صاحبة مشكلة انا في حيرة الجديد

[مشكلتي]

السلام عليكم راني جيتكم اليوم و معايا الجديد و تمنيت انو يكون يفرح لكن الله غالب
بش نفكركم هدي مشكتي https://www.djelfa.info/vb/showthread.php?t=1009747
و البارح قتلو بلي العلاقة بيناتنا حرام و ادا حابين نكملو نكملو في الحلال وشاف التعليقات نتاعكم عاتبني [COLOR="rgb(46, 139, 87)"]و غاضو الحال لكن الي ماتوقعتوش انو يقولي الله يسهلك[/COLOR] جاتو ساهلة هدي الكلمة و حرقتلي قلبي
وكلت امري لربي و من بكري مالفا بربي يخلف و على بالي ربي مايخلينيش
شكرا لكل من نصحني و فتحلي عينيا و دعيولي ربي يهديني و يغفرلي

[da3dou3]

هذي حياتنا ديما فاها ربي يخلف. اذا كان يحبك راهو مسمحش فيك بسهولة. ربي معاك يا الاخت.

[صُبح الأندلس]

الرجل الذي يسوّف و يؤجل الارتباط في الحلال و يتعذر بالمشاكل و غيرها و لكن يستمر في علاقة غير شرعية و لا يجد حرجا في ذلك لا خير فيه
فليذهب غير مأسوف عليه و لا تحزني لأنه لا يستحق

[أم لجيـن]

وعليكم السلام .....ربي يعوضك بلي خير منه ان شاء الله

[lila z]

الحمد لله على كلّ شيء أختي
إن شاء الله يعوضك بما هو أحسن،

[نجمة ساطعة]

ربي يخلف عليك .......

[selma sosou]

و عسى ان تكرهو شيئا و هو خير لكم لازم تفرحي هادا ما يستهلكش ربي يعوضك خير منو اصبري

[Rose19]

اهم شيئ ادعي من الله الغفران
ربي يرزقك بالزوج الصالح
انسي لفات و أنضري للغد

[malak achark]

يا اخت لاداعي الى هاته النزوات مرة اخرى وان كان الله مقدر لك شيء سيصلك حتما
ادعي الله سبحانه وتعالى
ولا تؤدي بيدك الى التهلكة ثم تقولين(مالفة بربي يخلف)
وفقك الله اختي لما فيه خير ورزقك الزوج الصالح

[عُضو مُحترم]

شفتي كيفاش

كي لحقنا للصح قاللك ربي يسهل



انتي ثاني ربّي يسهل عليك و يرزقك ماتتمناي

[faty05]

الله يخلف عليك في لحلال

[فاطمة الزهراء31]

السلام عليكم
شوفي حنونة نقولك حاجة ديرها مليح في بالك الراجل غدار ومتامنيش فيه والراجل لي يطول مايزوجش وهو قادر عرفي بلي فيه حاجة عيب ماخلاهش يتزوج مثلا يكون غي تاع بنات ولامشكاك بصح المرا تبع مكتوب تاعها خطيك منه وديري القلب ماتشوفيش لعشرة 6 سنين كاين متزوجيين وقعدوا10 سنين وتفارقوا وتآكدي بلي ادا ما وقفتيش دروك على رجلين والله غي يرميك ويعايرك بيها ويقولك كيما خدعتي والديك وهدرتي معايا تخدعيني وادا داك ديما يعايرك بيها شحال من واحدة تزوجت بلي بغاته وسمح فيها وعايرها وعاشت لمرار وتفكري ديما هدرتي ورانا عليها وتقولي فاطمة الزهراء قالت ربي كي يكتبلك حاجة واحد مايقلعها والمكتوب ماكانش لي يعرفه خطيك منه وماتقيميهش وصدقيني خلي ايمانك بربي وماتتعرفي على حتى واحد بالحرام وتشوفي ربي ادا مافتحهاش في وجهك وسترك ماكانش منه الحب الحب تاع صح يجي بعد الزواج وانتي راكي في سن زواج مش تفوات للوقت دروك بنات تاع19 و20 و21و22 حتى 25 تلقيهم يخمموا في زواج ويطيروا ويعرفوا صلاحهم انسيه وادا جاك واحد متربي ومدين وخدام قبلي وزوجي في الحلال وخدمي زوجك ورضيه قنعي وخلي عندك ثقة في ربي وفي روحك ورضي ربي ورضاي بلي كتوبك ربي
وربي يفرج عليك بلي خير منه والله يستر قاع بنات المسلمين

[أم البشائر]

السلام عليكم اختي


اظنني قد عرفتك وتشرفت بذلك فقد زرت ملفك


المهم اختي

اجرك الله فيه واخلف لك خيرا منه

اكثري من قول هذا


الرجل فعلا لا يستحقك

ومادام شديتي في ربي حاجة ما تخصك

هو موش كاتبلك على الاقل ربحتي كرامتك وخرجتي منتصرة بالتمسك بالله

وتاكدي من حاجة

اصبري واحتسبي وصومي متة تفرغت

ويوم يكتب لك الله الزواج سيبعث لك من هو احق بصيانة شرفك

لا من يطلب منك اليوم الصولارة وغدا الحديث وبعد غد اللقاء حتى تولي فيما لا يحمد قباه

ربي وصاهم ان لا ياتو البيوت من ظهورها

ومادا حاب الهدوء علابالك اضحكتني كلمة الهدوء خليه في البحر الهادئ تاعه

ونهار يرزقه ربي بنت يعرف قيمة هدووءه

كانت باينة نيته

والحمد لله على انفصالكما

وربي يعوضك باحسن منه


وتاكدي انه من كان الله معه فلا يخاف الغد من رب كفاه اميه ويومه

وما تنسايش تفرحينا بجديدك

ورمضان على الابواب اطرقي باب الدل الى الله فان كل الابوب الى الله مزدحمة الى باب الذل

ادخلي منه وسيفتح الله عليك بمن يسعدك اكثر مما تعتقدين

موفقة

[حمدا لله كثير]

بارك الله فيكي اختي وربي يجيبلك مكتوبك بالحلال

[معجزة الاكوان]

على بيها اقول دائما
اللي باغيك يدخل على الباب وليس على الشباك
انتوما علاه تقبلو اصلا بهكذا علاقات
اتهنيتي وهذي عبرة ليك وللبنات
اللي ينوي لحلال يقصد الدار حتى ومعندوش
يمد الكلمة برك للعائلة
يثبت نيتو
ربي يسعدك ويحققلك امانيك عاجلا غير اجل