توضيح من صاحبة مشكلة

مشكلتي · 2012-07-11, 17:11

السلام عليكم
شكرا لردودكم لكن انتم لم تفهمو شيئ مما قلت
اولا مهري عطاهولي كامل مكمل وفوقو حبة مسك كيما يقولو انا اصريت انو نعمل فاتحة وهو دفع مهر هاد اصرار منى وكنا متفقين انو مهري راح يمدهولي خلال شهرين
شيئ تانى الحمد لله زوجى راجل ونضن اي راجل مايحبش مرتو يكون عندها ماضي وهو من باب استفسار فقط سئلنى عن ماضي
ولا انتوما تحبو راجل يتزوج مع وحدى عرفت 100 واحد قبلو؟؟؟؟؟؟؟ هدى هي رجولة بنضركم
وشي تانى انا هنا مانيش نشتكى انا نحبو وهدى يكفيني
وارجو من اخوى واعضاء الكرام تفهم الحالة قبل تقدم بنصح وشكرا وجزاكم الله كل خير

محمد جديدي التبسي · 2012-07-12, 10:14

بالمختصر المفيد، بغض النظر عن شخصية خطيبك
لا تخبريه عن ماضيك أبدا وامضي في حياتك معه وربي يوفقك لكل خير

malak achark · 2012-07-12, 10:40

وفقك الله واياه

vivaldi · 2012-07-12, 15:46

ربي يوفقكم في الحلال
و عفى الله عما سلف
إبدئي صفحة جديدة مع زوجك و لا تكترثي لكلام الناس ، و إبتعدي عن رفيقاتك ( سيئات الصمعة ) حتى لا تقعي في حرج مع زوجك

abdel02 · 2012-07-12, 16:28

تحبيه ويحبك...الله يدوم المحبة...ولكن علاش درتي مشكلتك هنا...حتى بداو خاوتنا "يذبحوا "في خطيبك بالموس الحافي...

hodayena · 2012-07-12, 17:17

اذا انتي تشوفي الراجل الي يسال عن ماضي البنت راجل ياختي نضن انو راكي غالطة بزاف الراجل لما يحب يتزوج يسال عن اخلاق الفتاة اما الماضي ميخصوش يخص البنت وحدها واذا ربي يغفر ويمحي الذنوب تع انسان واش دخل شخص يمكن هو زابلها من كل النواحي واذا انتي رضيتي يسقسيك عن ماضيك لانو معملتيش علاقات كاين بنات مساكن مراحوش برجليهم وغلطو وتلقايهم تايبين والراجل معندوش الحق يسقسي الطفلة على ماضيها لانو هو تاني عندو ماضي مهما كان اما ينساه ويبداو من نقطة الي تلاقو فيها والا فلا داعي

سارة البوسعادية · 2012-07-12, 18:43

اختي اين المشكل ؟؟حدديه في نقطة لاني قريت 3 مواضيع نتاوعك
نلقاك تدافعي على الامور الي اعتبرتيهم مشاكل
1- يسلف من عندك دراهم المهر؟؟؟؟؟؟ حطي عليها مليون علامة استفهام وش زاربك قلو لمهم في قرضك ونستناك علاش تبينيلو بلي راكي حابة تربطيه في اقرب فرصه حتى توسوس وعشا يسقسي على ماضيك
2-السب هذا مشكل مانقدروش نحلوه بنصائحنا هذي نقطة افتحيها معاه وتناقشيها معاه والي اولو شرط اخرو نور قلو هذا الاسلوب ما يعجبنيش وشو في ردو
وتقولي 90 بالمية من الجزائرين يسبو ....لكن يفهمو نهار وحدة تبينلهم بلي اسلوب ما يعجبهاش ما يزيدش يعاودو
3-انو يسالك على ماضيك مانقلكش ماعندوش النيف ولا عندو لانو مش هذي الي تقيسي بيها الامر
انه انسان جاد يعني لو عرف بصدفة رح ينفصل عليك يعني رح تعيشي في تخوف دائم من الافضل انك تخبريه وتحكيلو الصح لانو لو اكتشفها اذا قرر يكمل معاك يمرر عليك حياتك وتفقدو الثقة
ويا اختي لاتعتبري انو كلام الاخوة مثالية لا بلعكس هذا هو الصح
احنا عندنا لو دار ت الطفلة عفسة كيما هاك حتى لو اصرت عليه خطيبته يبطل منها لانو يعتبر انقاص من رجولته >>نقصد المهر

~~أم البشائر~~ · 2012-07-13, 03:10

اختي مادام قادرة تحلي مشاكلك وحدك يعني ان راينا لا يفيدك

صُبح الأندلس · 2012-07-13, 08:43

سبحان الله في رسالتك السابقة تشتكين منه و الآن تدافعين عنه و تطلبين منا أن نفهم الحالة!!!

[quote=مشكلتي;10766059]لسلام عليكم

فتحنا لم يكن يملك مهري فقررت انو نعطيلو مهر من دراهمى قدام اهلنا على اساس انو هدى مهري وتفهمنا انو كل مايخلص يعطيني
فاصيليتي

خطيبي يقلي كون نعرف بلي عرفتى ولا خبيتي عليا نقتلك انا راجل وعندى نيف

هو كي يزعف يحكى بزاف ويبدى غير يخليط يعنى يسبنى وكي نزعف منو يقلي سمحيلي وانو الله غالب عليه هو تربى هكدا وانو راح يغير العادة هادى
دروك انا مانيش نقدر نستحمل كل ماندابزو يسبنى
وشي تانى لم عرفنى كان في عندى صديقات كيما لبنات تاع دروك يحكو في تليفون مع لي جات يقلي رانى خايف انتى كنتى منهم
كيفاش ندلو هدى
هو يقلي نعرفك بنت فاميلا على هدى خطبتك ونويتك تكن زوجتى بصح كون نعرف بلي خبيتي عليا راح ننقلب عليك
واش ندير نصحونى وانا والله مادرت والو هي علاقة دامت شهر ونص وكل واحد راح في طريقو
نصحونى ربي يخليكم

أخبريه بعلاقتك تلك و سترين الرجلة على حقيقتها

عُضو مُحترم · 2012-07-13, 10:01

مادام راه عاجبك و مش حابة تشتكي عليه

و مش عاجباتك آرائنا

علاه اصلا كتبتي مشكلتك هنا؟؟؟؟؟

دكتورة بإذن الله · 2012-07-13, 10:04

يظهرلي تناقض واضح بين الرسالة الاولى و الثانية ؟؟؟