير المطلوع رغم إني نطلق لعجينة ونعركها مليح لكن يجيني المطلوع ثقيل وكي يبرد يولي ماشي مليح
حابة ندير ملوع خفيف ويجي مليح

أعطوني الحل بليز بالتفصيل الممل مع الوقت وكل شي راكم فاهميني

شكرا ويعطيكم الصحة

فرح العمر · 2012-07-17, 18:05

ما تتحيريش اختى شوفى المطلوع يجى مليح على حساب الدقيق كاين الديق اللى يشرب الماء قد ما كرتيلو الماء يجى مليح و كاين دقيق مايشربش الماء و لما تكثرى ما يجيش مليح و ما لازمش تكثرى الخميرية ضرك الحال سخون و بالخف يخمر المطلوع و اهم حاجة لما تقرصى القرصة تاع المطلوع ما تخليهاش خشينة و استعملى المحسن راهو يوالم بزاف المطلوع

ام شرفو · 2012-07-17, 18:17

انا حليت مشكلتي
اولا الخميرة جديدة انحطها في علبة تقفل امليح في الثلاجة
المقدار المعتمد لكل 500 غ اي رطل سميد مغرفة كبيرة ماشي معمرة خميرة
انزيد رشة محسن الخبز عند اللي يبيع لوازم الحلويات
و انحطها في كيس ( ساشي) مدة ربع ساعة
ومن بعد نعركها مليح وانحطها تخمر على شكل دوائر بعد نصف ساعة طلي عليها اذا لقيتيها خمرت شعلي على الطابونة

amal10 · 2012-07-17, 22:24

يعطيكم الصحة ربي يجازيكم ان شاء الله