الصلاة

[fifi 18]

السلام عليكم ورحمة الله و بركاته
كلنا نعرفوا انو الصلاة عماد الدين و شأنها عظيم في الاسلام و اختلاف العلماء في كفر و عدم كفر تارك الصلاة
و انا نذكر مرة الاستاذ سأل كم واحد يصلي في قسمنا و تفاجأت من العديد القليل اللي يصلي مقابل عدد كبير من تاركي الصلاة
و فيه اللي قال ما نصليش و هو مستحي و فيه اللي قالها بكل جرأة
و كي تسأل علاه ما تصلوش يجاوبوك: ديما نبداها و من بعد نبطل
اما كون تسأل على ماتش تاع كورة الا شافوه البارح الكل يجاوبوك ايه
و الا سألت شي وحدة على مسلسل تقولك كل يوم متبعاته و ما نفرطش في حلقة
كل هذا و الصلاة اللي هي خمس دقايق او اقل كل وقت تفرطوا فيها
و نتفكر مرشدة دينية ربي يبارك فيها قالت كلمة في تارك الصلاة
قالت انو كل واحد يترك صلاته متعمد و كأنه يقول للمولى عز و جل يا ربي انا ما نحبش نتواصل معاك و مانيش حابة تكون بيني و بينك صلة لانو في الحق هذا هو المغزى في الصلاة
و ايضا كاين ناس يصلو غير في رمضان؟معقول هدا يعني كاين ربي غير في رمضان
اليكم الخط في تحليل هذه المشكلة من منظوركم
انا قلت كلامي و اعتذر ان أخطأت و استغفر الله العلي العظيم

[le fugitif]

تمنع كتابة المواضيع بالدارجة وتستثنى الأقسام الخاصة باللغات الأجنبية أو اللهجات و الثقافات المحلية ...