رد مشكلة

[مشكلتي]

https://www.djelfa.info/vb/showthread.php?t=1025047

السلام عليكم
اولا حب نقلكم حاجا مرسي لانكم حكيتو ورديتو بصح ردودكم ماهيش في محلها صح نتوما تعطو رئيكم لانكم ماكمش عايشين الحالة تبينو وكانكم مثاليين مع احترامى الكم
اريد نبرر شي مع انى لست ملزمة لتبرير انا حطيت مشكلة هنا مش حتى نشتكى او اي شي تانى انا وراجلى متفقين ومقررين
زوجى انا اصريت انو نديلو هدى شي المهر يعنى لانو كان فينا ناجلو الفاتحة بصح انا اصريت نديرو فاتحة على اقل كي نتلقى بيه يكون ربي راضي عليا مانيش حبا نبدا حياتى في حرا وانا اا حكيت على علاقة مدة شهر كنا نحكو منين داك في تليفون مهم ماهو هدى موضوعا
راجلى عندو نيف من تقول عنوسة ومهر بزاف وهدرة كبيرة وكي تلقاو وحدة حبا انسان في حلال ولكن لضروف ما مع انو بررتلكم انو هو كان فيه دين ومهري والحمد لله عطاهولى لكن نحكى في هديك الفترة مكانش عندو دراهم
انا نعرف بلي مسلم يوقف مع خوه حتى لو مايعرفوش مش ثنين يحبو بعضاهم وناويين خير تجي وتقول اخ الي قال نيف موقف
لا اخى انت لم تكون في مشكل شكون اقرب ناس يوقف معاك؟ انا نعرف مرتك والا موقفتش معاك املا سوبريميها افضل
انا لم قتلو مهر نمدوه في فاتحة على اساس انو هدى مهري انا عندى دراهم وهو معندوش واش فيها
انا مقتنعة بهدى شي ولا اريد رايكم لانو النية هي اساس حبين نعيشو في حلال ولا انتوما تحبو حرام؟؟؟؟؟؟؟؟؟ بسبب مكانش دراهم وعلاش هدى تناقض
شي تانى 90/100 من جزائري يسبو
صح هدى شي ماهوش عاجبنى بصح اا اي واحد سب نديو حالة املا حتىواحد ماهوش متزوج
نتمنى من اخوى كي يحبو يمدو راي يحطو نفسهم في موقف ومن افضل مايكونش راي ملائكي او كمالي وشكرا ونتمنى تنشروه

[محمد جديدي التبسي]

بارك الله فيك
أنت أدرى، أنا لا أؤمن بالحب قبل الزواج والتضحيات وهذا الكلام لأنه كلام مسلسلات وليس واقعي
إذا أنت مقتنعة بزوجك وتتغاضين عن سبه لك في كل مرة فهذا شأنك وربي يوفقكم لكل خير
النسبة التي ذكرتها مبالغ فيها عن أن الجزائريين يسبو ونحن لا نتحدث بمثالية بقدر ما نريد لك الخير وان ترتبطي بمن ينفعك في دينك مش انت تربيه على ايدك وتنحيلو الطباع السيئة لأن هذا صعب وعموما الله يعينك ويكتب لك الخير في حياتك ..

[فيفان]

مدام 90 بالمئة من الرجال يسبو و هذا حسب رايك اذن اين هي مشكلتك
راكي ديرتي مشكلة و قمتي بحلها بنفسك

[- بصمة خير -]

ربي يوفق

المهم ماتندميش

[نور اليقين جيداء]

انتي راكي عايشة القصة و تعرفيها كي تفاهمتو و ترضيتو هدي حاجة مليحة
ربي يكملك فالحلال ان شاء الله

[النجمة القطبية]

يا اختى المهر حقك وشرع الله
وواجب على الزوج يقدمو ولو كان خاتم من حديد
تنازلتى عن المهر بارك الله فيك والله حاجة مليحة وممتازة يكفى شئ رمزى ومصحف وخلاص قدام الناس علاش حشمتى سبحان الله واش فيها بالعكس الناس راح تقول بارك الله فيها والله يبارك والصح فى الهنا والقناعة كنز لا يفنى
لما الكذب والتزييف قدام الناس
وما موقفك امام اهلك لما يعرفو ومانظرة خطيبك لك اصلا بهذا التصرف تعطيلو مهر باه يمدهولك
عموما بالتوفيق وربى يجيب الخير

[ناشدة السؤدد]

السلام عليكم

بغض النظر عن مشكلتك

المريض اذا ذهب الى الطبيب و طلب منه دواء هل في النهاية يقول له يا طبيب أنا لست مريض ؟؟

أو يقول أنت مخطيء ليس هذا هو التشخيص؟؟

سيقول

لماذا أتيت الي اذن؟؟؟

الاخوة أعطوك اراءهم و كفى يمكن أن تكون صائبة و يمكن أن لا تكون كذلك

عن المشكلة

المهر من حقك و المشكلة هذه فاتت
أما السب و الشتم فأنا وضعت نفسي مكانك أنا لا أتحمل

استرجعي ثقتك في نفسك و ثقته فيك و اطلبي الاغلاق عن موضوع العلاقات السابقة الى الأبد و اياك أن تخبريه بما فات

رأيي و الله أعلم

نسأل الله لك الخير حيثما كان

[hodayena]

اختي المهر حتى ويلا معندوش هو الي يمدو يا لوكان تقدري تفتحي ومن بعد يجيب المهر انا فتحت وفي غرضو جابلي المهر ديالي لاه شرط المهر يجبدوه قدام الغاشي ويشوفوه كامل الناس اختي انتي راكي حابة تبيني للراجلك وللناس انو انت بننت فاميليا ومعاه وتقدري تعانيه مرا تع دار و.......................الخ بص اختي سيتي السب والشتم وكلامو انو لوكان يعرف انو كانت عندك علاقة يقطع كلش يروح واذا كنت نحبو ربي الله لايردو نساعدو نطلب يالوكن حاجة قيلة لكن باه نمدلو المهر المهر من حق المرة والزوج يجيبو يا لكونا خاتم تع الحديد تلويه ومش شرط يكون مهر كبير وحتى واحد فينا مياحب الحرام كنتي قادرة كيما قلت فتحي من بعد يجيب المهر و انتي ادرى بحالك كنتي قادرة تصارحيه بعلاقة تع شهر واحد كي عاجبك زيد كي يروح القدر متكونش علاقة وكي لسب يدخل في وسط اي علاقة نضن القدر يروح وكي راكي عارفة كنتي متحطيش المشكلة باه متسمعيش الشيء الي يضرك والراجل الي يتحكم في اعصابو يوم الغضب هذاك هو الراجل تع الصح اما الي يسب ومن بعد يطلب السماح مكانش رجلة اختي ومدام تحبيه مراكيش تشوفي في هذا عيب راه تبالك حاجة عادية امالا بالهناء عليك

[جسر الأمل]

ماتزيديش تحطي لي بروبلام تاعك كي ولينا مانعرفوش نهدرو وننصحو ...
المهر يا بنتي الراجل يمده اوكيشنز بغيتي ولا كرهت
ومادام راكي مقتنعة بيه وراكي باغية تمديله المهر وهو يمده قدام الناس زعما هو جابه علاه عييتي روحك وبدلتي العضوية وكتبت في الكلافيي ؟؟؟؟؟؟؟؟؟؟؟؟؟؟؟؟؟؟؟؟
ربي يحفظك هده حالة اللي يمد نصيحة .......
بصح بغيت نقولك وعلابالي ماديريش عليا
راكي غير تشكلي
ربي كي شرع المهر وكلف بيه الراجل مشي غير هكا
خمي مليح
وادا ماعندهش علاش يخطب سبحان الله

[faty05]

اذا انتي راضية عليه و كل شي لاباس لما وضعتي موضوع قي قسم مشكلتي ؟؟

[صُبح الأندلس]

أظنك لم تكوني بحاجة إلى آرائنا بل إلى من يسمعك فقط دون أن يتكلم
أرى أن يغلق الموضوع فلا طائل منه