اريد رايكم

مشكلتي · 2012-07-04, 22:21

لسلام عليكم
تعرفت على شاب بلي انسان خلوق و كامل قلي نتعارف قبل الخطبة يعني راي تاعي فيه منكدبش عليكم حكيت معاه و بالي و الله اعلم رجل مخبرات الا مرنيش غالطة للعلم زوج مرات و هو يقولي نخدم و خلاص و كل مرة يبدل المهنة تاعو بلي انسان غامض شوية بيني و بينو 15 سنة
سؤااالي هو هل رجل المخبرات يقدر يتزوج

hamsa1987 · 2012-07-04, 23:32

اختي ما فهمتش ممكن توضحي اكثر ...؟؟؟ كيفاش رجل مخابرات ؟؟؟ على اي اساس راكي تقولي هك

اذا تقصدي بيه ميليتار نعم ممكن يتزوج لانه رجل كباقي الرجال

بصح راكي تقولي تتعارفو قبل الخطبة و تبانلي حكيتي معاه ديجا لكن ما عرفتي عليه والو اذا واش عرفتي عليه ؟؟؟ هذه القضية شوية مريبة

النجمة القطبية · 2012-07-04, 23:58

امرك محير فعلا
انتى لا تعرفين من يكون وغامض ولا تعرفين عمله
وتسالين ان كان يستطيع الزواج

ولد حمد الباتني · 2012-07-05, 00:05

هذا انسان ماهوش ناوي الخير
لأن أول حاجة لازم تعرفيعا خدمتو
ثم الفرق كبير بيناتكم وماننصحكش بيه
لأنو حتى وتولي مرتو راح يكون غامض ويخبي عليك امور

البريئة · 2012-07-05, 00:20

غير اخطيك منو ، و متحوسيش تفهمي أكثر ، لو كان جا ناوي الحلال ايخبرك على كلش من الأول بلا متسقسي

محمد...عبد النور · 2012-07-05, 00:25

مسكينة أنت أيتها الأخت
ربي يهدينا و يهديك هذا ................. ، و اخطيك من الاحلام ،استيقظي
يعني لو قالك انا زلمة سوري و بسكن حلب و بدي اتزوجك ...اذن هو سوري
الناس راهي فارغة شغل و يحوسوا على الفرائس السهلة و اليوم الذي يقضي مآربه سينسحب و لن تجدي له أي أثر
يا بنت الناس فيقي مع روحك و واش هذه السذاجة، اعتبري من مصائب الناس ، راهي الكوارث تحدث يوميا فقط لأجل عاطفة كاذبة يبديها شخص و يحسن التمثيل
و الله العظيم حنا رجال و مرات تنطلي علينا حيل أشخاص همهم أخذ أموال الناس بالباطل ، ماعليش المال يتعوض ، اما الاعراض و الله صعب رد الاعتبار في مجتمع لا يرحم و خاصة الفتاة
ربي يهدينا جميعا و يعرفنا واش نديروا
ســــــــــــــــــــــــــــــلام

الدكتور سام · 2012-07-05, 06:07

اختي ابتعدي عليه.راه ماحابش يعطيك معلومات عليه لانه يخطط لاصطياد فريسته و الهروب دون ان يترك له اي اثر.الهربة تسلك يا اخت

سليلة الغرباء · 2012-07-05, 07:37

الكثير من هؤلاء يتلاعبون بمشاعر الفتياة فاحذري يا أختي ثم لماذا لم تضعيه أمام الأمر الواقع وسيتبين لك أمر صدقه من كذبه ولا تتواصلي معه ،، اعرضي عله أن يأتي لخطبتك ومن ثم تسألون عنه وعن حاله والله يوفقك

معجزة الاكوان · 2012-07-05, 16:25

يجي لاهلك اولا
اومبعد التعارف
وصلاة الاستخارة
وما تدي الا مكتوبك
ربي يهنييييك
(كان احد احلامي اني ندي رجل مخابرات)
ههههههههههههههههه وربما مازال

EVE · 2012-07-05, 17:52

بالاك مخابرات بالاك بارمان بالاك بروكسنات بالاك لص بالاك ,,,, الخ
لوكان جات حاجة مليحة ما يخبيهاش ديري مليح في بالك بلي راهو مخبي حاجة كي تعرفيها تهربي عليه دونك كيما قالولك اخطيك منو

رُوحْ أُنْثَىَ · 2012-07-05, 18:18

شاء كان [مخابرات] او شيء آخر

اين [الصراحه] هنا بينكما وكيف [ستثقين] به وهو [غامض]

افيقي اخيتي

نور اليقين جيداء · 2012-07-05, 20:52

لي فيه الخير ربي يقدمو ليك ان شاء الله

الواثق · 2012-07-05, 21:01

اذا كان مخابرات معناه راه قاعد معاك من اجل قضية اخرى وربما سيستعملك وسيلة لذلك .................هذا من خيالي ..............اما الحقيقة يا اختي الكريمة هو اجنبي عنكي سواء مخابرات غامض او ابن عمك الواضح ................فاتق الله واي رجل يريدك للزواج ياتي من باب اهلك ..................والله الموفق

دكتورة بإذن الله · 2012-07-05, 21:15

اقتباس:

المشاركة الأصلية كتبت بواسطة مشكلتي

لسلام عليكم
للعلم زوج مرات و هو يقولي نخدم و خلاص و كل مرة يبدل المهنة
سؤااالي هو هل رجل المخبرات يقدر يتزوج

يعني حكمتي عليه مخابرات من قوله مرة يعمل كذا و مرة يعمل كذا

علاه ماقلتيش يكذب عليك ؟

يا اختي خليك من التعارف و لي يحوس يتعرف عليك يجي لداركم ماشي يقلك نتعارفو و نعرف عقليتك !

هذا الشخص يتمسخر بيك.. غيراخطيك منو .. و لي ما يخافش من ربي لا خير فيه ..

شهد حنان · 2012-07-05, 21:21

غير اخطيك يا اختي

ولي ناوي الحلال يقول كل شيء وما يخافش ولي يحوس يصتاد يدير هكذا حتى ما يتحكمش من بعد