المقابلة مع اللجنة

لمياء82 · 2012-07-16, 16:03

الكثير من الكلام يدور حول هدا الموضوع و من عدة جوانب واهم نقطة كان الاخرون ينبهونني منها هي طريقة الجلوس امام اللجنة منهم من قال اياك ان تضعي حقيبة اليد على الطاولة لكنه لا يقول اين يجب ان توضع ولا تضعي يديكي على الطاولة فدلك يدل على التعالي وما تربعيهمش وين نديهم....... وانتبهي الى حركة اليدين اتناء الكلام فلواستعملتهما فهدا يعني انك (مقلقة) وانا تعودت على الشرح بيدي واتحدى اي احد ان يتكلم جملة مع شخص غريب ولا يستعمل يديه ما تعليقكم على كل نقطة من فضلكم ولوكنتم او كنتن بالاخص امام اللجنة كيف ستجلسن

لكحل بلال · 2012-07-16, 16:06

مع اللجنة ههه رزقك الله الجنة _________،،لامعلومات العنوان جذبني بالتوفيق

mowakara · 2012-07-16, 16:11

واش من لجنة يا أختاه
تقول تهدري على علماء ذرة ههههها
هوما ناس عاديين و نتعاملوا معاهم عادي
باحترام
لا تصنع و لا تكلف
بالتوفيق

lalib40 · 2012-07-16, 16:16

ههههههههههههههه يووووووووووووويووووووو

omamani · 2012-07-16, 18:40

بنسبة99بالمية تكون القوائم جاهزة نصيحتي ادخلي شنفي وديري رجل فوق رجل و كي تخلصي اخبطيهم بالصاك لانهم شهود زور ولوكان عندهم ضميريقاطعو للمسابقة حتى تكون عندهم مصداقية

لمياء82 · 2012-07-16, 18:45

ايها الاعضاء المحترمين قبل ما تجوزو نتوما المسابقة الاولى تاعكم انا كنت جوزت شحال وعلابالي وشن معناتها لجنة مسابقات فالجزائر وعرضي للموضوع كان بسبب الاستغراب مما يدور في الاوساط ليس الا شكرا على الردود التي تعبر عن مستوى كل واحد منكم

لمياء82 · 2012-07-16, 18:46

اقتباس:

المشاركة الأصلية كتبت بواسطة omamani

بنسبة99بالمية تكون القوائم جاهزة نصيحتي ادخلي شنفي وديري رجل فوق رجل و كي تخلصي اخبطيهم بالصاك لانهم شهود زور ولوكان عندهم ضميريقاطعو للمسابقة حتى تكون عندهم مصداقية

شكرا على المرور و على الرد المحترم لصاحب الموضوع

أمير جزائر الخالدات · 2012-07-16, 19:00

الطبخة جاهزة منذ مدة فلا داعي للقلق

لمياء82 · 2012-07-16, 19:06

هدا ما تعودنا عليه مند زمن بعيد والا لكنا من المرسمين الان فرغم وجود الاختصاص الاقدمية بعض شهادات العمل النتي تحصلنا عليها بشق الاتفس والتي لا تتعدى في معظمها ثلاثة اشهر الا اننا لم نتمكن من الضفر بمنصب دائم الحمد لله على كل حال

omamani · 2012-07-16, 19:08

اختي لمياء انا متخرجة منذ2005 اجريت المسابقة مرتين في الاولى سالوني عن عنوان رسالة التخرج ثم عن الغداء وفي السنة الموالية لم يسالوني اي شيء لاننا كنا ندخل زوج..زوج وكانت معايا واحدة ماسية كي انطونيلا ماشافونيش سقساوني على اسمي وخرجوني وقعدو يشايخو معاها نص ساعة والضحك وخرجت هازة نوامر التيليفون تاعهم وهناوها وفعلا نجحت انطونيلا بالشهادة المؤقتة حتى دون دبلوم ولا سنوات خبرة تكفيها هزة رمش

mowakara · 2012-07-16, 19:11

اقتباس:

المشاركة الأصلية كتبت بواسطة omamani

اختي لمياء انا متخرجة منذ2005 اجريت المسابقة مرتين في الاولى سالوني عن عنوان رسالة التخرج ثم عن الغداء وفي السنة الموالية لم يسالوني اي شيء لاننا كنا ندخل زوج..زوج وكانت معايا واحدة ماسية كي انطونيلا ماشافونيش سقساوني على اسمي وخرجوني وقعدو يشايخو معاها نص ساعة والضحك وخرجت هازة نوامر التيليفون تاعهم وهناوها وفعلا نجحت انطونيلا بالشهادة المؤقتة حتى دون دبلوم ولا سنوات خبرة تكفيها هزة رمش

ههههههههههههها
أعوذ بالله من الشيطان الرجيم واش هاذوا عباد؟؟
قمة الانحراف، وهاذوا من الأسرة التربوية؟؟؟؟؟؟
ياربي استرنا دنيا وآخرة

omamani · 2012-07-16, 19:12

ومن السخرية انه كاين حارس باب مدرسة ابتدائية طلب 3ملاين وينجح المسابقين كي سمعنى الخبر ضحكنا ولكن فعلا اللي دفعو نجحو و5 من عائلة واحدة

omamani · 2012-07-16, 19:16

ممكن الان تحول الامر للدراهم اكثر من الاغراء الجسدي ,لانو في وقتنا هذا الاغراء ما عندوش معنى الناس كلهم عري,واللحم عاد غلى من النسا ولكن تبقى الشكارة وحنا شكارتنا عند ربي سبحانو حافظنا بيها

ولد حمد الباتني · 2012-07-16, 19:25

ياي لا كرسي لا طاولة لا يديك
أصحاب المناصب الن راهم يشريو في الطابليات معروفين
ربي يخزيهم يارب

لمياء82 · 2012-07-16, 19:26

والله كلامك كلو صح مع الاسف انا مند تخرجي طحت مع لجنة وحدة جدية كانت اسئلتها كالتالي ( كانوا ثلاث نساء)
ماهو الفرق بين التربية و التعليم
ماهو هرم وزارة التربية و التعليم
ماهو هرم مديرية التربية
ماهي المؤسسات التي تتعامل مع المدرسة الابتدائية في الجزائر
ماهو حقك كاستادة
كم هو حق المعلم في العطلة
(في اجابتي عن هرم وزارة التربية قلت وزير التربية فقاطعتني احداهن -قولي السيد معالي وزير التربية)
مادا تعرفين عن المقاربة بالكفاءات
كل هدا في جلسة واحدةههههههه (يايعميوها ....يايعميوها)