عاونوني من فضلكم

doudou bonoise · 2012-07-16, 15:47

انا عندي الفلفل الاخضر كتير و حابة نلقى طريقة لحفظه لرمضان لاني جربت الطريقة تاع نشويه و نقيه باه نديروا حميص و بعد التنظيف خبيتو في الثلاجة و لكن بعد مدة احتجته باه نطيبوا لكن وجدت فيه الماء و طعمتوا مش مليحة مالا ارجوكم يا الطيبات الماهرات لعندها طريقة تخبي بيها الفلفل باه نديروا حميص لرمضان تقولي لاتبخاون عليا

soumay12 · 2012-07-16, 16:01

اختي كي تشويه والاحسن تقليه ضيفيلو غير الملح وزيت زيتون

وحطيه في علبة تقفل مليح وزيدي الزيت من فوق حتى يفوت 2اصابع هكذا ما يدخلش

الهواء ومتكونش اكسدة وبالتالي ميفسدش

doudou bonoise · 2012-07-16, 16:15

rabi ykhalik khtitou

doudou bonoise · 2012-07-16, 16:16

يا اختي نشويه و لا نقليه فهميني مليح كتراكش انا حابة نخبيه مشوي و منقي باه نديروا حميص لرمضان

soumay12 · 2012-07-16, 16:43

اختي اشويه لانك رايحة ديري حميص وبعد نقيه عادي

وبعد ضيفيلو قليل من الملح خليه في الملح في

صحن ذرك يطلق الماء قطريه من الماء حتى بتاع السلاطة

وبعد زوديلو مليح الزي زيتون حتى يفوت 2صباع باش ميدخلش ليه

الهواء لانو الهواء هو الي يفسدو والطماطم ديريها حاضرة افضل

وكاين طريقة اخرى غير اقلي قرون فلفل وخليهم يبردو وارميهم في الزيت في علبة

تقفل مليح هاذي للي يحبو الحار باش ميبقوش يقلو كل يوم

وزيدي في مدونتي كاين سلطة رقائق الفلفل مقلي راهي مليحة جربيها

وانشاء الله الاخوات يفيدوك بتجاربهم

لينا11 · 2012-07-16, 19:13

حبيبتي من الافضل تشويه وتحطيه في شكارة تاع نيلو باش يعرق ويسهل عليك نزع القشرة
"حداري تديريه فالماء كي تشويه تروح بنتو ويجي سامط "
من بعد قصيه طراف صغار وعمري شكاير تاع كونجيلاتيون حسب ماتطيبي
وكي تحبي تديري حميص اجبدي فلفل تاعك وحطيه يدوب على مهلو

رابي طماطم وثوم وشوية زيت خليهم يتلاقو غير شوية مابين الفلفل داب وزيديه معاهم وقلبيهم مليح حتى ياخد بنة طماطم وثوم وزيديلو ملح حسب ماتحبي وقدميه بصحتكم